موآب کے میدانوں میں بنی‌اِسرائیل کے ساتھ جو کچھ ہوا،‏ اُس سے مسیحی بہت کچھ سیکھ سکتے ہیں۔‏ (‏1-‏کُر 10:‏6،‏ 8،‏ 11‏)‏ موآبی عورتیں بدچلن اور بُت‌پرست تھیں۔‏ جن بنی‌اِسرائیل نے اِن عورتوں کے ساتھ میل جول رکھنا شروع کر دیا،‏ وہ بہک کر سنگین گُناہ میں پڑ گئے اور اِس کے بڑے ہول‌ناک نتیجے نکلے۔‏ (‏گن 25:‏9‏)‏ آج ہمارے اِردگِرد بھی بہت سے ایسے لوگ ہیں جو یہوواہ کی عبادت نہیں کرتے جیسے کہ ہمارے ساتھ کام کرنے والے،‏ ہمارے ساتھ سکول میں پڑھنے والے،‏ ہمارے پڑوسی،‏ رشتےدار اور جان پہچان کے دوسرے لوگ۔‏ اِن لوگوں کے ساتھ قریبی دوستی رکھنے کی وجہ سے ہم خطروں میں پڑھ سکتے ہیں۔‏ اِس حوالے سے ہم بائبل میں لکھے اِس واقعے سے کیا سیکھ سکتے ہیں؟‏

ویڈیو ‏”‏ہمارے لیے عبرت‌ناک مثالیں—‏حصہ‏“‏ کو دیکھیں اور پھر نیچے دیے گئے سوالوں کے جواب دیں:‏

• زمری اور اُس کے دوستوں نے یمین کے سامنے کون سی غلط باتیں کہیں؟‏

• فینحاس نے یمین کی مدد کیسے کی تاکہ وہ صحیح سوچ رکھ سکیں؟‏

• کسی غیرایمان شخص کے ساتھ اچھے تعلقات رکھنے اور اُس کے ساتھ دوستی کرنے میں کیا فرق ہے؟‏

• ہمیں کلیسیا میں بھی قریبی دوست بنانے کے حوالے سے محتاط کیوں رہنا چاہیے؟‏

• ہمیں سوشل میڈیا پر ایسے لوگوں کے گروپ میں تبصرے کیوں نہیں کرنے چاہئیں جنہیں ہم ذاتی طور پر نہیں جانتے؟‏