Vahiy 2:1-29
2 Efesdagi jamoatning+ farishtasiga+ shunday yoz: “O‘ng qo‘lida yettita yulduzi bo‘lgan va yettita oltin chiroqpoya orasida yurgan zot+ shunday demoqda:
2 “Men sening ishlaringni, mehnatingni, sabr-bardoshingni hamda buzuq odamlarni yoqtirmasligingni va o‘zlarini havoriy* degan+, ammo aslida havoriy bo‘lmaganlarni sinab, yolg‘onchi ekanliklarini ko‘rganingni bilaman.
3 Sen sabr-bardosh namoyon etib, mening nomim tufayli ko‘p narsalarga dosh berding+ va holdan toymading+.
4 Biroq senga e’tirozim bor: sen ilk muhabbatingdan soviding.
5 Shuning uchun nimadan soviganingni eslab tavba qil+ va avvalgi ishlaringni bajar. Bordi-yu, tavba qilmasang+, men oldingga kelib chiroqpoyangni+ o‘z joyidan olib qo‘yaman.
6 Lekin nikolaychi mazhabining+ ishlaridan nafratlanib yaxshi qilasan, chunki men ham ulardan nafratlanaman.
7 Muqaddas ruh jamoatlarga nima deyayotganini qulog‘i borlar eshitsin+: “G‘alaba qozonayotgan kishiga+ Allohning jannatidagi hayot daraxtining mevalaridan yeyishga ruxsat beraman”+.
8 Smirnadagi jamoatning farishtasiga ham yoz: o‘lgan va tirilgan+, “Birinchi va Oxirgi”+ shunday demoqda:
9 “Sening g‘am-qayg‘ularing va kambag‘alliging menga ma’lum (lekin sen boysan)+. Shuningdek, o‘zlarini yahudiy deydigan, aslida esa Shaytonning yig‘inidan* bo‘lganlarning haqoratlaridan xabardorman+.
10 Boshingga tushadigan azob-uqubatlardan qo‘rqma+. Iblis ayrimlaringizni qamoqga tashlaydi va sizlar butunlay sinalib, o‘n kun qayg‘u-alamga duchor bo‘lasizlar. O‘limgacha sodiq qol va men senga hayot tojini beraman+.
11 Muqaddas ruh jamoatlarga nima deyayotganini qulog‘i borlar eshitsin+: “G‘alaba qozonayotgan kishiga+ ikkinchi o‘lim+ hech qanday zarar yetkazmaydi”.
12 Pergamdagi jamoatning farishtasiga quyidagini yoz: “Uzun, ikki tig‘li o‘tkir qilichi bor kimsa+ shunday demoqda:
13 “Sen Shaytonning taxti joylashgan yerda yashayotganingni bilaman. Shunga qaramay, sen ismimni mahkam ushlab turibsan+. Shayton o‘tirgan joyda, ya’ni shahringizda o‘ldirilgan+ ishonchli shohidim+ Antipaning kunlarida ham menga bo‘lgan imoningni inkor etmading+.
14 Biroq senga e’tirozim bor: orangizda Balomning ta’limotiga amal qiladiganlar mavjud+. Balom Boloqga+ Isroil o‘g‘illarini gunohga og‘dirish yollarini* o‘rgatgan. Toki ular butlarga qurbon qilingan narsalarni yeyishsin va zino*+ bilan shug‘ullanishsin.
15 Ustiga-ustak, orangizda nikolaychi mazhabining+ ta’limotiga rioya qiladiganlar ham bor.
16 Xullas, tavba qil. Aks holda men tezda oldingga kelib, og‘zimdan chiqib turgan uzun qilich+ bilan ularga qarshi jang qilaman.
17 Muqaddas ruh jamoatlarga nima deyayotganini qulog‘i borlar eshitsin+: “G‘alaba qozonayotgan kishiga+ sirli mannani+ va oq toshni beraman. Toshda yangi ism yozilgan bo‘ladi va ushbu ismni uni olgandan bo‘lak hech kim bilmaydi”.
18 Shuningdek, Tiyatiradagi+ jamoatning farishtasiga yoz: “Ko‘zlari otash alangasiday+ va oyoqlari sof mis kabi+ bo‘lgan Xudoning O‘g‘li shunday demoqda:
19 “Men ishlaringni, sevgingni, imoningni, xizmatingni, sabr-bardoshingni hamda oxirgi ishlaring avvalgidan ham ko‘proq ekanini bilaman.
20 Biroq senga e’tirozim bor: sen o‘zini payg‘ambar deb ataydigan Izabel+ ismli ayolga toqat qilyapsan. U ta’lim beryapti va qullarimni yo‘ldan urib zino* qilishga+ va butlarga bag‘ishlangan narsalarni yeyishga chorlayapti.
21 Tavba qilishi uchun unga muhlat bergan edim, ammo u zinosidan* tavba qilmoqchi emas.
22 Shu sababli, uni xastalikka yo‘liqtiraman, u to‘shakka mixlanib qoladi. U bilan zino qilganlar tavba qilishmasa, ularni buyuk qayg‘uga duchor qilaman.
23 Bu ayolning bolalarini o‘lat bilan qirib tashlayman. Shunda barcha jamoatlar men chuqur o‘y-fikrlarni* va qalblarni tekshiradigan ekanimni bilib olishadi. Men har biringizni ishlaringizga yarasha taqdirlayman+.
24 Tiyatirada qolgan, ushbu ta’limotga ergashmagan va go‘yo “Shaytonning teranliklari”+ deb atalmish narsalarni o‘rganmaganlarga aytyapman: sizlarga bundan boshqa yuk ortmoqchi emasman.
25 Men kelmagunimcha o‘zingizda bor bo‘lganni mahkam ushlanglar+.
26 G‘alaba qozonayotgan va oxirigacha mening ishlarimga binoan yo‘l tutayotgan kishiga xalqlar ustidan hokimiyat ato etaman+.
27 Men Otamdan olganimday, unga ham hokimiyat beraman. U temir tayoq bilan xalqlarga cho‘ponlik qiladi+, ular esa sopol idish singari sinib ketadi.
28 Shuningdek, men unga tong yulduzini+ beraman.
29 Muqaddas ruh jamoatlarga nima deyayotganini qulog‘i borlar eshitsin”.
Izohlar
^ So‘zma-so‘z «sinagogasidan». Lug‘atdagi «ibodatxona» so‘ziga q.
^ Yoki «Isroil og‘illari oldida qoqintiradigan tosh qo‘yishni».
^ Lug‘atdagi «jinsiy axloqsizlik» iborasiga q.
^ Lug‘atdagi «jinsiy axloqsizlik» iborasiga q.
^ Yun. pornia. Lug‘atdagi «jinsiy axloqsizlik» iborasiga q.
^ Yoki «teran his-tuyg‘ularni». So‘zma-so‘z «buyraklarni».
