Isaya 4:1-6
4 Akãi epanduvali va ka lamelẽla kulume umosi keteke liaco+ vati:
“Etu tu ka lia ombolo yetu muẽleKuenda etu muẽle tu ka lipongiyila uwalo;Ecelela ño okuti, tu tukuiwa londuko yoveOco tu yovuiwe kosõi yetu.”*+
2 Keteke liaco, ovikũla Yehova a ka yovisa, vi ka posoka loku kuata ulamba kuenje epako liofeka li ka kala ulamba kuenda eposo lia vana va supapo ko Isareli.+
3 Vosi va supa ko Siono kuenda va supa ko Yerusalãi, vosi vana ko Yerusalãi okuti va sonehiwila omuenyo, va ka tukuiwa okuti, va kola.+
4 Eci Yehova a ka sukula eliño* liomãla vakãi vo ko Siono+ loku puenya atime osonde ya pesiwa vokati ko Yerusalãi, lespiritu lioku sombisa kuenda espiritu limue lioku timĩha,*+
5 Yehova o ka kapa kolonepa viosi Viomunda Siono kuenda kocitumãlo colohongele vialio elende limue, lowisi vokuenda kutanya kuenda ulienge umue wondalu luteke;+ kovina viosi viulamba, ku ka kala ocitililo cimue.
6 Kuenje ku ka kala ombalaka yimue oco yece ulembo omo liowuya wutanya+ kuenda ocitililo lociteyuilo cehunguhungu lombela.+
Atosi Pombuelo
^ Okuti, oku sepuiwa omo omunu ka kuelele kuenda ka kuete omãla.
^ Lit., “aniña.”
^ Ale “oku yelisa.”
