‏”‏میرے پاس آؤ۔‏ مَیں تمکو آرام دُونگا“‏

‏”‏سب کے ساتھ نیکی کریں“‏

خدا کی بادشاہت کی منادی اور تعلیم دینے کا کام یسوع کی زندگی کا مرکز تھا۔‏ (‏مرقس ۱:‏۱۴؛‏ لوقا ۸:‏۱‏)‏ مسیح کے شاگرد اُسکی نقل کرتے ہوئے خدا کی بادشاہت کی بابت بائبل کے پیغام کی تعلیم دینے کے کام کو اپنی زندگی میں بنیادی کارگزاری خیال کرتے ہیں۔‏ (‏لوقا ۶:‏۴۰‏)‏ واقعی،‏ یسوع کے زمانہ کی طرح آج بھی جب بادشاہتی پیغام قبول کرنے والے دائمی تازگی حاصل کرتے ہیں تو یہوواہ کے گواہوں کو دلی خوشی ہوتی ہے۔‏—‏متی ۱۱:‏۲۸-‏۳۰‏۔‏

خدا کے کلام کی تعلیم دینے کے علاوہ یسوع نے بھوکوں کو کھانا کھلانے اور بیماروں کو شفا دینے والے دیگر نیک کام بھی کئے تھے۔‏ (‏متی ۱۴:‏۱۴-‏۲۱‏)‏ اسی طرح،‏ یہوواہ کے گواہ بائبل کے تعلیمی کام کیساتھ ساتھ حاجتمندوں کی مدد کیلئے دیگر کام بھی کرتے ہیں۔‏ درحقیقت،‏ صحائف مسیحیوں کو ”‏ہر ایک نیک کام“‏ کیلئے لیس کرتے ہیں اور اُنکی ”‏سب کے ساتھ نیکی“‏ کرنے کی حوصلہ‌افزائی کرتے ہیں۔‏—‏۲-‏تیمتھیس ۳:‏۱۶،‏ ۱۷؛‏ گلتیوں ۶:‏۱۰‏۔‏

‏”‏ہمارے بھائی موجود تھے“‏

ستمبر ۱۹۹۹ میں،‏ تائیوان میں ایک تباہ‌کُن زلزلہ آیا۔‏ چند ماہ بعد،‏ ونیزویلا میں طوفانی بارشوں اور برفانی تودوں سے ہونے والی تباہی کو اسکی تاریخ میں سب سے تباہ‌کُن قدرتی آفات میں شمار کِیا گیا۔‏ حال ہی میں موزمبیق میں شدید سیلابوں نے ملک کو برباد کر دیا۔‏ ان تینوں مواقع پر یہوواہ کے گواہ حادثات کی جگہوں پر خوراک،‏ پانی،‏ ادویات،‏ کپڑوں اور خیموں کی رسد کے علاوہ متاثرہ لوگوں کیلئے کھانا پکانے کے سامان کیساتھ فوری طور پر پہنچ گئے۔‏ طبّی صلاحیتیں رکھنے والے رضاکاروں نے زخمیوں کی نگہداشت کیلئے عارضی شفاخانے قائم کئے اور تعمیراتی کام کرنے والے رضاکاروں نے بےخانماں لوگوں کیلئے نئے گھر بنائے۔‏

 اس بروقت مدد نے آفت‌زدہ لوگوں پر بڑا گہرا اثر کِیا۔‏ ونیزویلا کی مالیوری،‏ جسکا گھر برفانی تودے سے ملیامیٹ ہو گیا تھا،‏ بیان کرتی ہے،‏ ”‏جب ہمیں مدد کی اشد ضرورت تھی تو ہمارے بھائی موجود تھے۔‏“‏ جب رضاکاروں نے اُسکے خاندان کیلئے ایک نیا گھر تیار کِیا تو مالیوری نے خوشی سے کہا:‏ ”‏یہواوہ نے ہمارے لئے جوکچھ کِیا ہے ہم اُس کیلئے اسکا جتنا بھی شکر ادا کریں وہ کم ہے!‏“‏ اسکے علاوہ،‏ موزمبیق میں سیلاب سے متاثر لوگوں کو جب اپنے نئے گھروں کی چابیاں ملیں تو وہ خوشی سے یہ گیت گانے لگے ”‏یہوواہ ہماری پناہ‌گاہ ہے“‏ *

ضرورتمندوں کی مدد کرنا رضاکاروں کے لئے بھی تازگی‌بخش تھا۔‏ موزمبیق میں پناہ‌گزین کیمپ میں نرس کے طور پر خدمت کرنے والی مارسیلو بیان کرتی ہے،‏ ”‏مجھے اس قدر تکلیف کا سامنا کرنے والے ان بھائیوں کی مدد کرکے خوشی ہوئی۔‏“‏ تائیوان کے ایک رضاکار ہوانگ کے مطابق:‏ ”‏حاجتمند بھائیوں کو خوراک اور خیمے پہنچانے میں مدد کرنے سے بڑی خوشی ہوئی۔‏ یہ ایمان‌افزا رہا۔‏“‏

