Ekalo Liomuenyo Womunu Umue Okuti Kali Ositu—Nye Embimbiliya li Popia?
Voluali luosi, omanu valua va yongola oku kuama elako liomuenyo umue okuti, ka vali ositu.
“Oku yuvula oku lia ositu, ocisimĩlo cimue kuenda ekalo liomuenyo li sandiliya oku siapo nda citava kuenda lonjila ya suapo, olonjila viosi vioku upa ocina cimue kovinyama loku tata lãvi, oku lia ositu, oku panga uwalo ale ovimãho vikuavo.”—A Sociedade Vegana.
Omanu vamue ndaño va sakalala lovinyama, va nõlapo oku kuama ekalo liomuenyo woku yuvula oku lia ositu, poku sokolola kekalo, kuhayele ale omo liasunga atavo.
“Ocina cimue ca litepa lolonjila vialua vioku nõla ovikulia ceci okuti, ocisimĩlo yoku yuvula oku lia ositu ca siata oku tendiwa vali enene ndonepa yimue yo filosofía, ekalo limue liomuenyo omunu a nõla kuenda onjila yimue yomunu lomunu yoku pongolola ekalo lioluali.”—Academico Britanica.
Anga hẽ oku yuvula oku lia osit, onjila yimue yoku potolola ovitangi viogongo? Nye Embimbiliya li popia?
Ocisimĩlo Cululiki wetu catiamẽla komanu kuenda kovinyama
Embimbiliya li lekisa okuti Ululiki wetu, Yehova Suku, a o tenda omanu okuti va velapo ovinyama kuenda eye wa eca komanu omoko yoku vialua ovinyama. (Efetikilo 1:27, 28) Lonjila ndeyi, Suku ecelela okuti omanu va ponda ovinyama oco va litekule. (Efetikilo 9:3) Pole, eye o nyãle ocituwa coku tata lãvi ovinyama.—Olosapo 12:10.
Ndomo ci lekisiwa Vembimbiliya, omunu eye o nõla nda o lia ositu ale sio. b Onjila tu nõla ka yi tu vetiya oku kala omanu vamue va velapo kovaso a Suku. (1 Va Korindo 8:8) Lomue o sesamẽla oku pisa ukuavo omo lieci a nõlapo oku lia.—Va Roma 14:3.
Onjila yi tuala kelavoko lia velapo
Embimbiliya li lekisa okuti ekalo liomuenyo tua nõla, ka li ka potolola ovitangi violuali. Ovitangi vialua vi kokiwa omo liopulitika, oku litepa kuekalo liomuenyo kuenda ekalo liolomĩlu voluali, lomue o tẽla oku vi potolola. Ceci Embimbiliya li popia:
“Eci ca penga ka citava oku ci pengulula.”—Ukundi 1:15.
Ululiki wetu o ka mãlako ovitangi tu li yaka lavio. Embimbiliya li tukula upopi wocindekaise poku lombolola eci eye a ka linga.
“Nda mola ilu liokaliye longongo yokaliye; ilu liatete longongo yatete via pita kuenda okalunga ka keko vali.”—Esituluilo 21:1.
Suku o ka piñainya olombiali viomanu, ale “ilu liosimbu,” “lilu liokaliye,” Lusoma waye wokilu. Usoma waye u ka nyõla “ongongo yosimbu,” vana okuti olondingãivi kuenda u ka viala “ongongo yokaliye,” ale vana okuti, va li kapelako oku pokola kokuaye.
Usoma wa Suku owo lika u ka kuatisa omanu oku kala lombembua lovinyama kuenda oku sumbila ekalo lioluali.—Isaya 11:6-9.
a Yehova onduko ya Suku.—Osamo 83:18.
b Embimbiliya li tu handeleka “oku amamako oku lilava . . . kosonde.” (Ovilinga 15:28, 29) Eci ci lomboloka okuti ka citava oku nyua osonde ale oku lia ositu yocinyama ka ca tundisiwile osonde; ka citavavo oku lia okulia kuosi kuavokiyiwa osonde.
Ove o ka ci Sola
OLOSAPI VIKUAVO
O Pondola Oku Kolela Kekalo Liwa Lio Kovaso Yoloneke
Momo lie olohuminyo vi sangiwa Vembimbiliya via litepela lolohuminyo kuenda asokiya a lingiwa lomanu?
UTALA WONDAVULULI
Omunu hẽ o ka Amamako Oku Nyõla Ongongo Okuti ka yi Tumbuluiwa Vali?
Embimbiliya ka lia tukuile lika oku vĩhisiwa kuofela, pole lia tukulavo eci ci pondola oku yililako.
ESSENTIAL BIBLE TEACHINGS
Momo Lie Suku a Lulikila Ongongo?
Ongongo yetu ocitumãlo cimue ca posoka. Oyo ya kapiwa ocipãla lutanya, ya kapiwa pocitumãlo calio kuenda yi ñuala ñuala vesokiyo yalio. Momo lie Suku a pangela ongongo?
OLOSAPI VIKUAVO
Helie o ka Yovola Ongongo?
Ndomo ca lomboluiwa la vakuoloño vamue, ka kua la kala elinga lialua lĩvi liomanu lioku nyõla oviendalomuenyo via litepa kuenda oku kapa kohele ovimuenyo via lua okuti cilo ci sule.
ALONGISO EMBIMBILIYA
Seteka Elilongiso Lietu Liembimbiliya
Kuata elilongiso limue Liembimbiliya liocali lolonumbi via liyekala.
