Isaya 10:1-34
10 Ngongo ya vana va tumbika ovihandeleko ka via sungulukile,+Vana va siata oku soneha oviholo viekangiso,
2 Oco va likale omoko* yohukũi,Loku tateka esunga liomanu vomboka pokati komanu vange,+Oku punda ovina viocimbumbaKuenda oku punda ovina viomãla ka va kuete isia!*+
3 Nye ene vu ka linga keteke lieyambulo,+Eci enyõleho li ka tunda kupãla liya?+
Kulie vu ka tilila oku sanda ekuatiso,+Kuenda pi vu ka sia ovokuasi ene?*
4 Lacimue ci supapo te lika oku petamẽla olomandekuaAle oku kupukila pokati ka vana va fa.
Omo liovina viaco viosi, onyeño yaye ka ya litiukilemo,Pole, eka liaye handi liolõha oco li ponde.+
5 “Avoyo we! O Asuria,+Ombueti yoku situlula onyeño yange+Kuenda ombueti yi kasi peka liavo, yoku situlula onyeño yange!
6 Ame ndu ko tuma kofeka yimue yolonanguluke,+Komanu vana va ndi sumuisa;Ndi ka eca ocihandeleko kokuaye oco a tambule ovina vialua via pundiwaKuenda oco a vi kose ndolonata volokololo.+
7 Pole, eye ka ka kuata ovisimĩlo vioku ci lingaKuenda utima waye ka u ka sima oku ci linga;Momo eci ci kasi vutima waye, oku ponda,Oku kundula olofeka vialua okuti, vitito havioko.
8 Eye o pula hati:
‘Olombuale viange viosi ka vi kasi hẽ ndolombiali?+
9 Anga hẽ o Kalino+ ka ya lisokele lo Karekemisi?+
O Hamati+ ka ya lisokele hẽ lo Aripade?+
O Samaria+ ka ya lisokele hẽ lo Damasko?+
10 Eka liange lia tambula ovosoma olosuku ka vi kuete esilivilo,Oviñumañuma viavo via luile calua okuti, vina vio ko Yerusalãi kuenda vio ko Samaria vi sule!+
11 Si ka lingavo hẽ lo Yerusalãi kuenda loviteka vialioNdeci nda linga lo Samaria kumue lolosuku vialio ka vi kuete esilivilo?’+
12 “Eci Yehova a ka mala upange waye Komunda Siono kuenda ko Yerusalãi, eye o ka kangisa osoma yo ko Asuria omo liutima waye ka wa sungulukile kuenda ocipululu caye lepela.+
13 Momo eye wa popia hati:
‘Ndi ka ci linga longusu yeka liangeKuenda lolondunge viange momo ame ndukualondunge.
Ndi ka malako olongave viomanu+Loku punda ovokuasi avo,+Kuenda ndi ka yula olonungi ndomunu umue ukuonene.+
14 Ndomunu umue o sandiliya vokati kocanju,Eka liange li ka punda ovokuasi omanu;Kuenda ndomunu umue o kongela asaila a siwapo,Ndi ka kongela ovina viosi kilu lieve!
Lomue o ka veta avava aye ndaño oku yikula omẽla ale oku linga kueo.’”
15 Anga hẽ ondiaviti yi pitahãla una o kasi oku teta layo?
Anga hẽ oselalo yi pitahãla una o kasi oku selala layo?
Ombueti yimue yi pondola hẽ oku senga una o yi votola?
Ale ombueti+ yimue yi pondola hẽ oku votola una o yi kuete?
16 Omo liaco, Ñala yocili Yehova ukualohoka,O ka lingisa okuti alume vavo va pama va ka hongua,+Kuenda o Suria ka yi ka kuata vali esivayo. Oyo yi ka kala ndu okuti ya timĩhiwa yosi londalu.+
17 Ocinyi co Isareli+ ci ka linga ondalu,+Kuenda Una o Kola wa Isareli o ka linga ulienge;Kuenje veteke limuamue o ka timĩha o Asuria.
18 Eye o ka malako esivayo liosi liusenge waye kuenda lioviti viaye viapako;Ci ka kala ndomunu umue wa hongua eci a vela.+
19 Etendelo lioviti vi ka supapo viusenge wayeLi ka kala litito okuti, kakuenje o pondola oku vi tenda.
20 Keteke liaco, vana va ka supapo ko IsareliKuenda ovisupe vionjo ya YakobaKa va ka sanda vali ekuatiso ku una o va ponda;+Pole, ovo va ka kuatisiwa la Yehova,Una o Kola wa Isareli, locili.
21 Ku ka tiuka lika ocisupe cimue,Okuti, ocisupe covitumbulukila via Yakoba ku Suku Ukuonene.+
22 Ndaño okuti omanu vove A Isareli,Valua ndeseke lio vokalunga,Pokati kavo, ocisupe cimue lika ci ka tiuka.+
Kua eciwa ocihandeleko coku ka kundula,+Kuenda esunga* li ka va ina.+
23 Ocili okuti, ocihandeleko ca eciwa la Ñala Tõlo Yehova ukualohoka,Ci ka tẽlisiwa kolonepa viosi viofeka.+
24 Omo liaco, ca popia Ñala Tõlo Yehova ukualohoka ceci hati: “Amanu vange wa tungi ko Siono, ko ka kuati usumba omo liu Asuria una wa enda oku vu veti lombueti+ kuenda oku vu votuili ombueti yaye ndeci o Egito ya linga.+
25 Vokuenda kuotembo yimue yitito, onyeño yi ka sulila; kuenda onyeño yange yi ka tiamisiwila kokuavo oco va kunduiwe.+
26 Yehova ukualohoka o ko kangisa lombueti,+ ndeci a yula o Midiane ocipepi lewe lio Oreve.+ Kuenda ombueti yaye yi ka kala kilu liokalunga kuenje eye o ka yi votola ndeci a linga lo Egito.+
27 Keteke liaco, ocilemo caye ci kopiwa kapepe ove,+Kuenda okanga yaye yi kopiwa kosingo yove,+Kuenje okanga yi ka teyiwa+ omo liulela.”
28 Eye wa pitĩla ko Haiate;+Wa pita ko Migirono;Wa sia ovikuata viaye ko Mikimasi.+
29 Ovo va pita volui;Va lale vo Geva;+O Rama ya luluma, olonungi vio Givea+ vina via kala volupale lua Saulu via tila.+
30 Lila kuenda kaluka Amõla ukãi wa Galimi!
Yevelela lutate, A Laisa!
Anatote, a hukũi!+
31 Madimena wa tila.
Olonungi vio Gevi via sanda ocitililo.
32 Keteke liaco, eye o ka talama vo Nove.+
Eye o tutumũila eka liaye komunda yomõla ukãi a Siono,Owulu wo Yerusalãi.
33 Tali! Ñala yocili Yehova ukualohoka,O kasi oku teta ovianja lonjila yimue yi komõhisa calua;+Oviti via lepa calua vi kasi oku tetiwa,Kuenda vina visõvi vi kasi oku kupuiwa.
34 Eye o timbula oviti vio vusenge locimalẽho cimue cutale,*Kuenda oviti vio Levanone vi ka kupuiwa la umue wa pama.
Atosi Pombuelo
^ Ale “oku tateka ohukũi oku sanda esunga kombonge.”
^ Ale “olosiwe.”
^ Ale “ulamba.”
^ Ale “ekangiso.”
^ Ale “ondiaviti yimue.”
