Yesu wa longisa hati: “Omo wa tambuli ocali, ecivo ocali.” (Mat. 10:8) Tu kuãi onumbi yaco poku yuvula oku pinga olombongo komanu oco va kuate Embimbiliya limue ale alivulu etu a kunamẽla Kembimbiliya. (2 Va Kor. 2:17) Valivulu aco, mu sangiwa ocili ci tunda Vondaka ya Suku. Kua siata oku lingiwa alikolisilo alua loku pesela olombongo vialua, oco ku pangiwe alivulu kuenda oku a tumisa kakongelo a sangiwa voluali luosi. Omo liaco, tu kuete oku upa lika alivulu tu sukila.

Kuata olondunge poku eca alivulu komanu, ndaño poku kundila kovitumãlo kuna ku sangiwa omanu valua. (Mat. 7:6) Ka tu sukila lika oku eca alivulu komanu, pole, te tu likolisilako oku sapela lavo oco tu limbuke nda okuti va kuete onjongole. O pondola hẽ oku tambulula hati oco, pokati kapulilo okakasia ka kuãimo? Nda wa limbuka okuti omunu o kasi oku sapela laye ka kuete onjongole, u wĩha lika okokanda kamue. Pole, nda omunu wa pinga orevista yimue, ale elivulu likuavo, tu sukila oku wĩha.​—Olosap. 3:27, 28.