Ушбу туркумдаги мақолаларнинг биринчи қисмида видео ва адабиётларимизни тарқатишда jw.org веб-сайтимизнинг аҳамияти тўғрисида айтилганди. 2-қисмда эса дунё бўйлаб имондошларни Яҳованинг Шоҳидларига тегишли сўнгги воқеалардан бохабар қилишда jw.org веб-сайтининг ўрни ҳақида гап боради.

Ўз вақтидаги янгиликлар. Веб-сайтимиздаги JW янгиликлари қисмида мунтазам равишда имондошларимиз ҳақида сўнгги ишончли маълумотлар келтирилади. Булар қаторига табиий офатлар ва талафот кўрганларга ёрдам бериш ишлари, ҳукумат томонидан қаршиликлар, турли мамлакатларда имондошларимизни ноҳақ қамоққа ташлаш билан боғлиқ ва бошқа муҳим маълумотлар киради. Масалан, 2017 йили 21 мартда биродару опа-сингилларга Россияда Яҳова Шоҳидларининг фаолияти ман этилиш арафасида экани маълум қилинган ва уларга Россия ҳукуматига хизмат қиладиганларга хат ёзиш таклиф этилган.

Тезкор хабарлар. Илк бор Тезкор хабарлар jw.org веб-сайтимизда 2017 йили июлда чиқди. Бу каби хабарларда бир нечта гапда сўнгги янгиликлар ҳақида айтилади. Масалан, имони учун қамоқда ўтирган биродару опа-сингилларимиз озод этилса, бу тезкор хабарларда эълон қилинади. Феликс Махаммадиев биродаримиз Россияда қамоқдан озод этилиб, рафиқаси Евгения билан яна бирга бўлганида бу тезкор хабарларда айтилган. Пандемия давомида Тезкор хабарлар орқали онлайн тарздаги анжуман қисмлари чиққани ва Яҳова Шоҳидларининг Етакчи Кенгаши чиқарган муҳим қарорлар эълон қилинган. Учрашувларимизни юзма-юз ўтказиш ва жамоат жойларидаги хизматимизни тиклаш тўғрисидаги эълонлар шулар қаторидандир. Бундай эълонларнинг кўпи муҳим воқеа юз берганидан атиги бир неча соат ўтгач чиққан. Мисол учун, 2018 йили июнда Жанубий Кореянинг конституциявий суди ҳукумат муқобил хизматнинг баъзи турларига рухсат бермаслиги адолатсизлик экани борасида қарор чиқаргани Тезкор хабарларда эълон қилинганди.

Етакчи Кенгашдан янгиликлар. COVID-19 пандемияси пайтида имондошларга далда бериш ниятида 2020 йили 18 мартда Етакчи Кенгашдан янгиликларнинг биринчи сони чиқди. Кўплар қуйидаги сўзларни айтган опамизнинг фикрига қўшилади: «Худди дўстим шахсан келиб, ҳол-аҳволимни сўрагандай бўлди. Бу янгиликларсиз пандемиядан ўтолмасдим. Улар доим ўз вақтида эди». Ҳозиргача умумий ҳисобда бу янгиликларнинг 28 таси чиқди.

Дунё тобора бўлингани ва муҳим воқеалар тезда ривож олгани сайин янгиликларнинг ишончли манбасини топиш ҳам қийинлашиб боряпти. Лекин биродару опа-сингилларимиз jw.org веб-сайти ёрдамида ўз вақтида ишончли хабарларни олиши мумкин. Бу ҳар биримизга «хотиржам бўлиб» Тангри Яҳовага таянишга кўмаклашяпти. (Ишаё 30:15)

• Ҳар ой юклаб олинадиган видеолар

• Сайтимизга ҳар куни кирадиганлар

• Умумжаҳон хат ёзиш кампанияси ҳақидаги эълон, 2017 йил март

• Етакчи Кенгашдан янгиликларнинг илк сони, 2020 йил март

• Йиғилишлар юзма-юз ўтиши тўғрисида эълон, 2022 йил март

• Жамоат жойларида хизматга қайтиш ҳақидаги эълон, 2022 йил июнь

• Онлайн анжуман қисмларининг чиқиши, 2022 йил июндан августгача