Нега саволларга жавоб топиш муҳим?
Нима учун Яратувчи бор-йўқлигини аниқлаш муҳим? Чунки қодир Аллоҳ мавжуд эканига амин бўлсангиз, балки, Муқаддас Китобда Унинг сўзлари ёзилганини тасдиқлайдиган далилларни ўрганиб чиқишни истарсиз. Ушбу китобда ёзилганлар ҳақиқат эканига ишонч ҳосил қилиш сизга қуйидаги соҳаларда фойда келтиради:
Ҳаётингиз янада мазмунли бўлади
МУҚАДДАС КИТОБДА ШУНДАЙ ДЕЙИЛГАН: «Аллоҳ сизларга осмондан ёмғир ёғдириб, серҳосил мавсумларни тақдим этган. Шунингдек, озиқ-овқатни мўл-кўл бериб, қалбларингизни қувончга тўлдирган». (Ҳаворийлар 14:17)
БУ НИМАНИ АНГЛАТАДИ? Табиатдаги сизга завқ келтирадиган ҳар бир нарса Яратувчидан ҳадядир. У сизга қанчалик ғамхўрлик қилишини билсангиз, бу ҳадялар учун миннатдорчилигингиз янада ошади.
Кундалик ҳаёт учун ишончли маслаҳатларни топасиз
МУҚАДДАС КИТОБДА ШУНДАЙ ДЕЙИЛГАН: «Тўғрилик, адолат ва ҳаққоният нималигини тушунасан. Яхшилик йўлларини англаб етасан». (Ҳикматлар 2:9)
БУ НИМАНИ АНГЛАТАДИ? Худо сизни яратган экан, У бахтли бўлишингиз учун сизга нима кераклигини яхши билади. Агар Унинг Каломини ўқисангиз, сизга фойдали бўладиган маслаҳатларни топишингиз мумкин.
Саволларингизга жавоб оласиз
МУҚАДДАС КИТОБДА ШУНДАЙ ДЕЙИЛГАН: «Худо ҳақида билимга эга бўласан». (Ҳикматлар 2:5)
БУ НИМАНИ АНГЛАТАДИ? Яратувчи мавжуд эканига амин бўлиш қуйидаги муҳим саволларга жавоб топишингизга ёрдам беради: Ҳаётнинг мазмуни нимада? Нега азоб-уқубатлар шунчалик кўп? Одам ўлганидан кейин у билан нима бўлади? Бу ва бошқа саволларга Муқаддас Китобдан сизни қониқтирадиган жавоблар олишингиз мумкин.
Келажакка умид билан қарайсиз
МУҚАДДАС КИТОБДА ШУНДАЙ ДЕЙИЛГАН: «Сизлар ҳақингизда қилган ниятларимни Ўзим яхши биламан,— демоқда Яҳова a. — Мусибат эмас, тинчлик келтириш ниятидаман, сизларга порлоқ келажак ва умид бахш этаман». (Еремиё 29:11)
БУ НИМАНИ АНГЛАТАДИ? Худо келажакда ёвузлик, азоб-уқубат ва ҳатто ўлимни йўқ қилишни ваъда беряпти. Унинг ваъдаларига ишонсангиз, умидга эга бўласиз. Умид эса ҳар кунги муаммоларни енгишингизга куч беради.
a Муқаддас Китобга кўра, Худонинг исми Яҳова.
Сизни қизиқтириши мумкин
УЙҒОНИНГ!
Нима бахтга етаклайди?—Ҳаёт мазмуни
Ҳаётдаги энг муҳим саволларга қониқарли жавоб топиш бахтли бўлишга ҳисса қўшади.
