Isaya 13:1-22
13 Esapulo limue lioku katukila o Bavulono,+ lina Isaya+ omõla a Amose a mola vocinjonde liokuti:
2 “Kapi ondimbukiso yimue*+ komunda yovawe.
Va vilikiyi, va payuli leka liene.
Oco ovo va iñilile polombundi violombuale.
3 Nda eca ocihandeleko ku vana ame nda nõla.*+
Oco ndi lekise onyeño yange, nda kovonga asualali vangeVa sanjuka loku lipanda.
4 Yeveleli! Owiñi u kasi kolomunda;Onjuela yavo yi kasi ndetendelo liomanu valua!
Yeveleli! Onjuvungo yovosoma,Yolofeka via kongeliwa!+
Yehova ukualohoka o kasi oku kongela olohoka oco vi yake.+
5 Oku upisa kofeka yimue yocipãla,+Oku upisa kesulilo liovailu,Yehova kuenda ovimalẽho vionyeño yaye va kasi oku iya,Oku nena enyõleho kilu lieve liosi.+
6 Lisiõsiõli, momo eteke lia Yehova li kasi ocipepi!
Olio li keya ndenyõleho limue li tunda Kukuonene Wosi.+
7 Eli olio esunga lieci ovaka osi a ka honguela,Kuenda utima womanu u ka yenguluka lusumba.+
8 Omanu va kasi lusumba.+
Ovo va sumua kuenda va kuetiwe lolongembia,Ndolongembia viukãi o kasi oku cita.
Ovo va vanja komunu lukuavo lusumba,Kuenda esumuo liavo li lekisiwa kovipala viavo.
9 Tali! Eteke lia Yehova li kasi oku iya,Loku tema kuenda lonyeño yaluaKeteke liaco, ka ku ka lekisiwa ohenda komunu laumue,+Kuenda li ka kundula vakuakandu vofeka.
10 Olombungululu vio kovailu kuenda oviengele violombungululu*+Ka vi ka eca ocinyi cavio;Ekumbi li ka tekãva poku tunda,Kuenda osãi ka yi ka eca ocinyi calio.
11 Ndi ka sombisa olonungi vio kilu lieve omo lievĩho liavo,+Kuenda olondingãivi omo lieko liavio.
Ndi ka malako epela lia vana va siata oku lipanda,Kuenda ndi ka kutisa osõi oku lipanda kuolongangala.+
12 Ndi ka lingisa okuti omunu o tĩla okuti, ulu wa fina u sule,+Kuenda omanu va tĩla okuti, ulu wo Ofiri u sule.+
13 Eli olio esunga lieci ndi ka lulumisila ovailu,Kuenda ilu lieve li sakumuĩwa pocitumãlo calio+Konyeño ya Yehova ukualohoka okuti, keteke lionyeño yaye yalua.
14 Ndombambi yimue yi yeviwa kuenda ndocunda cimue ka ci kuete u o ci ongolola,Omunu lomunu o ka tiukila komanu vaye muẽle;Omunu lomunu o ka tilila kofeka yaye muẽle.+
15 Wosi una o ka sangiwa o ka pondiwa,Kuenda wosi una o ka kuatiwa, o ka pondiwa losipata.+
16 Omãla vavo vatito va ka tetiwa vovinimbu kovaso avo,+Olonjo viavo, vi ka pundiwa,Kuenda akãi vavo va ka putuiwa.
17 Ndi ka va votuila va Media,+Vana va tenda opalata okuti ka yi silivilaHaivo ka va sanjukila ulu.
18 Olohonji viavo vi ka nyanyõla akuenje;+Ovo ka va ka lekisa ocikembeAle ohenda komãla vavo.
19 Kuenje o Bavulono okuti oyo ya kemãla pokati kovosoma,+Eposo kuenda esanju lia va Kaldea,+Vi ka kala ndo Sodoma kuenda ndo Gomora, eci Suku a vi kundula.+
20 Lalimue eteke mu ka kala vali omanu,Ndaño oku tungamo vokuenda kuovitumbulukila viosi.+
Lomue u Arabia o ka kapamo ombalaka yaye,Kuenda angombo ka va ka kapamo oviunda viavo oco vi puyukilemo.
21 Oviluvo vio vekalasoko omo vi ka pekaila;Olonjo viavo vi ka yukisiwa lovimbamba.
Olombo omo vi ka tunga,+Kuenda olohombo viovusenge* vi ka tehãlamo.
22 Ovinyama vi ka kalukila volosapalalo viayo,Kuenda olombua viovusenge* vi ka kalukila kovitumãlo viayo via posoka.
Otembo yalio yi kasi ocipepi kuenda oloneke vialio ka vi ka livokiya.”+
Atosi Pombuelo
^ Ale “ombueti yondimbukiso.”
^ Lit., “ku vange va kolisiwa.”
^ Lit., “kuenda Olokesili vialio,” citava okuti, yi tiamisiwila ko Orion kuenda koviengele violombungululu via ñualako.
^ Ale pamue, “Kuenda olondele vi kasi ndolohombo.”
^ Ocinyama cimue covusenge ca setahãla ombulu.