ایک کارآمد رضاکارانہ بندوبست

اس رضاکارانہ کام نے دُنیابھر کے ہزاروں قیدیوں کو روحانی تقویت بخشی ہے۔‏ کیسے؟‏ حالیہ برسوں میں،‏ صرف ریاستہائےمتحدہ میں یہوواہ کے گواہوں نے تقریباً ۰۰۰،‏۴ قیدخانوں میں ۰۰۰،‏۳۰ سے زائد اشخاص کو بائبل مطبوعات فراہم کی ہیں۔‏ اسکے علاوہ،‏ جہاں کہیں ممکن ہو،‏ گواہ بائبل کا مطالعہ اور مسیحی اجلاس منعقد کرنے کیلئے قیدخانوں کا ذاتی دورہ کرتے ہیں۔‏ کیا قیدیوں کو فائدہ پہنچتا ہے؟‏

بائبل کا مطالعہ کرنے والے بعض قیدی اپنے ساتھی قیدیوں کو خدا کے کلام کی تازگی‌بخش تعلیمات سے آگاہ کرتے ہیں۔‏ نتیجتاً دُنیابھر کے قیدخانوں میں قیدیوں کے کئی گروہ متحد ہوکر یہوواہ کی پرستش کرتے ہیں۔‏ سن ۲۰۰۱ میں اوریگن،‏ یو.‏ایس.‏اے.‏ میں ایک قیدی نے بیان کِیا،‏ ”‏ہمارا گروپ ترقی کر رہا ہے۔‏ ہمارے پاس ۷ بادشاہتی مُناد ہیں اور ہم ۳۸ بائبل مطالعہ کروا رہے ہیں۔‏ عوامی تقریر اور مینارِنگہبانی کے مطالعے پر ۲۵ سے زیادہ اشخاص حاضر ہوتے ہیں اور [‏مسیح کی موت کی]‏ یادگار پر حاضری ۳۹ تھی۔‏ بہت جلد تین اَور اشخاص بپتسمہ لینے والے ہیں!‏“‏

فوائد اور خوشیاں

قیدی افسران نے مشاہدہ کِیا ہے کہ یہ رضاکار پروگرام کارآمد ہے۔‏ اس رضاکارانہ پروگرام کے دائمی فوائد نے افسران کو متاثر کِیا۔‏ ایک رپورٹ کے مطابق ”‏دس سالوں سے اس پروگرام کی کارکردگی سے دیگر گروہوں کے ۵۰-‏۶۰ فیصد لوٹنے والے قیدیوں کے برعکس،‏ یہوواہ کے گواہ کے طور پر بپتسمہ لینے والے قیدیوں میں سے ایک بھی دوبارہ قیدخانہ نہیں لوٹا۔‏“‏ گواہ رضاکاروں کے حاصل‌کردہ نتائج سے تحریک پاکر اڈاہو کے قیدخانہ کے ایک پادری نے یہوواہ کے گواہوں کے عالمی ہیڈکوارٹرز کو اپنے خط میں لکھا:‏ ”‏مَیں آپکے مذہبی عقائد سے اتفاق نہ کرنے کے باوجود آپکی تنظیم سے بڑا متاثر ہوں۔‏“‏

قیدخانہ میں رہنے والوں کی مدد کرنے سے رضاکاروں کو بھی فائدہ پہنچتا ہے۔‏ پہلی بار بادشاہتی گیت گانے والے قیدیوں کے ایک گروہ کیساتھ اجلاس منعقد کرنے کے بعد،‏ ایک رضاکار نے لکھا:‏ ”‏۲۸ آدمیوں کو یہوواہ کی ستائش میں گیت گاتے دیکھنا حوصلہ‌افزا تجربہ تھا۔‏ نیز اُنہوں نے بلند آواز میں گیت گایا تھا!‏ ایسے موقع پر موجود ہونا کتنا بڑا شرف ہے!‏“‏ ایریزونا کے قیدخانوں کا دورہ کرنے والے ایک رضاکار نے بیان کِیا:‏ ”‏اس خاص کام میں حصہ لینا واقعی بابرکت تھا!‏“‏

دُنیابھر کے گواہ رضاکار یسوع کے اس بیان سے پوری طرح متفق ہیں:‏ ”‏دینا لینے سے مبارک ہے۔‏“‏ (‏اعمال ۲۰:‏۳۵‏)‏ وہ بائبل کی اِس نصیحت سے بھی اتفاق کرتے ہیں کہ سب کیساتھ نیکی کرنا واقعی تازگی‌بخش ہے۔‏—‏امثال ۱۱:‏۲۵‏۔‏

‏[‏فٹ‌نوٹ]‏

‏[‏صفحہ ۸ پر تصویر]‏

ونیزویلا

‏[‏صفحہ ۸ پر تصویر]‏

تائیوان

‏[‏صفحہ ۸ پر تصویر]‏

موزمبیق