APULILO EMBIMBILIYA A TAMBULUIWA

Anga hẽ akandu etu a pondola oku ecelua?

Ndomo ca lekisiwa Vembimbiliya, omanu vosi vakuakandu. Etu tua piñala ekandu komunu watete okuti, Adama. Eli olio esunga lieci tua siatela oku linga ovina vĩvi okuti noke tu livela. Omõla wa Suku, Yesu Kristu wa fila akandu etu. Ocisembi caye, ca yulula onjila yoku tambula ongecelo. Ocisembi oyo ombanjaile ya velapo ya tunda ku Suku.—Tanga Va Roma 3:23, 24.

Omanu vana va linga akandu anene, pamue va lipula nda Suku wa va ecela. Pole, Ondaka ya Suku yi popia hati: “Osonde ya Yesu Omõlaye yi tu yelisa kakandu osi.” (1 Yoano 1:7) Omo liaco, nda tu likembela lutima wosi, Yehova ecela akandu etu, ndaño muẽle akandu ana anene.—Tanga Isaya 1:18.

Oco akandu etu a ecelue tu sukila oku linga nye?

Nda tu yongola okuti Yehova Suku o tu ecela, tu sukila oku lilongisa ovina viatiameÞla kokuaye, oku kuata elomboloko liolonjila viaye, alungulo aye, kuenda ovihandeleko viaye. (Yoano 17:3) Yehova ecela omanu vosi va likekembela okuti va siapo ovituwa viavo vĩvi.—Tanga Ovilinga 3:19.

Oku taviwa la Suku ka ca tĩlile calua. Yehova wa kũlĩha oku hongua kuetu. Eye ukuahenda. Ohenda yaye ya piãla, ka yi ku vetiya oku kũlĩha vali ndomo tu pondola oku u sanjuisa?—Tanga Osamo 103:13, 14.

Oco o sange alomboluilo akuavo tanga ocipama 5, velivulu eli, Embimbiliya li Longisa Nye? lia sandekiwa Lolombangi Via Yehova

[Elitalatu kemẽla 15]

Oku taviwa la Suku ka ca tĩlile calua