ایک مؤثر ویڈیو کا مفید استعمال

ٹیلی نے ۱۲ سال کی عمر میں سکول میں گواہی دینے کے موقع سے فائدہ اُٹھایا۔‏ اُسکی جماعت میں دوسری عالمی جنگ کے موضوع پر تحقیق ہو رہی تھی جس کے دوران ہالوکاسٹ کا ذکر بھی چل نکلا۔‏ ٹیلی نے اپنی اُستانی کو بتایا کہ اُس ہولناک دور میں یہودیوں کے علاوہ یہوواہ کے گواہ بھی اذیت کا نشانہ بنے تھے۔‏ اُستانی نے ٹیلی کو جماعت میں پرپل ٹرائی‌اینگلز ویڈیو دکھانے کی اجازت دے دی۔‏ ویڈیو دکھانے سے پہلے،‏ اُستانی نے جماعت سے کہا:‏ ”‏ہالوکاسٹ میں زیادہ‌تر یہودی ہلاک ہوئے تھے جسکی وجہ سے اذیت کا نشانہ بننے والے دیگر لوگوں کو نظرانداز کر دیا گیا ہے۔‏ یہوواہ کے گواہ ایک ایسا ہی گروہ ہیں۔‏“‏

اُستانی یہ ویڈیو دیکھ کر اسقدر متاثر ہوئی کہ اُس نے یہ دوسری اُستانی کو بھی اپنی جماعت میں دکھانے کیلئے دی۔‏ ٹیلی کو یاد آیا کہ جماعت چہارم کو پڑھانے والے اُستاد کے بھائی کو بھی نازیوں نے ہالوکاسٹ کے دوران قتل کر دیا تھا۔‏ لہٰذا،‏ وہ یہ ویڈیو اُس کے پاس بھی لیکر گئی اور اُس نے اُسی شام یہ ویڈیو دیکھی۔‏

یوں،‏ ۶۰ سے زائد لوگوں نے پرپل ٹرائی‌اینگلز دیکھی جس نے بہت زیادہ دلچسپی کو اُبھارا۔‏ یہ سب اپنے مذہب کی بابت ایک نوعمر بچی کی دلیرانہ گفتگو کا نتیجہ تھا۔‏—‏زبور ۸:‏۲‏۔‏