Ayub 28:1-28
28 Kumush qazib olinadigan kon bor,Oltin tozalanadigan joy ham bor+.
2 Temir yerdan qazib olinadi,Mis toshlardan eritib olinadi+.
3 Inson qorong‘ilikni zabt etadi,U tim qorong‘ilik va zulmat sarhadlarini o‘rganib,Ruda* izlaydi.
4 U unutilib ketgan, odam qadami yetmagan yerlarda,Odamlar yashaydigan joydan yiroqda kon qaziydi.Ayrimlar o‘sha konga tushib, arqonlarga osilgancha ishlaydi.
5 Yer ustida yegulik unib chiqadi,Yer osti esa, yong‘in bo‘lib o‘tgandek alg‘ov-dalg‘ov*.
6 Yer ostida sapfir toshlari,Hamda oltin qumi bor.
7 Hech bir yirtqich qush o‘sha konga olib boradigan so‘qmoqni bilmaydi,Qora kalxatning ko‘zlari uni ko‘rmagan.
8 Yirtqich hayvonlar u so‘qmoqga oyoq bosmagan,Baquvvat sher u yerda izg‘ib yurmagan.
9 Inson qoyani* o‘z qo‘llari bilan parchalaydi,Tog‘larni tag-tugi bilan ag‘darib tashlaydi.
10 U qoyani o‘yib ariqlar qaziydi+,Ko‘zi har turli qimmatbaho narsalarni ko‘radi.
11 U daryolar manbaini to‘sib qo‘yadi,Yashirin narsani yorug‘likka olib chiqadi.
12 Biroq donolikni qayerdan topsa bo‘ladi?!+Fahm-idrokning manbai qayerda?!+
13 Uning qadr-qimmatini hech bir inson bilmaydi+,Yorug‘ dunyoning* hech bir yerida uni topib bo‘lmaydi.
14 Chuqur suvlar: “U bizda emas!” — deydi.
Dengiz ham: “U menda emas!” — deb aytadi+.
15 Toza oltin evaziga uni sotib olib bo‘lmaydi.Kumush tortib ayirboshlash imkonsizdir+.
16 Uni Ofir tillasi+,Nodir oniks va sapfir toshlari evaziga ham xarid qilib bo‘lmaydi.
17 Oltin va shisha ham unga teng kela olmaydi.Toza oltin idish evaziga ham uni almashtirib bo‘lmaydi+.
18 Marjon-u billur haqida gapirmasa ham bo‘ladi+.Donolik bir qopcha marvariddan ham qimmatroqdir.
19 Kush* diyorining topazi+ unga teng kela olmaydi.Toza oltin evaziga ham uni xarid qilib bo‘lmaydi.
20 Biroq donolik qayerdan keladi?!Fahm-idrokning manbai qayerda?!+
21 U har qanday jonzotning nigohidan yashirilgan+,Samoviy qushlardan bekitilgandir.
22 Halokat va o‘lim:“Quloqlarimiz u haqdagi xabarni eshitgan, xolos”,— deyishmoqda.
23 Uni topish yo‘lini Alloh biladi.Makoni yolg‘iz Unga ma’lum+.
24 Zero, yerning chekkalariga ham U nazar tashlaydi.Falak ostidagi har bir narsani ko‘rib turadi+.
25 Xudo shamolga kuch berganda+,Suvlarni o‘lchaganda+,
26 Yomg‘ir uchun qoida o‘rnatganda+,Momaqaldiroqli bulut va bo‘ronning yo‘lini belgilaganda+,
27 Alloh donolikni ko‘rib, ma’nosini tushuntirdi,Uni boshlab kelib sinadi.
28 Shunda U insonga:
“Yahovadan qo‘rqish — donolikdir+.Yomonlikdan yuz o‘girish — fahm-idrokdir”+,— deb aytdi».
Izohlar
^ So‘zma-so‘z «Tosh».
^ Kon qazish ishlari nazarda tutilgan bo‘lishi mumkin.
^ So‘zma-so‘z «chaqmoqtosh qoyani».
^ So‘zma-so‘z «Tiriklar diyorining».
^ Yoki «Habashiston (Efiopiya)».
