Ishayo 48:1-22
48 Ey, Yoqub xonadoni, tinglang!O‘zingizni Isroilning nomi ila ataysiz+,Yahudo avlodidan* chiqgansiz,Yahovaning ismi haqqi qasam ichib+,Isroilning Xudosiga yolvorasiz-u,Ammo buni haqiqat va odillik ila qilmaysiz+.
2 Ular muqaddas shaharda yashaymiz deya+,Ismi Qo‘shinlar Sarvari Yahova bo‘lmishIsroilning Tangrisidan madad izlaydi+.
3 «O‘tmishda yuz berganlarni senga oldindan aytdim.
Bular Mening og‘zimdan chiqdi.Ularni senga bildirdim+.
Birdan ishga kirishib, ularni amalga oshirdim+.
4 Chunki o‘jar ekaningni,Bo‘yning temir, peshonang misdan ekanini bilaman+.
5 Shu bois, bularni oldindan aytdim.
Toki: “Buni o‘zimiz yasagan but qildi.Quyma but va o‘yma tasvirimiz amri ila shunday bo‘ldi”,— demasliging uchun,Bu narsalar amalga oshmay turib, senga eshittirdim.
6 Bularning barini ham ko‘rib, ham eshitding.
Endi e’lon qilmaysanmi?+
Hozirdan senga yangi narsalarni+,Sen bilmagan pinhona sirlarni bayon qilaman.
7 Ular o‘tmishda emas, endigina bajarilyapti,Bugunga qadar ular haqda eshitmagansan.Shu sababli: “Men bularni bilar edim”,— deya olmaysan.
8 Ha, sen eshitmading+, bilmading.Chunki avvallari quloqlaring yopiq edi.
Sen nihoyatda xiyonatkor ekaningni bilaman+.Tug‘ilganingdan buyon noming qonunbuzardir+.
9 Lekin O‘z ismim haqqi g‘azabimni to‘kmayman+.Sharafim haqqi O‘zimni tiyaman,Seni yo‘q qilmayman+.
10 Mana! Men seni tozaladim, ammo kumushni tozalaganday emas+.
Seni olovli o‘choqda, qayg‘u chekkaningda sinadim*+.
11 Faqat O‘z ismim haqqi ishga kirishaman+,Ismim bulg‘anishiga yo‘l qo‘ymayman+.
Ulug‘vorligimni hech kimga bermayman!
12 Ey Yoqub, Menga quloq sol! O‘zim chaqirgan, ey Isroil, Meni tingla!
Men O‘shaman+. Birinchisi ham, oxirgisi ham Menman+.
13 O‘z qo‘lim bilan yerning poydevoriga asos soldim+.O‘ng qo‘lim ila samolarni yoyib yubordim+.
Ularni chaqirsam, hammasi jam bo‘ladi.
14 Barchangiz birgalikda kelib tinglang.
Ulardan qay biri bu narsalarni e’lon qiladi?
Yahova uni yaxshi ko‘rdi+.
O‘sha odam Uning Bobilga qarshi tilagini amalga oshiradi+.Uning qo‘li xaldeylarga qarshi ko‘tariladi+.
15 Buni O‘zim aytdim, uni O‘zim chaqirdim+.
Men uni olib keldim, uning yo‘li muvaffaqiyatli bo‘ladi+.
16 Menga yaqinroq kelib, quloq tutinglar!
Azaldan Men yashirmay gapirdim+.
Bu amalga oshganda Men o‘sha yerda edim».
Hozir bo‘lsa, Oliy Hukmdor Yahova meni O‘z ruhi bilan yubordi.
17 Xaloskoring, Isroilning Muqaddas Xudosi Yahova+ shunday demoqda:
«Men Yahova, sening Xudoyingman,Sening manfaatingni ko‘zlab ta’lim beraman+,Yurishing kerak bo‘lgan yo‘ldan yetaklayman+.
18 Qaniydi amrlarimga diqqatli bo‘lganingda edi!+
Xotirjamliging go‘yo daryoday+,Odilliging dengiz to‘lqinlariday bo‘lardi+.
19 Zurriyoting* qumday,Avloding qum zarralariday son-sanoqsiz bo‘lardi+.
Ismlari Mening huzurimdan aslo o‘chmas, yo‘q bo‘lmas edi».
20 Bobildan chiqib keting!+
Xaldeylardan qoching!
Shod-xurramlik ila buni e’lon qiling, jar soling!+
Yerning chekkalarigacha buni bildiring!+
«Yahova O‘z xizmatkori Yoqubni to‘lov evaziga qutqardi+.
21 Sahrodan olib o‘tganda ham ular chanqamadi+.
Ular uchun qoyadan suv oqizdi.Qoyani yorib toshqin suvlar chiqardi»+,— deb ayting.
22 «Yovuzlar tinchlik nimaligini bilmaydi»,— demoqda Yahova+.
