Hizqiyo 15:1-8
-
Quddus yaroqsiz tok novdasi (1-8)
15 Yahova menga yana so‘zini ayon qildi:
2 «Ey inson o‘g‘li, tok novdasi bilan o‘rmondagi daraxtlar yoki daraxt shoxlari o‘rtasida qanaqa farq bor?
3 Uning yog‘ochidan qilingan xoda biror ishga yaraydimi? Yoki odamlar jihozlarini osish uchun undan ilgak yasaydimi?
4 U o‘tin sifatida olovga tashlanadi. Olov uning ikkala uchiniyu o‘rtasini kuydiradi. Endi u nimaga yaraydi?
5 U butunligida hech narsaga yaramas ekan, kuyib bo‘lganidan keyin qanday foydasi bor?!»
6 «Shuning uchun, Oliy Hukmdor Yahova demoqda: “O‘rmon daraxtlari orasidagi tok novdasini o‘tin sifatida berdim. Quddus aholisi bilan ham shunday yo‘l tutaman+.
7 Men ularga qarshi yuzlandim. Ular olovdan qochgan bo‘lishsa-da, baribir olov ularni nobud qiladi. Ularga qarshi yuzlanganimda, Men Yahova ekanimni bilib olasizlar”»+.
8 «“Ular bevafolarcha yo‘l tutgani uchun+ bu yurtni kimsasiz qilib qo‘yaman”+,— demoqda Oliy Hukmdor Yahova».
