Yehosua 15:1-63
15 Ofeka ya tiamẽla*+ kocikoti ca Yuda ndomo ci likuata lapata avo, ya li sanduila toke kongave yo Edome,+ ekalasoko lio Sini, toke ko Negeve kesulilo liombuelo yaco.
2 Ongave yavo kombuelo, yopisile kosungu Yokalunga Komongua,*+ oku upisa kocihondoloka* ca imba ovaso kombuelo.
3 Kuenje oyo ya lisanduila kombuelo vonjila yi lamanela ko Akirabi,+ oku pita ko Sini, noke ya lamanela oku upisa kombuelo yo Kadesi-Barnea,+ oku pita ko Hecirone toke ko Adara kuenda ya konda ko Kariba.
4 Noke oyo ya pita vo Asimone+ kuenda ya lisanduila Kekango* lio Kegito+ kuenje ongave ya sulila Kokalunga.* Eyi oyo ya kala ongave yavo kombuelo.
5 Ongave yo kutundilo ya kala Okalunga Komongua* toke kesulilo lio Yordão kuenda ongave yonele yo konano ya kala kocihondoloka* cokalunga kesulilo lio Yordão.+
6 Ongave ya lamanela toke ko Bete-Hogila+ kuenda ya pita konano yo Betarava+ kuenda ongave ya lamanela toke kewe lia Bohana+ omõla a Ruvene.
7 Ongave ya lamana toke ko Deviri Vocimbota* co Akore+ kuenda ya ñuala konano oku endela ko Giligali,+ yina yi kasi kovaso yonjila yi lamanela ko Adumi okuti, konano yekango kuenda ongave ya pita kovava o ko Enisiemese+ kuenje ya sulila ko Enrogeli.+
8 Ongave ya lamana toke Kocimbota Comõla a Hinome,+ toke kowulu wa va Yevusi+ kombuelo okuti, o Yerusalãi+ kuenje ongave ya lamana toke kilu liomunda yina ya imba ovaso Kocimbota co Hinome kutakelo, yina yi kasi kesulilo Liocimbota* co Refayimi konano.
9 Kuenje ongave ya kapiwa ondimbukiso oku upisa kilu liomunda toke pono yovava o Nefitoa+ kuenda ya lisanduila toke kalupale o Komunda Efirone; kuenje ongave ya kapiwa ondimbukiso toke ko Baala okuti, o Kiriyata-Yeari.+
10 Ongave ya ñuala oku upisa ko Baala kutakelo, toke Komunda Seire kuenda ya pita kowulu Yomunda Yeari konano okuti, o Kesalone kuenje oyo ya loka toke ko Bete-Siemese+ kuenda ya pita ko Timinate.+
11 Noke ongave ya lisanduila kowulu wo Ekirone+ konano kuenje ongave ya kapiwa ondimbukiso ko Sikerone kuenda ya pita Komunda Baala loku lisanduila toke ko Yavinele kuenda ongave ya sulila kokalunga.
12 Ongave yo kutakelo ya kala Kokalunga Kanene*+ kuenda kohulo yaco. Eyi ya kala ongave yovitumbulukila via Yuda ndomo ci likuata lapata avo kolonepa viosi.
13 Kuenje ku Kalembe+ omõla a Yefune, Yehosua wa eca onepa yimue pokati kovitumbulukila via Yuda ndomo Yehova a handelekele Yehosua ndeci, o Kiriyata Ariba okuti, o Hevirone.+ (Ariba wa kala isia ya Anaki.)
14 Noke Kalembe wa tundisako omãla vatatu va Anaki+ ndeci: Sesai, Ahimana kuenda Talimai+ okuti, ovitumbulukila via Anaki.
15 Kuenje eye wa tundako kuenda wa liyaka lolonungi vio ko Deviri.+ (Kosimbu onduko yo Deviri ya tukuiwile okuti, o Kiriyata-Sefere.)
16 Noke Kalembe wa popia hati: “Ulume wosi o kundula o Kiriyata-Sefere loku yi tambula, ngeca kokuaye omõlange ukãi Akisa oco a linge ukãi waye.”
17 Kuenje Otiniyele+ omõla a Kenasi+ manji a Kalembe, wa yi tambula. Omo liaco, wo wĩha omõlaye ukãi Akisa+ oco a linge ukãi waye.
18 Osimbu Akisa a kala oku enda konjo yulume waye, wa lipilikila ulume waye Otiniyele oco a pinge epia limue ku isiaye. Kuenje Akisa wa loka kocimbulu* caye. Kalembe wo pula hati: “Nye o yongola?”+
19 Akisa wa tambulula hati: “Mange ohenda, nyĩhe esumũlũho limue, momo wa nyĩha onepa yimue yofeka kombuelo;* nyĩhevo o Guloti-Mayima.”* Omo liaco, wa eca kokuaye o Guloti yo Konano kuenda o Guloti yo Kombuelo.
