Ibtido 8:1-22
8 Bundan so‘ng Tangri Nuhga, u bilan birga kemaga kirgan+ barcha yovvoyi hayvonlar va uy hayvonlariga e’tibor qaratib*, yer yuziga shamol yubordi va suv pasaya boshladi.
2 Osmondagi barcha suvlar tugab, samoning suv qopqalari bekildi va yog‘ayotgan yomg‘ir tindi+.
3 Suv yer yuzidan asta-sekin kamaya boshlab, 150 kundan keyin ancha ozaydi.
4 Yettinchi oyning* 17- kuni, kema Ararat tog‘lari ustida to‘xtadi.
5 Suv o‘ninchi oygacha* asta-sekin kamayib bordi. O‘ninchi oyning birinchi kuni, tog‘larning cho‘qqilari ko‘rina boshladi+.
6 Nuh 40 kundan keyin kemaning derazasini+ ochdi.
7 So‘ng u quzg‘unni tashqariga uchirib yubordi. Yer yuzidagi suv quriguncha, quzg‘un kemadan uchib ketib, yana uchib kelib yurdi.
8 Keyinroq Nuh yer yuzidagi suv qurigan-qurimaganini bilish uchun, kaptarni uchirib yubordi.
9 Yer yuzini hali suv qoplab turgani sababli, kaptar qo‘nolg‘a* topa olmay+, yana kemaga qaytib keldi. Shunda Nuh qo‘lini cho‘zib, kaptarni kemaga kirgizdi.
10 Yetti kun kutib, u kaptarni yana kemadan uchirib yubordi.
11 Kaptar kechga yaqin Nuhning yoniga uchib kelganida, u kaptarning tumshug‘ida zaytun daraxtining yangi uzilgan bargi borligini ko‘rib, yer yuzida suv pasayib qolganini tushundi+.
12 U yana yetti kun kutib, kaptarni tag‘in uchirib yubordi. Lekin kaptar boshqa qaytib kelmadi.
13 Nuh 601 yoshga to‘lganida+, birinchi oyning birinchi kuni yer yuzidagi suv kamayib qoldi. Nuh kemaning tomini ochib, yer yuzasi quriyotganini ko‘rdi.
14 Ikkinchi oyning 27- kuni, yer butunlayin quridi.
15 Alloh Nuhga shunday dedi:
16 «Xotining, o‘g‘illaring va kelinlaring bilan birga kemadan chiq+.
17 Serpusht bo‘lib ko‘payishlari va yer yuzini to‘lg‘azishlari uchun+, o‘zing bilan birga har bir jonzotni+ — qanotli jonivorlarni, hayvonlarni, yerda o‘rmalab yuruvchi* jonzotlarni ham olib chiq».
18 Keyin Nuh o‘g‘illari+, xotini va kelinlari bilan birga kemadan chiqdi.
19 Hamma hayvonlar, o‘rmalab yuruvchi va qanotli jonivorlar — yer yuzida harakatlanuvchi barcha jonzotlar turiga qarab kemadan chiqdi+.
20 So‘ngra Nuh Yahovaga atab qurbongoh qurdi+ va halol jonivorlarning hamda halol qushlarning barcha turidan+ olib, qurbongoh ustida butunlay kuydirib qurbonlikka keltirdi+.
21 Yahova yoqimli* hidni his etdi. Shunda Yahova O‘z ko‘nglida shunday dedi: «Boshqa hech qachon odamzodni deb yerni la’natlamayman*+. Zero, insonning qalbi bolaligidan yomonlikka moyildir+. Endi tirik jonzotni aslo qirg‘in qilmayman+.
22 Bundan buyon yer yuzida ekin-tikin va o‘rim-yig‘im, sovuq va issiq, yoz va qish, kun va tun aslo ado bo‘lmaydi»+.
Izohlar
^ So‘zma-so‘z «eslab».
^ Bu oy, Isroil xalqi Misrdan chiqqach, muqaddas kalendar bo‘yicha birinchi oy bo‘lib, «abib» (yoki «nison») deya atalgan. «Abib» oyi martning o‘rtasidan aprelning o‘rtasigacha davom etardi. Ilovaning B15 mavzusiga q.
^ Bu oy, «tammuz» oyiga to‘g‘ri keladi. Ilovaning B15 mavzusiga q.
^ Yoki «oyoq qo‘yadigan yer».
^ Bu ibroniycha so‘z ostida sichqonlar, ilonlar, hasharotlar kabi jonzotlarni tushunish mumkin.
^ Yoki «tinchlantiradigan, orombaxsh». So‘zma-so‘z «taskin beradigan».
^ Yoki «halokatga duchor qilmayman».
