Isaya 33:1-24
33 Ngongo yove, ove ukuakunyõla okuti kua nyõliwile;+Ove wumakuli una okuti kua pakuiwile!
Eci ove o mãla oku nyõla, o ka nyõliwavo.+
Eci ove o mãla oku pakula, o ka pakuiwavo.
2 A Yehova, lekisa ohenda kokuetu.+
Elavoko lietu li kasi kokuove.
Tu kuatise lokuokuo* kuove+ kua pama olomẽle viosi,Ocili, elavoko lietu kotembo yohali.+
3 Omanu eci va yeva onjuela, va tila.
Eci ove o votoka, olofeka vi lisandola.+
4 Omanu va ka kongela ovina viove via pundiwa ndeci ci kongeliwa olohuma;Omanu va ka limba kilu liavio ndendo liolohuma.
5 Yehova o ka kemãlisiwa,Momo eye wa tunga kocitumãlo ca lepa.
Eye o ka yukisa o Siono lesunga kuenda lesunguluko.
6 Eye una ove o pondola oku kolela otembo yosi;Epopelo lialua,+ olondunge, ukũlĩhĩso kuenda oku sumbila Yehova+Eci oco ukuasi waye.
7 Tali! Asualali vavo va pama va kalukila volokololo;Vakuakusapula ombembua va lila calua.
8 Atapalo a siala ekalasoko;Ka kuli laumue o pita volonjila.
Eye* wa sinĩla ocisila;Wa likala alupale;Ka lekisa esumbilo komunu laumue.+
9 Ofeka yi lisiõsiõla* kuenda yi hongua.
O Levanone yi kuete osõi;+ oyo ya vola.
O Siarone ya siala ndekalasoko,Kuenda o Basiane lo Karimele amẽla alio a loluka.+
10 “Cilo ndi votoka,” oco Yehova a popia,“Kaliye ndi li kemãlisa ame muẽle;+Cilo ndi li kemãlisa ame muẽle.
11 Ene vu mina owangu kuenda vu cita ovinene.
Espiritu liene muẽle li ko li elisi ndondalu.+
12 Kuenje omanu va ka kala ndohala yimue ya timĩhiwa.
Ovo va ka pia londalu ndocambanda ca tetiwa.+
13 Yeveleli eci ndi ka linga, ene vu kasi ocipãla!
Kuenda ene vu kasi ocipepi, limbuki unene wange!
14 Vakuakandu vo ko Siono va kasi lusumba;+Olonanguluke vi kasi oku luluma lusumba:
‘Helie pokati ketu o pondola oku kala pana pali ondalu yi nyõla?+
Helie pokati ketu o pondola oku kala pokati kulienge ka u imĩwa?’
15 Una amamako oku endela vesunga,+Haeye o vangula eci ca sunguluka,+O yuvula uhembi kuenda oku nyana,Una okuti ovaka aye a likala oku tambula ovitukiko,+Una o sitika ovatũi aye poku yuvula oku yevelela olondaka vioku pesela osonde,Kuenda o tindula ovaso aye koku tala eci cĩvi
16 Eye o ka tunga kovitumãlo via lepa;Ocitililo caye ca koka* ci ka kala vesenje lia pama,Eye o ka tambula ombolo yaye,Kuenda vociseleko caye covava ka mu ka pua.”+
17 Ovaso ove a ka mola osoma yimue vulamba waye;A ka mola ofeka yimue yi kasi ocipãla.
18 Vutima wove o ka ivaluka* usumba poku pula hati:
“Usonehi o kasi pi?
Una wa enda oku pesalisa ulambu o kasi pi?+
Una wa enda oku tenda olosapalalo o kasi pi?”
19 Ove ku ka mola vali omanu olonjaki,Omanu vana okuti elimi liavo ka lia lelukile* oku kuata elomboloko,Vana va vangula upopi umue okuti, ove ku tẽla oku kuata elomboloko liaco.+
20 Vanja ko Siono, olupale luovipito vietu!+
Ovaso ove a ka mola o Yerusalãi ndocitumãlo cimue ca koka coku kala,Ombalaka yimue okuti ka yi kopiwako.+
Olopeleko viayo lalimue eteke vi ka tukũiwa,Kuenda laumue ukolo wayo u ka tepiwa.
21 Pole, Yehova Vulamba waye,Kokuetu o ka kala ofeka yimue yolondui, yolono yovisave,Kuna okuti laumue owato woku tapula u ka endako
Kuenda layimue onaviyu yi komõhisa yi ka pitako.
22 Momo Yehova eye Onganji yetu,+Yehova eye Usovoli wetu Wovihandeleko,+Yehova eye Soma yetu;+Eye Una o ka tu popela.+
23 Ovikolo viovanyãli vove vi ka yonga;Ovio ka vi ka tẽla oku kolisa ongunji ndaño oku tumũla onanga.
Kotembo yaco, ku ka kala ovina vialua via pundiwa okuti vi ka tepiwa;Ndaño muẽle ovilema vi ka pundavo calua.+
24 Kuenje layimue onungi yi ka popia yiti: “Ndi vela.”+
Suku o ka ecela eko liomanu va tunga vofeka.+
Atosi Pombuelo
^ Ale “ongusu.”
^ Ci tiamisiwila kunyãli.
^ Ale pamue, “yi kukuta.”
^ Ale “ocitililo ca lepa.”
^ Ale “oku sokolola ku.”
^ Lit., “lia longa.”
