Esekiele 2:1-10
2 Noke eye wa ndi sapuila hati: “A mõlomunu,* votoka oco ndi sapele love.”+
2 Eci a kala oku vangula lame, espiritu lia Suku lia iñila vokuange kuenda lia ndi votola+ oco njevelele Una wa kala oku vangula lame.
3 Eye wa ndi sapuila hati: “A mõlomunu, ñasi oku ku tuma komanu va Isareli,+ kolofeka viesino vina via ndi sinĩla.+ Ovo kumue la vakukululu yavo ka va liwekelepo oku ndi lueyela toke etaili.+
4 Ñasi oku ku tuma komãla vana va siva haivo ovimbinde+ kuenda va sapuila okuti: ‘Eci oco Ñala Tõlo Yehova a popia.’
5 Kokuavo, ci kale okuti va yeva ale sio, momo ovo omanu vamue va sina,+ ovo va ka kũlĩha okuti, pokati kavo pa kala uprofeto umue.+
6 “Pole, ove a mõlomunu, ku ka kuate usumba omo liavo,+ ku ka kuate usumba omo liolondaka viavo ndaño okuti, ove wa ñualiwa locambanda kuenda olosongo*+ kuenda wa tunga pokati kanyenya. Ku ka kuate usumba omo liolondaka viavo+ kuenda ku ka yokokele ovipala viavo,+ momo ovo omanu vamue va sina.
7 Sapuila olondaka viange kokuavo, ci kaile okuti va yeva ale sio, momo ovo omanu vamue va sina.+
8 “Pole, ove a mõlomunu, yevelela eci ñasi oku ku sapuila. Ku ka sine ndeci omanu ava va sina. Yikula omẽla wove kuenda lia eci ñasi oku ku ĩha.”+
9 Eci nda vanja, nda mola eka limue lioluĩla kokuange+ kuenda peka liaco, nda muilapo ociña cimue ca sonehiwa.*+
10 Eci eye a ci muñuluila kovaso ange, ociña caco ca sonehiwile kovaso lo konyima.+ Vociña caco mua sonehiwile ovisungo viesumuo, alisiõsuĩlo kuenda oku lila.+
Atosi Pombuelo
^ “Mõlomunu”; onjanja yatete yi molẽha kolonjanja 93 velivulu lia Esekiele.
^ Ale pamue, “ndaño okuti omanu va kala vakuavitima via siva kuenda va sokisiwile lovina vi ku toma.”
^ Ale “ociña celivulu limue.”
