Bugu Ya Vhuvhili Ya Samuele 22:1-51
22 Davida a imbela Yehova luimbo+ nga ḓuvha ḽe Yehova a mu tshidza zwanḓani zwa maswina awe oṱhe+ na zwanḓani zwa Saulo.+
2 A ri:
“Yehova ndi tombo ḽanga ḽihulu, ndi vhushavhelo hanga,+ ndi mutshidzi wanga.+
3 Mudzimu wanga ndi tombo ḽanga,+ ndi khuda ngae,Tshiṱangu tshanga+ na luṋanga* lwanga lwa u ntshidza,* vhukhudo hanga.+
Vhushavhelo hanga,+ mutshidzi wanga;+ iwe we wa ntshidza ndi khakhathini.
4 Ndi vhidzelela Yehova, o tewaho nga u rendwa,Ndi ḓo tshidzwa kha maswina anga.
5 Ndo vha ndo tangwa nga magabelo a lufu;+Ndo tshuwiswa nga mikumbela ya vhanna vha sa ḓivhalei.+
6 Ndo vhofhiwa nga thambo dza Vhiḓa;*+Ndo livhana na zwikwekwe zwa lufu.+
7 Ndo vhidzelela Yehova ndo tsikeledzea,+Nda dzula ndi tshi vhidza Mudzimu wanga.
A pfa ipfi ḽanga e thembeleni yawe,Tshililo tshanga tsha u ṱoḓa thuso tsha swika nḓevheni dzawe.+
8 Ḽifhasi ḽa thoma u dzinginyea;+Mitheo ya ḽiṱaḓulu ya tseka-tseka,+Ya dzinginyea ngauri o vha o sinyuswa.+
9 Ningoni dzawe ha duba vhutsi,Mulomoni wawe ha bva mulilo u tshinyadzaho;+Khae ha bva maxale* a fhisaho.
10 A ita uri ḽiṱaḓulu ḽi petee musi a tshi khou tsa,+E na swiswi ḽihulu fhasi ha milenzhe yawe.+
11 A fhufha o ṋamela mukerube.+
A tshi vhonala e kha phapha dza tshivhumbiwa tsha muya.+
12 A ita uri swiswi ḽi mu tange sa nnḓu,+Nga makole matswu a mvula.
13 Phanḓa hawe ha penya maxale* a dugaho.
14 Yehova a ita uri hu vhe na mubvumo ngei ṱaḓulu;+Wa-Ṱaḓulu-ṱaḓulu a ita uri ipfi ḽawe ḽi pfiwe.+
15 A vha pfula nga misevhe yawe,+ a vha balanganya;A vha vhonetshela nga lupenyo lwawe, a vha ḓaḓisa.+
16 Ha vhonala philiphili dza lwanzhe;+Ha fukulwa mitheo ya shango nga u kaidzwa nga Yehova,Nge a vhudzula nga mufemo wa ningo dzawe.+
