Kuata ocimãho. Ocimãho cipi o yongola oku tẽlisa kohundo yove? Oku eca hẽ onumbi, loku vetiya omanu? Sokolola kocimãho cove poku pongiya ohundo kuenda kũlĩhĩsa nda atosi osi a velapo a ku kuatisa oku tẽlisa ocimãho caco.

Pitulula osapi yohundo yove. O pondola oku ci linga poku pitolola olonjanja vimue olondaka viosapi, ale tukula olondaka vi kuete elomboloko limuamue.

Lombolola atosi a velapo lonjila ya leluka. Nõla ño atosi a velapo a kuete elitokeko losapi kuenda ndomo ci likuata lotembo ya ku yilikiwila. Tukula ño atosi amue a velapo. Vangula eci catiamẽla ketosi limue, talamapo kamue kuenje pita ketosi likuavo.