OCIPAMA 8

Ndi Linga Ndati Akamba Vawa?

“Nda ndi kuete onyeño, ndi sukila umue oco a ndi yevelele. Nda nda sumua, ndi sukila umue oco a ndi lembeleke. Nda nda sanjuka, njongola oku sapuila esanju liaco komunu ukuavo. Kokuange oku kuata akamba esukila limue.”—Brittany.

Kua siata oku popiwa okuti, omãla va sukila vakuavo oco va papale, pole, amalẽhe va sukila akamba. Lipi etepiso liaco?

Vakuavo, vana va pitila kumosi otembo.

Ekamba omunu umue o kuete ovimãho ndevi viove.

 Handi vali, Embimbiliya li popia hati: “Ekamba liocili li lekisa ocisola otembo yosi, kuenda olio li linga manjove kotembo yohali.” (Olosapo 17:17) Citava okuti, olondaka evi vi situlula ukamba wocili okuti, una wa kuatele eci wa kala omõla, ci sule!

Ocili: Osimbu o kula, o sukila akamba va kuete:

1. Ovituwa viwa

2. Va kapako olonumbi via Yehova

3. Va ku vetiya oku linga ovina viwa

Epulilo: O sanga ndati akamba va tẽlisa ovina via tukuiwa ndeti? Tu konomuisa atosi atatu a tukuiwa.

Etosi #1​—Ovituwa Viwa

Ceci o sukila oku kũlĩha. Havosiko va popia okuti akamba, akamba muẽle vocili. Ndaño muẽle Embimbiliya li popia okuti, “kuli akamba va li linga cĩvi omunu lukuavo.” (Olosapo 18:24) Eci ci pondola oku molẽha ndu okuti, ca piãla enene. Pole, sokolola: Kua kala ale hẽ omunu umue wa linga “ekamba” liove omo liocina cimue wa kuatele? Ale, lia popia olombonde, ale lia ku sokola? Ovina evi vi pondola oku ku lingisa okuti, ku kolela vali akamba vove. a Otembo yosi ivaluka okuti catiamẽla kukamba, ca velapo oku kuata akamba vocili okuti akamba valua sio!

Ceci o linga. Nõla akamba vana va kuete ovituwa vi sesamẽla oku setukuiwa.

“Omanu vosi va kuete ovisimĩlo viwa viatiamẽla kekamba liange Fiona. Ndi yongolavo oku kuata ovituwa ndevi viaye. Eci ocina cimue ci ndi komõhisa.”—Yvette, 17 kanyamo.

Linga upange owu:

1. Tanga Va Galatia 5:22, 23.

2. Lipula ndoco: ‘Akamba vange va kuete hẽ ovituwa vi panga onepa ‘kepako liespiritu’?’

3. Soneha pombuelo olonduko viakamba vove vocili. Ponele yonduko londuko, sonehapo ocituwa ciwa eye a kuete.

Onduko

․․․․․

Ocituwa

․․․․․

Ocisimĩlo: Nda o tẽla lika oku ivaluka ovituwa vĩvi, hĩse oku sandiliya akamba vakuavo!

Etosi #2​—Va kapako olonumbi via Yehova

Ceci o sukila oku kũlĩha. Nda o kuete esakalalo lioku linga ukamba lonjanga, o pondola oku nõla akamba vãvi. Embimbiliya liti: “Una o livala ukamba leveke o ka liyaka lovitangi.” (Olosapo 13:20) Ondaka ‘eveke’ ka yi tiamisiwila komanu vana okuti kosikola va kuata atendelo atito koloseteko, ale ka va loñolohele. Pole, yi situlula vana va nyehũla esunga kuenda ka va kapeleko ovina via sunguluka. Ku sukila oku kuata ekamba liaco!

Ceci o linga. Nõla kuenda ku ka linge ukamba lomanu vosi. (Olosamo 26:4) Eci ka ci lomboloka oku kala ukuacame. Ci lomboloka oku kũlĩha “etepiso li kasi pokati komunu ukuesunga kuenda omunu ondingaĩvi, pokati ku o fendela Suku kuenda u kofendela.”—Malakiya 3:18.

“Ndi pandula calua olonjali viange via ndi kuatisa oku sanga akamba vakuanyamo amuamue lame okuti, va kasi ciwa konepa yespiritu.”—Christopher, 13 kanyamo.

Tambulula apulilo a kuãimo:

Nda ndi kasi lakamba vange nda siata hẽ oku sakalala nda okuti va ndi kisika oku linga cimue ka ca sungulukile?

