Забур 30:1–12
-
Қайғу қувончга айланади
-
«Илтифотини бир умр кўрсатади» (5)
-
Уйни бағишлаш пайтида айтилган қўшиқ. Довуд саноси.
30 Сени улуғлайман, эй Яҳова, чунки Сен мени қутқардинг.Душманларим устимдан кулишига йўл қўймадинг+.
2 Эй, Тангрим Яҳова, ёрдам сўраб фарёд қилганимда, менга шифо бердинг+.
3 Эй Яҳова, Сен мени мозордан* чиқариб олдинг+.
Ҳаётимни асраб, қабрга тушишдан мени сақлаб қолдинг+.
4 Яҳовага мадҳлар куйланг, эй, Унга содиқ бўлганлар+.Муқаддас исмини+ тараннум этинг.
5 Чунки Унинг ғазаби бир лаҳза давом этади+,Илтифотини эса бир умр кўрсатади+.
Кечқурун йиғи овози кириб келса-да, тонгда қувонч ҳайқириғига айланади+.
6 Бехавотир юрганимда:
«Мен асло тебранмасман»,— дедим.
7 Эй Яҳова, илтифотингга сазовор бўлиб юрганимда, мени тоғдай мустаҳкам қилдинг+.
Бироқ мендан юзингни яширганингда, саросимага тушиб қолдим+.
8 Сенга тинмай ёлвордим, эй Яҳова+,Илтифот кўрсатсин дея, Яҳовага илтижолар қилдим.
9 Ўлганимдан, гўрга+ тушганимдан не фойда?
Тупроқ Сенга мақтов айтадими?+ Садоқатинг ҳақида гапирадими?+
10 Эй Яҳова, мени эшитиб, илтифот кўрсат+.
Эй Яҳова, менга ёрдам бер+.
11 Сен мотамимни шодликка айлантирдинг.Эгнимдаги жулни ечиб олиб, хурсандчилик либосини кийгиздинг,
12 Токи мен жим ўтирмай Сенга мадҳлар куйлайин.
Эй Яҳова, менинг Аллоҳим, Сени абадий мақтайман.
