یسوع نے دوسروں کو ”‏خدا کی بادشاہت کی خوش‌خبری“‏ سنائی۔‏ (‏لُو 4:‏43‏)‏ اُنہوں نے لوگوں کو سکھایا کہ وہ دُعا کریں کہ یہ بادشاہت آئے۔‏ (‏متی 6:‏9،‏ 10‏)‏ نومبر میں ہم ایک خاص مہم کے ذریعے دوسروں کو خدا کی بادشاہت کے بارے میں بتائیں گے۔‏ (‏متی 24:‏14‏)‏ اپنا شیڈول اِس طرح بنائیں کہ آپ اِس مہم میں بڑھ چڑھ کر حصہ لے سکیں۔‏ جو بہن بھائی نومبر میں مددگار پہل‌کار کے طور پر خدمت کریں گے،‏ وہ 30 یا 50 گھنٹے مُنادی کر سکتے ہیں۔‏

اپنے علاقے میں آپ جتنے زیادہ لوگوں کو خدا کی بادشاہت کے بارے میں کوئی آیت دِکھا سکتے ہیں،‏ دِکھائیں۔‏ آیت چُنتے وقت ہر شخص کے مذہبی پس‌منظر کو ذہن میں رکھیں۔‏ اگر کوئی شخص پہلی ملاقات پر ہمارے پیغام میں دلچسپی لیتا ہے تو اُسے ‏”‏مینارِنگہبانی“‏ نمبر 2،‏ 2020ء کا عوامی شمارہ دیں۔‏ پھر جتنی جلدی ہو سکے،‏ اُس شخص سے دوبارہ ملیں اور اُسے ہمارے تعلیم دینے کے اوزاروں میں سے کسی کتاب سے بائبل کورس کرانے کی کوشش کریں۔‏ اب بہت جلد خدا کی بادشاہت اُن حکومتوں کو ختم کرنے والی ہے جو اُس کی مخالفت کر رہی ہیں۔‏ (‏دان 2:‏44؛‏ 1-‏کُر 15:‏24،‏ 25‏)‏ دُعا ہے کہ ہم سب اِس خاص موقعے سے بھرپور فائدہ اُٹھا کر یہ ثابت کریں کہ ہم خدا اور اُس کی بادشاہت کی طرف ہیں۔‏