OSAPI YO KOÑOÑO | O PONDOLA OKU KUATA UKAMBA LA SUKU
Ove hẽ o Kuete Ukamba la Suku?
“Oku kuata ukamba la Suku ci ku kuatisa oku kolapo. Momo o liyeva ndu okuti Suku o kasi oku sandiliya oku ku lingila eci ciwa.”
—CHRISTOPHER, UMALẼHE UMUE UKUENJE KOFEKA YO GANA.
“Suku o lete ovitangi viove, o lekisa ocisola kokuove kuenda wa ku kapako cocili.”
—HANNAH o kuete 13 kanyamo, ALASKA, Estados Unidos.
“Oku kũlĩha okuti o kuete ukamba la Suku ci kavuluisa utima kuenda ci sanjuisa!
—GINA, UKÃI UMUE KO JAMAIKA O KUETE CI PITAHÃLA 40 KANYAMO.
Christopher, Hannah, kuenda Gina havoko lika va kuete ovisimĩlo viaco. Omanu valua kolonepa viosi violuali va kolelavo okuti Suku wa va tenda ndakamba vaye. Nye ci popiwa kokuove? Ove hẽ o sima okuti o kuete ukamba la Suku? Ale o yongola oku kuata ukamba laye? Pamue citava okuti wa lipulile ale ndoco: ‘Anga hẽ omanu ka va lipuile va pondola muẽle oku kuata ukamba la Suku Ukuonene wosi? Nda citava, ndamupi?’
CITAVA OKU KUATA UKAMBA LA SUKU
Ndomo ca lekisiwa vulandu Wembimbiliya, citava oku kuata ukamba la Suku. Embimbiliya li lekisa okuti Suku wa tukula Avirahama, Huveru hati, ‘ekamba liange.’ (Isaya 41:8) Kũlĩhĩsavo elaleko li sangiwa kelivulu lia Tiago 4:8: li popia hati: “Amẽli ku Suku kuenje eye amẽla kokuene.” Olondaka evi vi lekisa
Oco epulilo eli li tambuluiwe, kũlĩhĩsa eci omanu va siata oku linga poku sandiliya oku kuata ukamba lavakuavo. Ocili okuti, ukamba womanu vavali wa siata oku fetikila poku likũlĩha kolonduko. Noke osimbu va amamako oku sapela olonjanja vialua poku li sapuilako ovisimĩlo viavo kuenda ovina va sole, ukamba wavo u livokiya. Kuenda eci omunu lomunu a likolisilako oku lingila ukuavo ovina viwa, ukamba wavo u pamisiwa. Cimuamue haico catiamẽla koku linga ukamba la Suku. Tu kũlĩhisi ndomo ci lingiwa.
Ove o ka ci Sola
UTALA WONDAVULULI
Ove hẽ wa Kũlĩha Kuenda wa Siata Oku Tukula Onduko ya Suku?
Lekuatiso Liembimbiliya Suku o lisitulula kokuove poku ku sapuila hati: “Ame Yehova, oyo onduko yange.”
