یسوع مسیح نے کہا:‏ ”‏آپ نے مُفت پایا ہے اِس لیے مُفت دیں۔‏“‏ (‏متی 10:‏8‏)‏ جب ہم لوگوں کو بائبل یا اِس پر مبنی کتابیں اور رسالے دیتے ہیں تو ہم اُن سے پیسے نہیں لیتے۔‏ (‏2-‏کُر 2:‏17‏)‏ یوں ہم یسوع مسیح کی ہدایت پر عمل کرتے ہیں۔‏ لیکن اِن کتابوں اور رسالوں میں خدا کے کلام کی بیش‌قیمت سچائیاں پائی جاتی ہیں۔‏ اِن کتابوں اور رسالوں کو چھاپنے اور اِنہیں دُنیا بھر میں موجود ہماری کلیسیاؤں تک پہنچانے کے لیے بڑی محنت اور پیسہ لگتا ہے۔‏ اِس لیے ہمیں صرف اُتنی ہی کتابیں اور رسالے لینے چاہئیں جتنی ہمیں ضرورت ہے۔‏

دوسروں کو کتابیں یا رسالے دیتے وقت ہمیں سمجھ‌داری سے کام لینا چاہیے،‏ یہاں تک کہ عوامی جگہوں پر گواہی دیتے وقت بھی۔‏ (‏متی 7:‏6‏)‏ ہر آنے جانے والے کو کتابیں اور رسالے تھمانے کی بجائے اُس سے بات کرنے کی کوشش کریں تاکہ آپ جان سیکھیں کہ وہ ہمارے پیغام میں کتنی دلچسپی رکھتا ہے۔‏ کیا آپ ساتھ دیے گئے بکس میں سے کسی ایک سوال کا جواب ہاں میں دے سکتے ہیں؟‏ اگر ہم یہ اندازہ نہیں لگا پاتے کہ ایک شخص ہمارے پیغام میں دلچسپی لے رہا ہے یا نہیں تو بہتر ہوگا کہ ہم اُسے کوئی پرچہ دیں۔‏ لیکن اگر وہ ہمارا کوئی رسالہ یا کتاب مانگتا ہے تو ہم خوشی سے اُسے دیں گے۔‏—‏امثا 3:‏27،‏ 28‏۔‏