Yehova o tenda olohuela ndocina cimue ci kuete esilivilo lialua. Eye wa popia hati, ulume kuenda ukãi va likakatela pokati. (Mat. 19:5, 6) Kuli ovolandu alua a lekisa olohueli via sanjuka pokati kafendeli va Suku. Pole, ka kuli olohuela via lipua. Ovitangi via siata. Ka tu ka kuati ocituwa coku sima okuti oku litepa, ale oku linyala oyo onjila ya sunguluka yoku tetulula ovitangi. Olohueli Akristão va pondola oku teyuila ndati olohuela viavo?

Kũlĩhĩsa olonjila vitãlo vi kuete esilivilo.

1. Lava utima wove poku yuvula ocitiokoso kuenda ovitalukilo ka via sungulukile okuti vi pondola oku honguisa olohuela viove. —Mat. 5:28; 2 Pet. 2:14.

2. Pamisa ukamba wove la Suku kuenda onjongole yoku u sanjuisa volohuela viove.—Osa. 97:10.

3. Amamako oku wala omunu wokaliye kuenda lekisa ohenda kovina vitito okuti vi pondola oku sanjuisa ohueli yove.—Va Kol. 3:8-10, 12-14.

4. Amamako oku lekisa esumbilo, loku kuata ocituwa coku sapela.—Va Kol. 4:6.

5. Volohuela mu sukila oku kala esumbilo kuenda ocisola.—1 Va Kor. 7:3, 4; 10:24.

Eci Akristão va sumbila olohuela, ci lekisa okuti va sumbilavo Usovoli wolohuela okuti, Yehova.

TALA OVIDEO LOSAPI HATI TU SUKILA OKU “LUPUKA LEPANDI”—POKOLA KOLONUMBI VIOLOMAPALO, KUENDA TAMBULULA APULILO AKUÃIMO:

• Ndaño okuti olohuela vimue vi fetika ciwa, ovitangi vipi vi pondola oku moleha?

• Olonumbi Viembimbiliya vi pondola oku kuatisa ndati vana va liyevite okuti volohuela viavo ka muli ocisola?

• Olonumbi vipi Yehova a eca viatiamẽla kolohuela?

• Oco volohuela mu kale ekalo liwa, nye olohueli vi sukila oku linga?