20 Eci oco ca kala ocipiñalo cocikoti ca Yuda ndomo ci likuata lapata avo.
21 Alupale a kala kesulilo kombuelo yocikoti ca Yuda oku endela kongave yocikanjo ca Edome+ a kala: O Kavasele, o Edere, o Yaguru,
22 o Kina, o Dimona, o Adada,
23 o Kedesi, o Hasore, o Yitinana,
24 o Sife, o Teleme, o Bealoti,
25 o Hasore-Hadata, o Keriote-Hecirone okuti, o Hasore,
26 o Amama, o Sema, o Molada,+
27 o Hasare-Gada, o Hesimone, o Bete-Pelete,+
28 o Hasare-Siuale, o Beresieva,+ o Bisiyotiya,
29 o Baala, o Imi, o Eseme,
30 o Elitolada, o Kesili, o Horima,+
31 o Cikilage,+ o Madimana, o Sanisama,
32 o Levaote, o Silihimi, o Ayini kuenda o Rimone+ okuti, etendelo lialupale aco a tẽla 29 kumue lovaimbo aco.
33 Alupale ko Sefela+ a kala: O Esitaole, o Sora,+ o Asiena,
34 o Sanoha, o Engani, o Tapuha, o Ename,
35 o Yarimuti, o Adulama,+ o Sokoha, o Aseka,+
36 o Siarai,+ o Aditai, lo Gedera kuenda o Gederotai* okuti, a soka 14 kalupale kumue lovaimbo aco.
37 O Cenana, o Hadasia, o Migidali,
38 o Dileana, o Misipa, o Yoketele,
39 o Lakisi,+ o Bosekata, o Egilone,
40 o Kabono, o Lahimama, o Kitilisi,
41 o Gederoti, o Bete-Dagone, o Nahama kuenda o Makeda+ okuti, a soka 16 kalupale kumue lovaimbo aco.
42 O Livina,+ o Etere, o Asiana,+
43 o Yifita, o Asiena, o Nesivi,
44 o Keila, o Akisivi kuenda o Maresia okuti, alupale ecea kumue lovaimbo aco.
45 O Ekirone lalupale a sungueko kuenda ovaimbo aco;
46 oku upisa kutakelo wo Ekirone, ovikanjo viosi vi kasi konele yo Asidode kumue lovaimbo aco.
47 O Asidode+ lalupale a sungueko kuenda ovaimbo aco; o Gasa+ lalupale a sungueko kuenda ovaimbo aco toke Kekango lio Kegito, Okalunga Kanene* kuenda imbo li sungueko.+
48 Kuenje ovaimbo a kasi kolomunda a kala o Siamiri, o Yatiri,+ o Sokoha,
49 o Dana, o Kiriyata-Sana okuti, o Deviri,
50 o Anava, o Esitemo,+ o Animi,
51 o Gosene,+ o Holone kuenda o Gilo+ okuti, 11 kalupale kumue lovaimbo aco.
52 O Arabia, o Duma, o Esiana,
53 o Yanimi, o Bete-Tapuha, o Afeka,
54 o Humita, o Kiriyata-Ariva okuti, o Hevirone+ kuenda o Siyore okuti, alupale ecea kumue lovaimbo aco.
55 O Maona,+ o Karimele, o Sife,+ o Yuta,
56 o Yesirele, o Yokideama, o Sanoha,
57 o Keni, o Givea kuenda o Timinate+ okuti, alupale ekũi kumue lovaimbo aco.
58 O Halihulu, o Bete-Cure, o Gedore,
59 o Maarati, o Betanote kuenda o Elitekone okuti, alupale epandu kumue lovaimbo aco.
60 O Kiriyata-Baale halio, o Kiriyata-Yeari+ kuenda o Raba okuti, alupale avali kumue lovaimbo aco.
61 Vekalasoko mua kala, o Betarava,+ o Midini, o Sekaka,
62 o Nivisiane, Olupale Luomongua kuenda o Engedi+ okuti, alupale epandu kumue lovaimbo aco.
63 Catiamẽla ku va Yevusi+ vana va kala vo Yerusalãi,+ alume vo ko Yuda, ka va tẽlele oku va tundisa,+ omo liaco, va Yevusi vamamako oku kala kumue lomanu vo ko Yuda ko Yerusalãi toke etaili.
Atosi Pombuelo
^ Ale “ya eciwa locela.”
^ Papa olui lu ñualela.
^ Okuti, Okalunga ka ka Kuete Akimba.
^ Tala Elomboluilo.
^ Okuti, Okalunga Kanene, o Mediterraneo.
^ Okuti, Okalunga ka ka Kuete Akimba.
^ Papa olui lu ñualela.
^ Ale “Vetapi Lia Vomba.”
^ Ale “Lietapi Lia Vomba.”
^ Okuti, o Mediterraneo.
^ Ale pamue, “eye wa pandula osimbu a kala kocimbulu.”
^ Ale “o Negeve.”
^ Ci lomboloka “Olombasiya (Atiyela) Ovava.”
^ Ale pamue “o Gedera loviunda viaco.”
^ Okuti, o Mediterraneo.
