Yeremiya wa handelekiwa oku sapula enyõleho lia va Yudea vakuesino omo okuti va ivala Yehova Suku yavo. (Yer. 13:25) Epata lia va Isareli lia pitĩla ndati petosi liaco? Epata lia va Isareli lia pumba ukamba wavo la Yehova. Citava okuti asongui vapata ka va kuamẽle olonumbi via Yehova vi sangiwa kelivulu Liesinumuĩlo 6:​5-7.

Apata a kuete ekolelo lia pama, a kuatisa koku kolapo kuakongelo etu koloneke vilo. Asongui vepata va kuatisa epata liavo oku ivaluka Yehova poku linga olonjanja viosi Efendelo Liepata lonjila yimue ya sunguluka. (Osa. 22:27) Noke yoku tala ovideo losapi hati: ‘Olondaka Evi vi Kale Vutima Wove’​—⁠Apata a Pulisiwa, tambulula apulilo a kuãimo ndeci:

• Apata amue a siata oku kuata ndati onima yiwa kefendelo liepata ndaño lovitangi?

• Asumũlũho a pi a tunda koku linga Efendelo Liepata olonjanja viosi kuenda lonjila yimue ya sunguluka?

• Catiamẽla kefendelo liepata, ovitangi vipi ñuete kuenda ndi pondola oku vi yula ndati?