Yovi 9:1-35
9 Yovi wa tambulula hati:
2 “Ocili, nda kũlĩha okuti ococo.
Pole, omunu waño hẽ o pondola oku popia okuti, ka kuete eko kovaso a Suku?+
3 Nda umue o yongola oku vangula Laye,*+Omunu waco nda ka tẽlele oku tambulula limue pokati kohulukãi yapulilo Aye.
4 Eye ukualondunge vutima kuenda wa pama calua.+
Helie o tẽla oku u tamalãla okuti, ka lemẽhiwa?+
5 Eye o sondolola olomunda okuti, lomue o ci kũlĩha;O vi tiñulũla vonyeño yaye.
6 Eye o lulumisa ilu lieve loku li tundisa pocitumãlo calio,Kuenje olongunji vialio vi luluma.+
7 Eye o handeleka ekumbi oco ka li ka nine,O sitika ocinyi colombungululu;+
8 Eye o nyanyumũla ovailu lika liaye,+Kuenda o liatela kakimba anene o vokalunga.+
9 Eye wa panga oviengele violombungululu vio Ase,* vio Kesili* kuenda vio Kima,*+Kumue loviengele violombungululu vio kombuelo;*
10 Eye o linga ovina vinene haivio ka vi konomuisiwa,+Ovina vi komõhisa okuti, oku vi tenda ka vi tẽliwa.+
11 Eye o pita kokuange, pole, si tẽla oku u mola;O pita ocipepi lame, pole, si tẽla oku u limbuka.
12 Eci eye a kuata cimue, elie o tẽla oku u tateka?
Helie o pondola oku u sapuila hati, ‘Nye o kasi oku linga?’+
13 Suku ka kandangiya onyeño yaye;+Ndaño muẽle oloñuatisi via Rahava*+ viu ko kekamẽla.
14 Ca piãla enene nda ndo tambuluile,Nda sukilile oku nõla olondaka viange lutate oco ndi sapele laye!
15 Ndaño nda kuatele esunga, nda sio tambuluile.+
Nda nda livondela lika ohenda konganji yange.*
16 Anga hẽ eye o ka nambulula nda ndo vilikiya?
Si tava okuti eye o ka yevelela ondaka yange,
17 Momo eye o ndi nyanyõla lehunguhungu limue liofela,Kuenda o luisa apute ange ndaño ka kuli esunga lioku ci linga.+
18 Eye ka ngecelela oku fuima;Eye amamako oku ndi yukisa lovina vi lula.
19 Nda oku vangula eci catiamẽla kunene, Suku eye una o kuete unene.+
Nda oku vangula eci catiamẽla kesunga, Suku hati: ‘Helie o pondola oku mbilikiya oco ndi pisiwe?’*
20 Nda nda kuatele esunga, omẽla wange muẽle nda wa ndi pisa;Ndaño ndamamako lekolelo,* eye nda wa popia okuti, ñuete eko.*
21 Ndaño ndamamako lekolelo,* sia likolelele ame muẽle;Ndi likala* omuenyo wange owu.
22 Cosi cimuamue. Eli olio esunga lieci nda popela siti:‘Eye o kundula omunu ka kuete eko* kumue londingaĩvi.’
23 Nda okuti endunde limue lia kokele olofa vocipikipiki,Eye nda wa yola epembe ohali yomunu ka kuete eko.
24 Ilu lieve lia eciwa kondingaĩvi;+Eye o yika ovaso* olonganji vialio.
Nda haeyeko, oco puãi elie?
25 Cilo, oloneke viange vi lupuka vali okuti ukuakuyoloka ci sule;+Ovio vi tila okuti ka vi moli eci ciwa.
26 Ovio vi yoloka ndawato a pangiwa lolundeya,Ndolongonga vi lokila kohute yavio.
27 Nda nda popele hati: ‘Ndi ivalako ohali yange,Ndi ka pongolola ocipala cange kuenda ndi sanjuka,’
28 Nda ndamamako lusumba omo lievalo liange liosi,+Kuenda ndi cĩ okuti, nda kua ndi tendele okuti, si kuete eko.
29 Ame nda nda tendiwa okuti, ñuete eko.*
Oco hẽ, momo lie ndi yakela elivova?+
30 Nda nda lisukuile vovava ocikokoto a yenguluka,Loku yelisa ovaka ange lonjapãu,+
31 Nda wa ndi yaveka vocitunu ci kuete olonata,Kuenje ndaño muẽle ovowalo ange nda a ndi suvuka.
32 Momo eye hamunuko ndame okuti, ndu u tambulula,Oco tu endele kumosi kekanga.+
33 Ka kuli omunu o tu nõlelako,*Okuti, o kala onganji yetu.*
34 Nda eye wa liwekelepo oku ndi tipula,*Kuenda nda ka ecelele ocinjoko caye oku ndi yokokisa,+
35 Ame nda nda vangula laye lutõi,Momo hacituwa cangeko oku vangula lusumba.
Atosi Pombuelo
^ Ale “oku Wambata kekanga.”
^ Pamue ocengele colombungululu co ko Orion.
^ Lit., “olohondo vio vokati vio kombuelo.”
^ Pamue olombungululu vio Pleiades vocengele co Touru.
^ Pamue oviengele violombungululu vio Ursu Yinene (Ursa Yinene)
^ Pamue ocimuandu cinene co vokalunga.
^ Ale pamue, “omunu wa mindika kocihandeleko.”
^ Lit., “oku mbilikiya?”
^ Ale “Ndaño si kuete eko.”
^ Lit., “ca penga.”
^ Ale “Ndaño si kuete eko.”
^ Ale “oku sepula.”
^ Ale “vana vamamako lekolelo.”
^ Lit., “ovipala.”
^ Lit., “ondingaĩvi.”
^ Ale “ka kuli mitakati.”
^ Lit., “o kapa okuokuo kuaye kokuetu kavali.”
^ Lit., “oku upa ombueti yaye kokuange.”
