«Shohliging kelsin» — millionlab odamlar takrorlaydigan ibodat
Kimdir Xudoning Shohligi kelishi haqida ibodat qilganini hech eshitganmisiz? Asrlar osha millionlab odamlar: «Shohliging kelsin»,— deb ibodat qilib kelishmoqda. Nima uchun? Chunki Iso payg‘ambar izdoshlariga Xudoning Shohligi haqida ibodat qilishni aytgandi.
Boshida Iso alayhissalomning izdoshlari u Shohlik haqida aytgan narsalarning hammasini ham tushunishmagandi. Bir marta ular undan: «Hazrat, axir siz Isroilda shohlikni shu paytda tiklamaysizmi?» — deb so‘rashgandi. O‘shanda Hazrati Iso Xudoning Shohligi qachon kelishini aniq aytmagani ularni hayron qoldirgandir. (Havoriylar 1:6, 7) Lekin bu, Xudoning Shohligi o‘zi nima ekani va u qachon kelishi haqidagi savollarimiz javobsiz qolishini anglatadimi? Albattaki, yo‘q!
«Qo‘riqchi minorasi» jurnalining ushbu sonida quyidagi savollarga javob topishingiz mumkin:
Nima uchun Xudoning Shohligiga muhtojmiz?
Xudo Shohligining Shohi kim?
Xudoning Shohligi yer yuzi ustidan qachon boshqarishni boshlaydi?
Xudoning Shohligi nimalarni amalga oshiradi?
Nega hozirdan Xudoning Shohligini qo‘llab-quvvatlash kerak?
Xudoning Shohligi o‘zi nima?
Sizni qiziqtirishi mumkin
ESSENTIAL BIBLE TEACHINGS
Xudoning Shohligi nima?
Iso va’z qilganda eng ko‘p Xudoning Shohligi haqida gapirgan. Asrlar davomida uning izdoshlari bu Shohlik kelishi haqida ibodat qilishyapti.
