ESUNGA LIECI CI KUETELE ESILIVILO: Ndeci ovimalẽho vikuavo, o internet yi pondola oku tu kuatisa ale oku tu yapuisa. Akristão vamue va nõlapo oku yuvula oku talavaya lovipama vimue vio internet. Eliapu li yongola okuti tu talavaya lovipama vimue vio internet lonjila yimue ka ya sungulukile okuti, vi nyõla ovituwa vietu kuenda ukamba wetu la Yehova. Ndeci Yesu a linga, tu pondolavo oku kuatisiwa lolonumbi Viondaka ya Suku, oco tu tẽle oku limbuka ovitangi vi yililako kuenda oku vi yuvula.—Luka 4:4, 8, 12.

AYONJO TU SUKILA OKU YUVULA:

• Oku pesela otembo yalua vovipama vimue vio internet. Oku pesela olowola vialua vovipama vimue vio internet, ci pondola oku tu tateka oku pesela otembo tu sukila kovopange a Yehova

  Olonumbi Viembimbiliya: Va Efe. 5:15, 16; Va Fil. 1:10

• Oku tala ovina ka via sungulukile. Oku tala oviluvialuvia ka via sungulukile, ci tu vetiya oku kuata ocituwa coku tala omanu va kasi epolõla haivo va linga umbondo ale evĩho liukahonga. Oku tanga ovipama via sandekiwa lolonanguluke, ci honguisa ekolelo lietu

  Olonumbi Viembimbiliya: Mat. 5:28; Va Fil. 4:8

• Oku sandeka asapulo ka a sungulukile ale alitalatu. Omo okuti utima wetu weyuka elimbi, omunu o pondola oku vetiyiwa oku sandeka asapulo ka a sungulukile ale alitalatu vovipama vimue vio internet. Omo liaco, eci ci pondola oku nyõla ovituwa viomunu umue ale oku ale oku kokela ocilondokua komanu vakuavo

  Olonumbi Viembimbiliya: Va Rom. 14:13; Va Efe. 4:29

TALA OVIDEO LOSAPI HATI: LUNGUKA: KŨLĨHA NDOMO O TALAVAYA LO INTERNET KUENDA PITULULA NDOMO O YUVULA OVINA VI KUÃIMO: