Ишаё 11:1–16
11 Эссайнинг+ тўнкасидан новда+ ўсиб чиқади,Илдизидан унган ниҳол+ ҳосил келтиради.
2 Унинг устида Яҳованинг руҳи+,Донолик+ ва идрок руҳи,Насиҳат ва қудрат руҳи+,Билим ва Яҳовадан қўрқиш руҳи бўлади.
3 У Яҳовадан қўрқишдан мамнуният топади+.
У кўзлари билан кўрганига асосланиб ҳукм қилмайди,Қулоғи билан эшитгани бўйича танбеҳ бермайди+.
4 Бечораларни у ҳаққоният ила ҳукм қилади,Ердаги камтаринлар* манфаатини кўзлаб адолат ила танбеҳ беради.
Ер юзини оғзидан чиққан таёқ билан уради+,Ёвузларни оғзидан чиққан нафаси* ила ўлдиради+.
5 У белига одиллик камарини тақади,Садоқат белидаги белбоғ бўлади+.
6 Бўри қўзи билан тинч-тотув яшайди+,Улоқ қоплон билан ётади.Бузоқ, шер ва бўрдоқи мол бирга юради*+.Уларни ёш бола етаклайди.
7 Сигир айиқ билан ўтлайди,Уларнинг болалари бирга ётади.
Шер буқа каби сомон ейди+.
8 Гўдак илон уяси устида ўйнайди,Кўкракдан айрилган бола қўлини қора илон уясига суқади.
9 Улар муқаддас тоғимнинг ҳеч бир ерида зарар етказмайди+,Ҳеч қандай зиён ҳам келтирмайди+.Сувлар денгизни тўлдиргани каби,Ер юзи ҳам Яҳова ҳақидаги билимга тўлади+.
10 Ўша куни Эссайнинг томири+ халқлар учун белги каби бўлади+.
Халқлар ундан йўл-йўриқ сўраб келади+,Унинг маскани ҳашаматли бўлади.
11 Яҳова ўша куни Оссурия+, Миср+, Патрўс+, Куш*+, Элам+, Шинар*, Хомат ва денгиз оролларидан халқининг омон қолганларини йиғиш учун қайтадан, иккинчи бор қўлини узатади+.
12 У халқлар учун белги ўрнатиб, Исроилнинг тарқалиб кетганларини тўплайди+. Яҳудонинг сочилиб кетганларини ернинг тўрт бурчагидан йиғиб олади+.
13 Эфрайимнинг ҳасадгўйлигига чек қўйилади+,Яҳудога душманлик қилганлар барҳам топади.
Эфрайим Яҳудога ҳасад қилмайди,Яҳудо ҳам Эфрайимга хусумат қилмайди+.
14 Улар ғарбга, филистимликлар қияликларига ҳужум қилади,Биргалашиб Шарқ халқларини талон-торож қилади.
Улар Эдом+ билан Мўабни+ мағлуб этиб,Оммонликларни бўйсундиради+.
15 Яҳова Миср денгизи кўрфазини бўлади*+,Фурот дарёси+ узра қўлини силкитади.
Ловуллаган нафасини унинг еттита ирмоғига уриб*,Халқ сандалларини ечмай ўтадиган қилади.
16 Исроил Миср юртидан чиққан кундагидай,Халқининг омон қолганлари+ Оссуриядан чиққанда, катта йўл очилади+.
Изоҳлар
^ Ёки «мулойим, беозор».
^ Ёки «руҳи».
^ Бошқа вариант «Бузоқ билан шер бирга ўтлайди».
^ Ёки «Ҳабашистон (Эфиопия)».
^ Яъни Бобил.
^ Бошқа вариант «қуритади».
^ Бошқа вариант «уни еттита ирмоққа бўлиб».
