Tanga Yeremiya 38:​1-13, oco o lilongise eci catiamẽla kutõi wa lekisiwa luprofeto Yeremiya kuenda enuku Evede-Meleke.

Kũlĩha vali eci ca pita kotembo yaco. Momo lie Yeremiya a sukililile utõi oco a sapuile komanu esapulo lia Yehova? (Yer. 27:​12-14; 28:​15-17; 37:​6-10) Nye ovo va linga eci va yeva ovina Yeremiya a va sapuila?​—⁠Yer. 37:​15, 16.

Linga akonomuiso ondongosi. Nye omanu va lavokaile okuti oco Yeremiya a laikele oku linga? (jr 26-27 ocin. 20-22) Limbuka eci ca enda oku lingiwa lovisimo kosimbu. (it-1 471) Yeremiya wa liyeva ndati eci a kala vocisimo ceyuka olonata? Evede-Meleke wa ponduile oku kuata usumba we?​—⁠w12 5/1 31 ¶2-3.

Ceci ove o lilongisila kulandu owu. Lipula ove muẽle ndoco:

• ‘Ulandu owu u ndi longisa nye catiamẽla konjila ndomo Yehova a teyuila afendeli vaye vakuekolelo?’​—⁠Osa. 97:10; Yer. 39:​15-18.

• ‘Kovina vipi ndi ka sukila oku lekisa utõi?’

• Ndi pamisa ndati utõi wange woku linga eci ca sunguluka eci ndi sakalasua?’ (w11 3/1 30) a