□ Oco

□ Sio

Ndi kuete hẽ ohele yoku lekisa akamba vange kepata liange loku sima okuti, olonjali viange ka vi pondola oku va tava?

□ Oco

□ Sio

Ocisimĩlo: Nda wa tambulula okuti oco kapulilo a kasi vonano, sanda akamba va kapako olonumbi via Yehova okuti—Akristão vana va lekisa ongangu yiwa.

 Etosi #3​—Va ku vetiya oku linga ovina viwa

Ceci o linga. Embimbiliya liti: “Akamba vãvi va nyõla ovituwa viwa.” (1 Va Korindo 15:33) Umalẽhe umue o tukuiwa Lauren o lombolola ndoco: “Vakuetu tu tangela kumosi kosikola, va enda lika oku tava okuti ndi kala pokati kavo nda ndi linga ovina ovo va yongola. Omo okuti nda enda oku yeva ulika, nda nõlapo oku linga ovina ovo va yongola, oco ndi taviwe.” Lauren wa limbuka okuti nda o linga ovina vi likuata lolonumbi viomanu vakuavo, o kala ndocikuata cimue cevaya yomapalo yoxadrez okuti, cupiwa pocitumãlo cimue ndomo va seya. Ove o sesamẽla ovina vikuavo okuti, evi vi sule!

Ceci o linga. Liwekapo oku linga ukamba la vana va yongola okuti, o kuama ekalo liomuenyo wavo. Nda wa ci linga, pamue o kuata akamba vatito, pole, o ka liyeva ciwa kuenda o ka eca evelo lioku kuata akamba vakuavo va ku vetiya oku linga ovina lonjila ya sunguluka.—Va Roma 12:2.

“Clint ekamba liange, omunu umue wa sunguluka. Eye wa siata oku ndi pamisa calua.”—Jason, 21 kanyamo.

Li pula ndoco:

Anga hẽ ndi wala, ndi vangula, ale oku linga ovina ka via sungulukile oco ndi sanjuise akamba vange?

□ Oco

□ Sio

Nda siata hẽ oku enda kovitumãlo ka via sungulukile okuti nda ka ca kaile omo liakamba nda sia endeleko?

□ Oco

□ Sio

 Ocisimĩlo: Nda wa tambulula okuti oco kapulilo a kasi kemẽla lia pita, pinga elungulo kolonjali viove, ale komunu ukuavo ukulu wa loñoloha. Nda Wumbangi ya Yehova, sanda ukulu umue wekongelo kuenda u sapuila okuti, o yongola ekuatiso liaye koku nõla akamba va ku vetiya oku linga ovina viwa.

 TANGA OVINA VIKUAVO VIATIAMẼLA KOSAPI EYI VELIVULU 2, OCIPAMA 9

VOCIPAMA CI KUÃIMO

Anga hẽ umue o tukula okuti ekamba liove—ale utima wove—o kasi oku ku vetiya oku linga cimue ka ca sungulukile? Kũlĩha ndomo o tamãlala!

[Etosi Pombuelo Yemẽla]

 OCISONEHUA CA VELAPO

“Kuli ekamba limue li kakatela okuti, manjove ketimba ci sule.”—Olosapo 18:24

ONUMBI

Live by upright standards, and others who are striving to do the same will be more likely to find you. They will make the best kind of friends!

WA CI KŨLĨHA . . . ?

God is not partial, but he is very selective when it comes to whom he will accept as ‘a guest in his tent.’​—Psalm 15:1-5.

 ESOKIYO LIOKU CI LINGA!

To find good friends, I will ․․․․․

Some who are older than I am with whom I would like to become better acquainted include ․․․․․

What I would like to ask my parent(s) about this subject is ․․․․․

O TAMBULULA NDATI?

● What qualities would you most value in a friend, and why?

● What qualities do you need to work on to be a better friend?

[Olondaka vi teta onimbu kemẽla 60]

Eci olonjali viange via ndi tepa kocimunga cimue cakamba, vutima nda popia hati, si yongola vali akamba vakuavo, nda sanjukilile akamba nda kuatele. Pole, elungulo liavo lia kala liwa kuenje ndeya oku limbuka okuti kuli akamba valua vawa.’​—Cole

Nda o linga ovina vi likuata lolonumbi viomanu vakuavo, o kala ndocikuata cimue cevaya yomapalo yoxadrez okuti, cupiwa pocitumãlo cimue ndomo va seya