Olosapo 13:1-25
13 Omõla ukualondunge o tava kepindiso lia isiaye,+Pole, ukuakupembula ka yevelela eci vo lemẽla.*+
2 Ulume kepako liolondaka* viaye o ka lia eci ciwa,+Pole, onjongole ya vakuelimbi, ungangala.
3 Omunu o lava omẽla* waye o teyuila omuenyo waye,+Omunu ka lavi omẽla waye o ka nyõliwa.+
4 Omunu ukuawesi o livela ovina vialua, ndaño ka kuete lacimue,+Pole, omunu ukuambili o ka sanjuisiwa* calua.+
5 Ukuesunga o suvuka ovohembi,+Pole, ovilinga violondingaĩvi vi koka osõi kuenda ekambo liesumbilo.
6 Esunga li teyuila omunu una okuti, onjila yaye ka yi kuete eko,+Pole, ũvi u nena enyõleho komunu ukuekandu.
7 Kuli umue o liluvikiya oku kala ohuasi, pole, ka kuete lacimue;+Kuli umue o liluvikiya oku kala ohukũi, pole, o kuete ovokuasi alua.
8 Ovokuasi omunu, ocisembi comuenyo waye,+Pole, olohukũi ka vi saluisiwa.*+
9 Ocinyi ca vakuesunga ci nina calua,*+Pole, ondiyelo yolondingaĩvi yi ka imiwa.+
10 Epela li koka uyaki,+Pole, olondunge vi kasi lava va sanda elungulo.*+
11 Ovokuasi oku nganyala lonjanga* a ka tepuluka,+Pole, ovokuasi a una o selaika kamue kamue* a ka livokiya.
12 Elavoko ka lia tẽlisiwile, li koka evalo vutima,+Pole, onjongole ya tẽlisiwa oyo uti womuenyo.+
13 Wosi o likala onumbi* o ka yambuiwa,+Pole, wosi o sumbila ocihandeleko o ka tambula onima.+
14 Elongiso* liukualondunge olio ono yomueyo+Momo li kuatisa omunu oku tinduka kolonjanjo vioku fa.
15 Una o kuete olondunge o tatiwa lohenda,Pole, onjila ya vakuelimbi ya tĩla.
16 Omunu ukualondunge o linga ovina lukũlĩhĩso,+Pole, eveke li situlula uveke waye muẽle.+
17 Omunga yĩvi yi koka ovitangi,+Pole, esapulo liomunga ya koleliwa li sakula.+
18 Wosi o likala epindiso o wila vuhukũi kuenda vekambo liesumbilo,Pole, una o tava elungulo* o ka kemãlisiwa.+
19 Eci onjongole yi tẽlisiwa, yi sanjuisa omunu,+Pole, eveke li suvuka oku tinduka kũvi.+
20 Omunu endaenda lukualondunge o lingavo ukualondunge,+Pole, una o livala ukamba leveke o ka liyaka lovitangi.+
21 Ohali yi kuama kuama vakuakandu,+Pole, ukuasi u sumũlũisa vakuesunga.+
22 Omunu uwa o sila ocipiñalo olonekulu viaye,Pole, ukuasi wukuakandu u selekiwila ukuesunga.+
23 Epia liohukũi okuti lia pongiyiwa ciwa, lima okulia kualua,Pole, olio citava okuti li nyõliwa omo liekambo liesunga.
24 Omunu wosi o yuvula ombueti* yaye, wa suvuka omõlaye,+Pole, una o sole omõlaye ka liwekapo* oku u pindisa.+
25 Ukuesunga o lia kuenje o tẽlisa onjongole yaye,+Pole, imo liondingaĩvi li kala onjala.+
Atosi Pombuelo
^ Ale “epindiso.”
^ Lit., “liomẽla.”
^ Ale “ceci a popia.”
^ Lit., “o ka lẽlisiwa.”
^ Lit., “ka va yevelela epindiso.”
^ Lit., “ci sanjuisa.”
^ Ale “la vana va li kũlĩhĩsa pokati.”
^ Lit., “oku kongela leka.”
^ Ale “Lolonjila ka via sungulukile.”
^ Ale “ondaka.”
^ Ale “ocihandeleko.”
^ Ale “epindiso.”
^ Ale “epindiso; eyambulo.”
^ Ale pamue, “vepuluvi liaco.”
