Ayub 36:1-33
36 Elixu gapini shunday deya davom ettirdi:
2 «Tushuntirib bo‘lmagunimcha, yana bir oz sabr qiling,Chunki Xudoni yoqlab gapiradigan so‘zlarim hali bor.
3 Men bilganlarimni atroflicha so‘zlab berib,Yaratuvchim odil ekanini oshkor etaman+.
4 So‘zlarim yolg‘on emasligi aniq,Zero, bu so‘zlar mukammal bilim Egasidan+ kelgan.
5 Darhaqiqat, Alloh qudratli+, biroq hech biringizni rad etmaydi.U fahm-idrokda tengi yo‘qdir.
6 U yovuzlarni tirik qoldirmaydi+,Azob chekkanlar uchun esa odil hukm chiqaradi+.
7 U odillardan ko‘zini uzmaydi+.Ularni shohlar bilan birga taxtga o‘tirg‘izib*+, abadiy yuksaltiradi.
8 Agar ular kishanlanib,Qayg‘u-alam arqonlari bilan bog‘lanishsa,
9 Xudo ularning qilmishlarini ko‘rsatib,Mag‘rurliklari dastidan qilgan jinoyatlarini fosh etadi.
10 Tanbeh berish uchun quloqlarini ochib,Yomonlikdan yuz o‘girishga chorlaydi+.
11 Agar ular quloq solib, Unga xizmat qilsa,Farovonlikda umr kechirib,
Hayotdan bahra olib yashaydi+.
12 Bordi-yu, ular quloq solmasa, qilichdan halok bo‘lib+,Saboq olmay o‘lib ketadi.
13 Xudosizlar* o‘z qalbida gina-kudurat saqlaydi.
Alloh ularni bog‘lab tashlasa ham, Undan yordam so‘rab yolvormaydi.
14 Ularning hayoti ibodatxona bachchalari*+ orasida o‘tib*,Yoshlik chog‘idayoq o‘lib ketadi+.
15 Lekin Alloh jabr-zulm ostida qolgan bechoralarni qutqaradi,Zulm ko‘rayotgan paytda, ta’lim berish uchun quloqlarini ochadi.
16 U sizni dard-alamdan xalos etib+,Cheklovlardan xoli keng yalanglikka eltadi+,Dasturxoningizni noz-ne’matga to‘ldirib, tasalli baxsh etadi+.
17 Hukm amalga oshirilib, adolat o‘rnatilganda,Yovuzlarga chiqarilgan hukmdan ko‘nglingiz to‘ladi+.
18 Ammo jahlga berilib+, birovning qayg‘usidan sevina ko‘rmang,Katta pora sizni yo‘ldan ozdirmasin.
19 Yordam so‘rab qilgan faryodingiz,Zo‘r urinishlaringiz musibatdan qutqara oladimi?+
20 Odamlar o‘z joyidan g‘oyib bo‘ladiganTunni orzu qilmang.
21 Yomonlikka og‘ib ketishdan ehtiyot bo‘ling,Qayg‘u-alamning o‘rniga uni tanlamang+.
22 Mana, Xudo qudrati ila yuksalgan.Unga o‘xshash ustoz bormi?
23 Kim Unga yo‘l ko‘rsata oladi*?+Kim Unga: “Sen noto‘g‘ri yo‘l tutding”+,— deb ayta oladi?
24 Shuni yodda tutingki, siz Uning ishlarini+,Odamlar tarannum etgan ishlarini madh etishingiz darkor+.
25 Bu ishlarni butun odamzod ko‘rgan,O‘tkinchi inson ularni uzoqdan turib kuzatadi.
26 Ha, Alloh aqlimiz yetmaydigan darajada buyukdir+,Yillarining sanog‘iga yetib bo‘lmaydi+.
27 U suv tomchilarini yuqoriga ko‘taradi+,Ular bug‘lanib ketib, so‘ng yomg‘irga aylanadi.
28 Bulutlar ularni yerga to‘kib+,Odamzod ustiga sharros quyadi.
29 Bulutlar qanday yoyilganini,Uning chodiridan eshitilgan momaqaldiroqni kim tushuna oladi?+
30 Qarang, U bulutlar uzra chaqmog‘ini chaqtiradi+,Dengiz tubini suv bilan qoplaydi.
31 Bular orqali U odamlarni qo‘llab-quvvatlab*,Ularni mo‘l-ko‘l oziq-ovqat bilan ta’minlaydi+.
32 U chaqmoqni O‘z qo‘llarida ushlab,Nishoniga qarata yo‘naltiradi+.
33 Momaqaldiroq U haqda e’lon qiladi,Hatto chorva ham kim* kelayotganini xabarlaydi.
Izohlar
^ Boshqa variant «U shohlarni taxtga o‘tirg‘izib».
^ Yoki «Murtadlar».
^ Ibodatxonada fahsh uchun foydalanilgan erkaklar.
^ Boshqa variant «yakun topib».
^ Boshqa variant «tanqid qila oladi; javobgarlikka torta oladi».
^ Boshqa variant «odamlarga homiylik qilib».
^ Boshqa variant «nima».
