Yovi 4:1-21
4 Noke Elifasi+ u Temani wa tambulula hati:
2 “Nda umue wa seteka oku vangula love, anga hẽ o ka kava loku yevelela?
Pole, elie o pondola oku likandangiya oku vangula?
3 Ocili, ove wa lemẽla valua,Kuenda ove wa enda oku kolisa omanu vana va sukilile ekuatiso.
4 Olondaka viove via enda oku votola vana va lilondoka,Kuenda wa enda oku kolisa vana ka va pondola oku talama ovo muẽle.*
5 Pole, ocitangi ca ku wila kuenda ove wa kava;Oco, ca ku veta kuenda wa sumua.
6 Anga hẽ esumbilo o kuetele Suku ka li ku ĩha ekolelo?
Onjila yove yoku lekisa esunga+ ka li ku ĩha elavoko?
7 Ove hẽ ivaluka omunu umue ka kuete eko okuti wa nyõleha?
Otembo yipi ukuesunga a kunduiwa?
8 Eci nda mola ceci okuti, vana va kũla* eci cĩvi,Kuenda vana va lima ovitangi, va kongulavo cimuamue.
9 Lefuimo lia Suku ovo va nyõleha,Kuenda lofela yonyeño yaye ovo va sulila.
10 Ohosi yi koma kuenda ohosi yumalẽhe yi kua,Pole, ovayo olohosi* via pama a teka tekavo.
11 Ohosi yi fa nda ka kuli ocinyama yi kuata,Kuenje omãla vohosi va sanduiwa.
12 Omunu umue weya vuyombeki kuenda wa sapela lame,Kuenje umue wa ndi loñuinya vetũi.
13 Lovisimĩlo viesakalalo vokuenda kuovinjonde viuteke,Eci otulo tualua tu wila omanu,
14 Oku luluma kualua kua ndi wila,Loku yukisa akepa ange osi lusumba.
15 Ocina cimue* ca pita kocipala cange;Kuenje oluvei luetimba liange lua yakalala.
16 Kuenje oco ca talama,Pole, sia limbukile emolẽho liaco.
Ocina cimue ca kala kovaso ange;Kua kala oku ũha kuenda noke nda yeva ondaka yimue yokuti:
17 ‘Anga hẽ omunu o pondola oku kala ukuesunga lialua okuti Suku ci sule?
Omunu o pondola hẽ oku yela calua okuti, Una wo panga o sule?’
18 Tala! Eye ka kolelele kakuenje vaye,Kuenda o sanga eko kovangelo* vaye.
19 Ca piãla enene ku vana va tunga volonjo vionata,Vina okuti oviseveto vialio vi kasi voneketela,+Vina via leluka oku vi nyõla ndombunji!
20 Lomẽle ovo va kala lomuenyo kuenda koñolosi va nyõliwa elisi;Ovo va nyõliwa otembo ka yi pui kuenda lomue o ci limbuka.
21 Ovo ka va kasi hẽ ndombalaka yimue okuti, ukolo walio u tukũiwako?
Ovo va fa okuti, ka va kuete olondunge.
Atosi Pombuelo
^ Lit., “va kuete olongolo via pekengua.”
^ Ale “oku sokiya.”
^ Ale “ayove olohosi.”
^ Ale “ociluvo cespiritu.” Tala “Espiritu” Kelomboluilo.
^ Ale “olomunga.”
