Qonunlar 7:1-26
7 Tangringiz Yahova egallash uchun ketayotgan yurtga sizlarni olib borgach+, u yerdagi ko‘p sonli xalqlarni, sizlardan ko‘proq va kuchliroq bo‘lgan yettita xalqni+ — xetiylar, girgoshiylar, amoriylar+, kan’onliklar, pariziylar, xiviylar va yobusiylarni+ oldingizdan quvib chiqaradi+.
2 Xudoyingiz Yahova ularni qo‘lingizga topshiradi va sizlar ularni mag‘lub etasizlar+. Ularni albatta yo‘q qilinglar+. Ular bilan ahdlashmanglar, ularga rahm ham qilmanglar+.
3 Ular bilan quda-andachilik qilmanglar. Qizlaringizni o‘g‘illariga uzatmanglar, ularning qizlarini ham o‘g‘illaringizga olib bermanglar+.
4 Aks holda, ular farzandlaringizni Xudoning yo‘lidan qaytarib, boshqa xudolarga xizmat qilishga og‘diradi+. Shunda sizlarga qarshi Yahovaning g‘azabi qaynab, sizlarni tezda qirib tashlaydi+.
5 Ular bilan mana bunday yo‘l tutinglar: qurbongohlarini qulatinglar, muqaddas toshlarini* sindirib+, muqaddas ustunlarini* kesib tashlanglar+, o‘yma butlarini esa yondirib yuboringlar+.
6 Chunki sizlar Allohingiz Yahovaning muqaddas xalqisizlar. Xudoyingiz Yahova yer yuzidagi barcha xalqlar ichidan sizlarni O‘z xalqi sifatida tanlab, o‘zgacha* mulki qilib oldi+.
7 Yahova sizlarga ko‘ngil bog‘lab, tanlab olganining+ sababi barcha boshqa xalqlardan ko‘proq bo‘lganingizda emas. Chunki sizlar o‘zga xalqlarga qaraganda kamroqsizlar+.
8 Aksincha, Yahova sizlarni sevgani va ota-bobolaringizga qasam ichib bergan so‘zida turgani uchun tanlab oldi+. Shu bois, Yahova sizlarni Misr fir’avnining qo‘lidan, sizlar qul bo‘lgan yurtdan* ozod etib, qudratli qo‘li bilan olib chiqdi+.
9 Sizlar Tangringiz Yahova haq va ishonchli Xudo ekanini, ahdini buzmaydigan va Uni sevib amrlarini bajaradiganlarning minglarcha avlodlariga mehr-sadoqatini namoyon etadigan Alloh ekanini yaxshi bilasizlar+.
10 Undan nafratlanadiganlarga esa qilmishlariga yarasha ochiqchasiga* javob qaytarib, yo‘q qiladi+. Xudo Undan nafratlangan kishilarga qilmishlariga yarasha ochiqchasiga tezda javob qaytaradi.
11 Shunday ekan, men bugun sizlarga buyurgan amrlar-u qonun-qoidalarga amal qilib, ularni bajaringlar.
12 Agar shu qoidalarga quloq solsangizlar va ularga amal qilib, bajarsangizlar, Allohingiz Yahova qilgan ahdini buzmaydi hamda ota-bobolaringizga bergan so‘ziga muvofiq, mehr-sadoqatini ko‘rsatadi.
13 U sizlarni sevib, barakasini yog‘diradi va ko‘paytiradi. Ota-bobolaringizga beraman deb qasam ichgan yurtda+ sizlarga barakasini yog‘dirib, serfarzand* qiladi+, yeringizni unumdor qilib, g‘allangizni, yangi sharobingizni, moyingizni+, podangizdagi buzoqlarni va suruvingizdagi qo‘zilarni ko‘paytiradi.
14 Sizlar boshqa xalqlarga qaraganda ko‘proq baraka topasizlar+. Orangizda befarzand erkak yoki ayol bo‘lmaydi, hech bir molingiz ham qisir qolmaydi+.
15 Yahova sizlarni barcha xastaliklardan forig‘ etadi. Misrda sizlar bilgan dahshatli kasalliklarning birortasini ham yo‘latmaydi+, ularni sizlardan nafratlanganlarning boshiga soladi.
16 Xudoyingiz Yahova qo‘lingizga bergan xalqlarning barini yo‘q qilinglar+. Ularga rahmingiz kelmasin+ va tuzoqga tushib qolmaslik uchun+ ularning xudolariga xizmat qilmanglar+.
17 Agar: “Bu xalqlar bizdan ancha ko‘p-ku, qanday qilib ularni haydab chiqaramiz?”+ — deb ko‘nglingizdan o‘tkazsangizlar,
18 ulardan qo‘rqmanglar+. Tangringiz Yahova fir’avn va butun Misr yurti bilan nima qilganini eslanglar+.
19 Allohingiz Yahova ko‘z o‘ngingizda buyuk hukmlarni*, alomatlar-u mo‘jizalarni ko‘rsatib+, O‘zining kuchli bilagi va qudratli qo‘li bilan sizlarni o‘sha yerdan olib chiqqan edi+. Tangringiz Yahova sizlar qo‘rqayotgan xalqlar bilan ham shunday yo‘l tutadi+.
20 Omon qolgan yoki sizlardan yashiringanlar qirilib ketmaguncha, Allohingiz Yahova ularni tushkun ahvolga* soladi+.
21 Ulardan dahshatga tushmanglar, chunki buyuk va mahobatli Xudoyingiz Yahova+ sizlar bilan+.
22 Tangringiz Yahova bu xalqlarni oldingizdan asta-sekin haydab chiqaradi+. Yurt kimsasiz qolib, yovvoyi hayvonlar ko‘payib ketmasligi va sizlarga ziyon yetkazmasligi uchun, bu xalqlarni tezda yo‘q qilib yubormaysizlar.
23 Allohingiz Yahova ularni qo‘lingizga topshiradi va butunlayin mag‘lub etib, qirib tashlaydi+.
24 Ularning shohlarini qo‘lingizga topshiradi+ va sizlar ularning ismlarini yer yuzidan* o‘chirib tashlaysizlar+. Ularni yo‘q qilib yubormaguningizcha+, hech kim sizlarga qarshilik ko‘rsata olmaydi+.
25 Xudolarining o‘yma tasvirlarini olovda kuydirib yuboringlar+. Tuzoqga tushib qolmaslik uchun, ulardagi kumush va oltinga havas qilib, ularni olmanglar+. Chunki bular, Tangringiz Yahova uchun jirkanch narsadir+.
26 Jirkanch narsalar bilan birga yo‘q bo‘lib ketmaslik uchun, ularni uylaringizga olib kirmanglar. Ularga o‘ta jirkanch narsadek qarab, qattiq nafratlaninglar, chunki ular yo‘q qilinadigan* narsalardir.
Izohlar
^ Yoki «qimmatbaho».
^ So‘zma-so‘z «qullar uyidan».
^ So‘zma-so‘z «yuzlariga».
^ So‘zma-so‘z «bachadoning mevasini barakali qiladi».
^ Yoki «sinovlarni».
^ Boshqa variant «vahimaga; qo‘rquvga».
^ So‘zma-so‘z «osmon ostidan».
^ So‘zma-so‘z «yo‘q qilishga bag‘ishlangan». Ibroniycha ushbu ibora nomunosib tarzda foydalanishdan saqlash va ko‘pincha tamomila yo‘q qilish uchun ajratib qo‘yish degan ma’noga ega.
