Etundilo 15:1-27
15 Vepuluvi liaco, Mose la va Isareli va imbila Yehova ocisungo eci+ vati:
“Njimbila Yehova ocisungo, momo eye wa kemãlisiwa calua.+
Okavalu lu wa endelako wa va imba vokalunga.+
2 Yehova eye ongusu yange lunene wange, momo wa linga epopelo liange.+
Eye Suku yange, ndu ko sivaya;+ eye Suku ya isiange,+ ndu ko kemainya.+
3 Yehova esualali limue lia pama.+ Yehova oyo onduko yaye.+
4 Akãlu a Fareo kumue lolohoka viaye, Eye wa vimba vokalunga,+Asualali vaye va velapo va vomba Vokalunga Kakusuka.+
5 Akimba o vokalunga a va sitika; va lokila valondo ndewe.+
6 A Yehova, eka liove liondio lia pama kunene;+A Yehova, eka liove liondio, li pondola oku nyanyõla unyãli.
7 Lulamba wove wa piãla, o yula vana va ku katukila;+Onyeño yove ya wenguka kuenje yi va lia ndovinene.
8 Pocakati cofela yanyũlu ove, ovava a likongela pamosi;Ovava a talama pamosi, loku tateka andunde;Alondo ovava a lipungikila vokati* kokalunga.
9 Unyãli wa popia hati: ‘Ndi va landula! Ndi va sanga!
Ndi tepa ovina via pundiwa toke eci ndi sanjuka!
Ndi pola osipata yange! Okuokuo kuange ku va yula!’+
10 Ove wa sikisa ofela yove kuenje okalunga ka va sitika;+Va vomba ndocivela ci lema vokalunga kanene.
11 A Yehova, pokati kolosuku helie wa lisoka love?+
Helie wa lisoka love okuti, wa velapo koku kola?+
Te Una o sesamẽla oku sumbiwa lovisungo viesivayo, Una o linga ovikomo.+
12 Ove wolõla eka liove liondio kuenje ongongo ya va ina.+
13 Wa songuila locisola cove ka ci pongoloka omanu vana wa yovola;+O ka va songuila longusu yove kocitumãlo cove ci kola.
14 Omanu va ka ci yeva;+ kuenje va ka luluma;Olonungi vio ko Filisiti vi ka kuatiwa lolongembia.*
15 Asongui* vo ko Edome va ka sakalala,Kuenda olombiali* via pama vio ko Moavi vi ka luluma.+
Olonungi viosi vio ko Kanana vi ka sumua.+
16 Va ka kuatiwa lusumba kuenda ocinjoko.+
Omo liunene wokuokuo kuove, va ka kala ndewe, ka va ka lisenga,Toke eci omanu vove va pita, A Yehova,Toke eci omanu wa lulika+ va pita.+
17 A Yehova, o va nena kuenda o va kapa komunda yocipiñalo cove,+Ocitumãlo ove muẽle wa pongiya oco o kalemo,Ocitumãlo cimue ci kola ovaka ove a pongiya, A Yehova.
18 Yehova o viala ndosoma otembo ka yi pui.+
19 Eci olokavalu via Fareo kumue lakãlu aye wuyaki kuenda alume vakuakuendela kolokavalu va iñila vokalunga,+Yehova wa tiuwiya vali ovava okalunga kilu liavo kuenje a va sitika,+Pole, omanu va Isareli va endela posi ya kukuta vokati kokalunga.”+
20 Kuenje Miriama uprofeto ukãi okuti mukãi wa Arone, wa kuata opandelu kuenda akãi vosi vo kuama konyima oku sika olopandelu loku piluka.
21 Miriama poku imba wa tambulula alume hati:
“Imbili Yehova ocisungo, momo wa kemãlisiwa calua.+
Okavalu lu wa endelako wa va imba vokalunga.”+
22 Noke Mose wa tunda la va Isareli Vokalunga Kakusuka kuenje va enda vekalasoko lio Siuri kuenda va linga ungende woloneke vitatu vekalasoko, pole, ka va sangele ovava.
23 Eci va pitĩla ko Mara,*+ ka va tẽlele oku nyua ovava o ko Mara omo a lula. Eli olio esunga lieci ocitumãlo caco ca lukiwila okuti, Mara.
24 Kuenje omanu va fetika oku lisiõsũila Mose+ vati: “Tu nyua nye?”
25 Eye wa kalukila ku Yehova+ kuenje Yehova wo lekisa uti umue. Eci eye a wimba vovava, ovava aco a sõsa.
Kocitumãlo caco, oko Eye a va tumbikila ociholo kuenda ocihandeleko kuenje wa va kapa voseteko.+
26 Eye wa popia hati: “Nda wa yevelela kondaka ya Yehova Suku yove loku linga eci ca sunguluka kovaso aye loku pokola kovihandeleko viaye kuenda koviholo viaye viosi,+ si ka nena kokuove ovovei ana nda nenela va Egito,+ momo ame ndi Yehova ndu ku sakula.”+
27 Noke va pitĩla ko Elimi kuna kua kala 12 kolono viovava kuenda 70 koviti vieva. Kuenje oko va tungila ocilombo cavo ocipepi lovava aco.
Atosi Pombuelo
^ Lit., “utima.”
^ Lit., “olongembia vioku cita.”
^ Usongui wa kala utue wepata.
^ Ale “olongangala.”
^ Ci lomboloka “Calula.”
