Zabur 71:1-24
71 Ey Yahova, men Senda panoh topganman.
Sharmanda bo‘lishimga aslo yo‘l qo‘yma+.
2 Xalos et, qutqar meni, axir Sen adolatlisan-ku.
Engashib quloq sol, najot ber menga+.
3 Qoya ustidagi qo‘rg‘onim bo‘l,Shunda doim u yerga qochib boraman.
Meni qutqarish uchun amr ber,Chunki Sen qoyam va qal’amsan+.
4 Ey Allohim, meni yovuzning qo‘lidan,Nohaqlik qiladigan zolimning changalidan qutqar+.
5 Sen umidimsan, ey, Oliy Hukmdor Yahova,Yoshligimdan Senga tayanganman+.
6 Tug‘ilganimdan Senga suyanganman,Meni onam qornidan olib chiqqan Sensan+.
Hamisha Senga hamd-u sano aytaman.
7 Ko‘plar ahvolimga hayrat ila qaraydi,Lekin Sen mening panohimsan.
8 Senga hamd-u sano aytish tilimdan tushmaydi+,Kun bo‘yi ulug‘vorliging haqida so‘zlayman.
9 Keksayganimda meni tashlab ketma+,Kuchdan qolganimda meni tark etma+.
10 Dushmanlarim menga qarshi gapiryapti,Jonimni* olish payida yurganlar o‘zaro til biriktiryapti+.
11 Ular: «Alloh uni tark etdi.
Orqasidan quvib ushlab olamiz, chunki qutqaradigan hech kimi yo‘q»+,— deyapti.
12 Ey Xudo, mendan uzoqlashma.
Ey Tangrim, menga yordamga shoshil+.
13 Menga dushmanlik qilayotganlarIsnodga qolib, yo‘q bo‘lib ketsin+.
Boshimga falokat yog‘dirmoqchi bo‘lganlarSharmanda-yu sharmisor bo‘lsin+.
14 Men esa doim Seni kutaman,Hamd-u sanolarimni oshiraman.
15 Kun bo‘yi Sening odilliging+,Bergan najoting haqida so‘zlab yuraman.Ko‘pligidan ularning sanog‘iga yetolmayman+.
16 Ey, Oliy Hukmdor Yahova,Kelib Sening qudratli ishlaring haqida aytib beraman.
Sening, yolg‘iz Sening odilliging haqida so‘zlab beraman.
17 Ey Xudo, yoshligimdan menga ta’lim bergansan+,Hanuzgacha g‘aroyib ishlaringni e’lon qilib yuribman+.
18 Keksayib, sochlarim oqarganida ham meni tark etma, ey Tangri+.
Toki kelgusi avlodga Sening kuching haqida,Kelajak naslga qudrating to‘g‘risida aytib berayin+.
19 Ey Alloh, odilliging naqadar buyuk!+Sen qudratli ishlar qilding.Ey Xudo, Senga o‘xshashi bormi?!+
20 Meni ko‘p balo-qazolarga yo‘liqtirgan bo‘lsang-da+,Menga tetiklik baxsh et,Yerning qa’ridan meni chiqarib ol+.
21 Obro‘yimni oshir,Meni himoya qilib, tasalli ber.
22 Sadoqatli bo‘lganing uchun, ey Tangrim+,Torli asbobda Seni tarannum etaman,
Arfa chalib Senga madhlar kuylayman,Ey, Isroilning Muqaddas Xudosi.
23 Dudoqlarim zavq ila Senga madhlar kuylaydi+,Zero, hayotimni qutqargan Sensan+.
24 Kun bo‘yi odilliging tilimdan tushmaydi+,Meni o‘ldirmoqchi bo‘lganlar sharmanda-yu sharmisor bo‘ladi+.
Izohlar
^ Yoki «Hayotimni».
