Sahroda 23:1-30
23 So‘ng Balom Boloqqa: «Shu yerda men uchun yettita qurbongoh qurib+, yettita buqa va yettita qo‘chqor tayyorlab qo‘ying»,— dedi.
2 Boloq darhol Balom aytganday qildi. Keyin Boloq bilan Balom har bir qurbongohda bittadan buqani va bittadan qo‘chqorni qurbonlikka keltirishdi+.
3 Undan keyin Balom Boloqqa: «Kuydirilgan qurbonligingiz oldida turing, men esa boray-chi, balki Yahova men bilan gaplashar. U menga nimani ma’lum qilsa, sizga aytib beraman»,— dedi. So‘ng Balom tepalikka chiqdi.
4 Xudo Balom bilan gaplashdi+. Balom Unga: «Men yettita qurbongohni bir qatorga o‘rnatib, har bir qurbongohda bittadan buqa va bittadan qo‘chqorni qurbon qildim»,— dedi.
5 Yahova mana bu so‘zlarni Balomning og‘ziga solib+, unga: «Boloqning yoniga qaytib bor-da, quyidagilarni yetkaz»,— dedi.
6 Balom orqaga qaytdi. Qarasa, Boloq hamda Mo‘abning hamma beklari kuydirilgan qurbonlik oldida turishgan ekan.
7 So‘ng u shunday deb gap boshladi+:
«Mo‘ab shohi Boloq, meni Oromdan+,Sharq tog‘laridan:
“Kelib Yoqubni la’natla.
Ha, Isroilni hukm qilgani kel”+,— deya boshlab keldi.
8 Tangri la’natlamaganlarni men qanday la’natlayin?
Yahova hukm qilmaganlarni qanday hukm qilayin?+
9 Qoyalar ustidan men ularni ko‘rdim,Tepaliklar ustidan ularni ko‘rdim.
Ular bir xalq bo‘lib alohida yashar+.Ular qo‘shmas o‘zini boshqa xalqlar qatoriga+.
10 Yoqubning qumday ko‘p olomonin kim sanay olar?!+Isroilning chorak qismini kim hisoblay olar?!
Qaniydi, o‘lsam men to‘g‘rilar kabi,Oxiratim bo‘lsaydi ularnikiday».
11 Shunda Boloq Balomga: «Bu nima qilganing? Men seni dushmanlarimni la’natla, deb boshlab kelsam-u, sen bo‘lsa nuqul ularni duo qilib yotibsan»+,— dedi.
12 U esa: «Yahova og‘zimga solgan so‘zlarni gapirishim kerak emasmi?»+ — deb javob berdi.
13 Boloq esa unga: «Iltimos, men bilan yur. Ularni ko‘ra olishing uchun seni boshqa joyga olib boraman. Sen u yerdan ularning hammasini emas, faqat bir qismini ko‘rasan. O‘sha yerdan turib ularni men uchun la’natla»+,— dedi.
14 Boloq uni Fisgax cho‘qqisidagi+ Zo‘fim degan joyga olib bordi va yettita qurbongoh qurib, har bir qurbongohda bittadan buqani va bittadan qo‘chqorni qurbon qildi+.
15 Shunda Balom Boloqqa: «Men naryoqda U bilan gaplashib kelgunimcha, kuydirilgan qurbonligingiz oldida turing»,— dedi.
16 So‘ng Yahova Balom bilan gaplashib, aytadigan so‘zlarini uning og‘ziga soldi-da+: «Boloqning yoniga qaytib bor-da, quyidagilarni yetkaz»,— dedi.
17 Balom Boloqning oldiga kelganida, u kuydirilgan qurbonligi oldida turganini, Mo‘ab beklari ham u bilan birga ekanini ko‘rdi. Boloq undan: «Yahova senga nima dedi?» — deb so‘radi.
18 U shunday deb gap boshladi+:
«Ey Boloq, o‘rningdan tur va tingla.
Ey Zippur o‘g‘li, menga quloq sol.
19 Alloh inson emaski yolg‘on gapirsa+,Inson o‘g‘li emaski fikridan qaytsa*+.
Nahotki U aytganini bajarmay qo‘ysa?!
Nahotki so‘zlarini ro‘yobga chiqarmasa?!+
20 Mana, men duo qilish uchun olib kelinganman.U barakasini berdi+ va men buni o‘zgartira olmayman+.
21 U Yoqubga qarshi sehrli kuch ishlatilishiga,Isroilning boshiga kulfat tushishiga yo‘l qo‘ymaydi.
Tangrisi Yahova u bilandir+,U ularning orasida shoh deb e’lon qilingan.
22 Xudo ularni Misrdan olib chiqdi+.
U ular uchun yovvoyi buqaning shoxlari kabidir+.
23 Yoqubga qarshi hech qanday duoyi bad yo‘qdir+,Isroilga qarshi hech qanday fol yo‘qdir+.
Endi Yoqub bilan Isroil haqida:
“Allohning buyuk ishiga bir qarang!” — deb aytishar.
24 Mana, sherga o‘xshab o‘rnidan turadigan xalq,U arslondek o‘rnidan ko‘tariladi+.
O‘ljasini yeb bitirmaguncha,O‘ldirilganlarning qonini ichib qonmaguncha yotmaydi».
25 Shunda Boloq Balomga: «Agar la’nat aytolmasang, hech bo‘lmaganda duo ham qilmagin!» — dedi.
26 Balom unga: «Men sizga: Yahova menga nima desa shuni qilaman, demaganmidim?»+ — deb javob berdi.
27 Boloq esa Balomga: «Iltimos, men bilan yur, seni boshqa joyga olib boraman. Balki haq Tangri bu xalqni men uchun o‘sha joyda la’natlashingni ma’qul ko‘rar»+,— deb aytdi.
28 Boloq Balomni olib, Yishmon* manzarasi+ ko‘rinadigan Piyor tepaligiga chiqdi.
29 So‘ng Balom Boloqqa: «Shu yerda men uchun yettita qurbongoh qurib, yettita buqa va yettita qo‘chqor tayyorlab qo‘ying»+,— dedi.
30 Boloq Balom aytganday qildi va har bir qurbongohda bittadan buqa va bittadan qo‘chqorni qurbon qildi.
