Amosi 5:1-27
5 “Inwi vha nnḓu ya Isiraele, thetshelesani zwine nda ni vhudza sa luimbo lwa tshililo:
2 ‘Musidzana ane a pfi Isiraele o wa;Ha tsha kona u vuwa.
O litshiwa o wela fhasi shangoni ḽawe;A hu na ane a mu vusa.’
3 “Yehova Murena Muvhusahoṱhe u ri:
‘Zwine zwa ḓo itea kha vha nnḓu ya Isiraele ndi hezwi,Muḓi une ha bva vha tshigidi khawo, u ḓo salelwa nga vha ḓana;Muḓi une ha bva vha ḓana khawo, u ḓo salelwa nga vha fumi.’+
4 “Zwe Yehova a zwi vhudza vha nnḓu ya Isiraele ndi hezwi:
‘Nṱoḓeni uri ni tshile.+
5 Ni songo ṱoḓa Bethele,+Ni songo ya Giligala+ kana u fhirela Beresaba,+Ngauri Giligala u ḓo iswa vhuthubwani,+Bethele u ḓo fheliswa.*
6 Ṱoḓani Yehova uri ni tshile,+Uri a si nge mulilo kha vha nnḓu ya Yosefa,Une wa ḓo fhisa Bethele, hu si vhe na ane a nga u dzima.
7 Nḓila ine na haṱula ngayo i a kalakata,*No hana zwo lugaho.+
8 Ene we a sika tshigwada tsha ṋaledzi tshine tsha pfi Kima na tshine tsha pfi Kesile,+Ane a shandula swiswi ḽihulu ḽa vha tshedza,Ane a ita uri tshedza tshi vhe swiswi sa vhusiku,+Ane a vhidza maḓi a tshi bva lwanzheniA a nisela ḽifhasi+Dzina ḽawe ndi Yehova.
9 U ḓo fhelisa vha maanḓa,A fhelisa na fhethu ho tsireledzwaho nga mbondo.
10 Vha vhenga vhane vha kaidza ngei khoroni,Na vhane vha amba ngoho a vha vha funi.+
11 A ni nga dzuli nḓuni dza matombo dze na dzi fhaṱa+Kana u nwa waini i bvaho kha minḓirivhe yaṋu yavhuḓi ye na i ṱavha+Ngauri no thelisa mushai tsimuni yaweNa mu luvhisa nga thoro.+
12 Ngauri ndi a ḓivha uri milandu yaṋu ndi minzhiNa uri zwivhi zwaṋu ndi zwihulu,Ni tambudza vho lugaho,Na ita tshanḓanguvhoni,Ni si haṱule vhashai nga nḓila yavhuḓi ngei khoroni.+
13 Nga zwenezwo, vhane vha vha na ṱhalukanyo vha ḓo fhumula nga tshenetsho tshifhinga,Ngauri hu ḓo vha hu tshifhinga tsha khombo.+
14 Ṱoḓani zwivhuya, hu si zwivhi,+Uri ni kone u tshila.+
Ndi hone Yehova Mudzimu wa mavhuthu a tshi ḓo vha na inwi,Samusi ni tshi amba uri u na inwi.+
15 Vhengani zwivhi, ni fune zwivhuya,+Ni haṱule nga nḓila yo teaho khoroni yaṋu.+
Uri Yehova Mudzimu wa mavhuthuA khathutshele masalela a Yosefa.’+
16 “Yehova Mudzimu wa mavhuthu, ene Yehova u ri:
‘Hu ḓo liliwa nḓilani dzoṱhe,Zwiṱaraṱani zwoṱhe vha ḓo amba vha ri, “Yowee, yowee!”
Vha ḓo vhidza vhalimi vhoṱhe uri vha lileVha thola na vhathu uri vha lile.’
17 ‘Hu ḓo liliwa tsimuni dzoṱhe dza minḓirivhe;+Ngauri ndi ḓo fhira vhukati haṋu uri ndi ni pfise vhuṱungu,’ u ralo Yehova.
18 ‘Khombo i ḓo ḓela vhane vha lavhelela ḓuvha ḽa Yehova!+
Ni vhona u nga hu ḓo itea mini nga ḓuvha ḽa Yehova?+
Ḽi ḓo vha ḓuvha ḽa swiswi, hu si ḽa tshedza.+
19 Ḽi ḓo nga zwiḽa munna a tshi shavha ndau, a ṱangana na tshivhingwi,Musi a tshi dzhena nḓuni a gogoḓela luvhondo, a lumiwa nga ṋowa.
20 Ḓuvha ḽa Yehova ḽi ḓo vha ḽa swiswi, hu si ḽa tshedza;Ḽi ḓo vha ḽo swifhala, hu si na tshedza.
21 Ndi vhenga vhuṱambo haṋu, vhu a nnengisa,+A thi takaleli zwiṱhavhelo zwine zwa itwa nga tshivhidzo tshaṋu.
22 Naho na nga nṋekedza zwifhiwa zwa u fhiswa na zwiṅwe zwifhiwa,A thi nga zwi takaleli;+A thi nga takaleli zwiṱhavhelo zwaṋu zwa u pfumedzana zwa zwifuwo zwo nonaho.+
23 Ni songo mphunga nga nyimbo dzaṋu;Ni songo nndidzela nyimbo dzaṋu dza zwilidzo zwi re na ṱhale.+
24 Nḓila yo teaho ya u haṱula i nge maḓi ane a elela shangoni ḽaṋu,+Zwivhuya zwi fane na mulambo u sa xi.
25 Inwi vha nnḓu ya Isiraele, naa no vhuya na nṋekedza zwiṱhavhelo na zwifhiwaMiṅwahani ya 40 ni ngei sogani?+
26 Zwino ni ḓo hwala Sikuti khosi yaṋu na Kaiwani,*Zwifanyiso zwaṋu zwe na ḓiitela zwine zwa vha mudzimu waṋu wa ṋaledzi,
27 Ndi ḓo ni isa vhuthubwani kule na Damaseko,’+ u ralo Mudzimu wa mavhuthu ane dzina ḽawe ḽa pfi Yehova.”+
Ṱhaluso dzi re magumoni a siaṱari
^ Kana khamusi, “vha fhethu ha manditi.”
^ Kana “vhavha.”
^ Yeneyi midzimu i nga vha i tshi ambela kha pulanete ine ya pfi Saturn, i rabelwaho sa mudzimu.
