Ceci o Sukila Oku Linga Oco o Kale Voluali Luokaliye
Ovipama via pita, via lekisa okuti, Suku o ka nena esulilo liolondingaĩvi kuenda o kamalako ovitangi viosi. Tua kũlĩha okuti, ci ka tẽlisiwa muẽle. Momo lie? Momo Ondaka ya Suku, Embimbiliya, ya likuminya ndoco:
“Oluali lu kasi oku pita.”—1 YOANO 2:17.
Tua kolela okuti ku ka kala vamue va ka puluka momo ovinimbu Viembimbiliya vi kuãimo vi lekisa ndoco:
“Una o linga ocipango ca Suku, o kala otembo ka yi pui.”
Omo liaco, onjila ya velapo yoku puluka, oku linga ocipango ca Suku. Oco tu kũlĩhe ocipango ca Suku, tete tu sukila oku u kũlĩha ciwa.
OKU PULUKA KESULILO POKU “KŨLĨHA” SUKU
Yesu wa popia hati: “Eci ci lomboloka omuenyo ko pui okuti, ovo va ku kũlĩha okuti, ove lika wu Suku yocili.” (Yoano 17:3) Oco tu puluke kuenda oku kala otembo ka yi pui, tu sukila ‘oku kũlĩha’ Suku. Voku ci linga mua kongela ovina vialua okuti oku kũlĩha lika Suku ale ovina vimue via tiamẽla kokuaye ci sule. Tu sukila oku kala akamba vaye. Nda tu yongola okuti ukamba wetu u pamisiwa, tu sukila oku sanda otembo yoku kala lakamba. Oku kuata ukamba la Suku ka ca litepele. Kũlĩhĩsa ocili cimue Cembimbiliya ci tu kuatisa oku kuata ukamba kuenda oku amamako lukamba waco la Suku.
TANGA ONDAKA YA SUKU, EMBIMBILIYA OLONEKE VIOSI
Ove o pondola oku puluka kesulilo lioluali lulo poku likutilila ku Suku oco a ku kuatise kuenda oku linga ocipango caye
Etu olonjanja viosi tua siata oku lia oco tu kale lomuenyo. Pole Yesu wa popia hati: “Omunu ka muila lika omuenyo kombolo, te kolondaka viosi vi tunda vomẽla wa Yehova.”—Mateo 4:4.
Koloneke vilo, tu pondola oku sanga olondaka via Yehova Vembimbiliya. Osimbu o tanga elivulu li kola, o ka lilongisa ocili catiamẽla kovina Suku a linga kosimbu, evi a kasi oku linga koloneke vilo kuenda evi a ka linga kovaso yoloneke.
LIKUTILILA KU SUKU POKU PINGA EKUATISO
Nye o sukila oku linga nda o yongola oku kuama olonumbi via Suku, pole, ku tẽla oku liwekapo oku linga ale oku vangula ovina vĩvi? Ci pondola oku ku kuatisa, oku kũlĩha ciwa Suku.
Kũlĩhĩsa ulandu wukãi umue o tukuiwa Sakura, wa enda oku linga ovina vĩvi komuenyo waye. Eci eye a fetika oku lilongisa Embimbiliya, wa lilongisa eci ca tiamẽla kocihandeleko ca Suku coku tila “evĩho liukahonga.” (1 Va Korindo 6:18) Sakura wa likutilila ku Suku poku pinga ongusu kuenje wa liwekapo oku linga ovina vĩvi. Pole, handi o sukila oku likolisilako oku liyaka layonjo aco. Eye hati: “Eci ndi kuata ovisimĩlo vĩvi ndi sapuila Yehova vohutililo lutima wosi, loku kũlĩha okuti si tẽla oku liyaka locitangi caco lika wange. Unene wohutililo, wa siata oku ñuatisa oku amela ku Yehova.” Ndeci ca pita la Sakura, olohuluwa vialua viomanu, via siata oku kũlĩha Suku. Eye o kasi oku eca kokuavo ongusu va sukila, oco va linge apongoloko komuenyo kuenda oku ambata omuenyo umue u sanjuisa.—Va Filipoi 4:13.
Osimbu o likolisilako oku kũlĩha Suku, ove o ka “kũlĩhĩwa la Suku” ndekamba limue lia velapo. (Va Galatia 4:9; Olosamo 25:14) Eci ci lekisa okuti, ove o ka puluka oco o kaile voluali luokaliye lua Suku. Pole, oluali luokaliye lu ka kala ndati? Ocipama ci kuãimo ci ka ci lombolola.
a Yehova onduko ya Suku ndomo ca situluiwa Vembimbiliya.
Ove o ka ci Sola
APULILO ATAMBULUIWA LEMBIMBILIYA
O Pondola Oku Kala Ndati Ekamba Lia Suku?
Ovina epanduvali vi pondola oku ku kuatisa oku linga ukamba Laye.
UTALA WONDAVULULI