17 A kwatama e ngei nṱha;A mpfara a mbvisa mativhani.+
18 O ntshidza kha swina ḽanga ḽi re na maanḓa,+Kha vhane vha mmbenga, vha re na maanḓa u mphira.
19 Vho lwa na nṋe nga ḓuvha ḽa khombo,+Fhedzi Yehova o ntikedza.
20 O mbvisa a nnyisa fhethu ho tsireledzeaho;+O ntshidza ngauri u a ntakalela.+
21 Yehova u nndambedza u ya nga zwivhuya zwanga;+U ntonda ngauri zwanḓa zwanga a zwi na mulandu.*+
22 Ndo tevhedza nḓila dza Yehova,A tho ngo ṱutshela Mudzimu wanga nga u ita vhuvhi.
23 Ndi dzula ndi tshi humbula khaṱhulo dzawe;+A thi nga litshi u tevhela milayo yawe.+
24 Ndi ḓo dzula ndi si na mulandu+ phanḓa hawe,A thi nga khakhi.+
25 Ngavhe Yehova a tshi ntonda u ya nga zwivhuya zwanga,+Ngauri a thi na mulandu phanḓa hawe.+
26 U fhulufhedzea kha ane a fhulufhedzea kha iwe;+O lugaho na a re na maanḓa u shumisana nae nga u luga;+
27 Vho lugaho u vha itela zwo lugaho,+Fhedzi a u fhurwi nga vha re na vhufhura.+
28 Ngauri u tshidza vhane vha ḓiṱukufhadza,+Fhedzi u lwa na vha ḓihudzaho, u ḓo vha ṱukufhadza.+
29 Ngauri Iwe Yehova u luvhone lwanga;+Ndi Yehova ane a vhonetshela swiswi ḽo ntangaho.+
30 Ndi ḓo lwa na tshigwada tsha mavemu ndi tshi thuswa nga iwe;Maanḓa a Mudzimu a nga nthusa u gonya luvhondo.+
31 Nḓila ya Mudzimu wa ngoho yo luga;+Zwine Yehova a zwi amba zwo kuna.+
Ndi tshiṱangu tsha vhoṱhe vhane vha khuda ngae.+
32 Ndi ufhio muṅwe Mudzimu nga nnḓa ha Yehova?+
Tombo ndi nnyi arali e si Mudzimu washu?+
33 Mudzimu wa ngoho ndi vhukhudo hanga,+U ḓo lugisa nḓila dzanga.+
34 U ita uri milenzhe yanga i nge ya ntsa;U ita uri ndi ime nṱha ha zwikwara.+
35 U gudisa zwanḓa zwanga u lwa;Zwanḓa zwanga zwi khotha vhura ha koporo.
36 U ntsireledza nga tshiṱangu tshau,Ndi huliswa nga u ḓiṱukufhadza hau.+
37 U nndugiselela nḓila;Uri ndi si khukhulwe.+
38 Ndi ḓo pandamedza maswina anga nda a fhelisa;A thi nga humi u swika a tshi fhela oṱhe.
39 Ndi ḓo a fhelisa nda a kwasha, a si tsha dovha a vuwa;+Nda a kanda nga milenzhe yanga.
40 U ḓo nṋea maanḓa a u lwa;+U ḓo ita uri maswina anga a ṋoke phanḓa hanga.+
41 U ḓo ita uri maswina anga a ntshavhe;*+Ndi ḓo fhelisa vhane vha mmbenga.+
42 Vha lila vha tshi ṱoḓa thuso, fhedzi a hu na ane a vha thusa;Vha lilela na Yehova, fhedzi ha vha fhinduli.+
43 Ndi ḓo vha kuya vha nga buse ḽa ḽifhasi;Nda vha kwasha, nda vha kandekanya sa matope nḓilani.
44 U ḓo nndamulela kha vhathu vha hashu vhane vha mmbona mulandu.+
U ḓo ntsireledza uri ndi vhe murangaphanḓa wa dzitshaka;+Ndi ḓo shumelwa nga vhathu vhane ndi si vha ḓivhe.+
45 Vhatsinda vha ḓo ḓa vha losha phanḓa hanga;+Zwine vha ḓo zwi pfa nga ha nṋe zwi ḓo ita uri vha nthetshelese.
46 Vhatsinda vha ḓo kulea miraḓo;Vha ḓo ḓa vha tshi tetemela vha tshi bva he vha shavhela hone.
47 Yehova u a tshila! Nga hu rendwe Tombo ḽanga!+
Nga hu huliswe Mudzimu ane a vha tombo ḽa u ntshidza.+
48 Mudzimu wa ngoho u a nndifhedzela;+U ita uri vhathu vha nnduvhe;+
49 U ntshidza kha maswina anga.
Wa ntakulela nṱha+ uri vhane vha mvutshela vha si kone u ntswikelela;Wa ntshidza kha mavemu.+
50 Iwe Yehova, ndi ngazwo ndi tshi u livhuwa vhukati ha dzitshaka,+Ndi ḓo renda dzina ḽau nga nyimbo:+
51 Wo ita mishumo mihulu ya u tshidza khosi yau;+Wo sumbedza muḓodzwa wau lufuno lu sa shanduki,Wo lu sumbedza Davida na vhana* vhawe nga hu sa fheli.”+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Kana “mutshidzi wanga a re na maanḓa.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “masimbe.”
^ Kana “masimbe.”
^ Thevhedz., “zwo kuna.”
^ Kana “U ḓo ita uri maswina anga a mpfuralele.”
^ Thevhedz., “mbeu.”
