Ekisoda 15:1-27
15 Nga tshenetsho tshifhinga Mushe na Vhaisiraele vha imba holu luimbo u itela u renda Yehova vha ri:+
“Ndi ḓo imbela Yehova, ngauri vhugala hawe ndi vhuhulu.+
O posa bere na muṋameli wayo lwanzheni.+
2 Yehova ndi ene nungo dzanga na maanḓa anga, samusi o ntshidza.+
Hoyu ndi Mudzimu wanga, ndi ḓo mu renda;+ Mudzimu wa khotsi anga,+ ndi ḓo mu hulisa.+
3 Yehova ndi muhali wa maanḓa.+ Dzina ḽawe ndi Yehova.+
4 Gariki dza Farao na mmbi dzawe o dzi posela lwanzheni,+Vhahali vhawe vho nwela khothe Lwanzheni Lutswuku.+
5 Magabelo a lwanzhe o vha tibedza; vha ṋupela vhunga tombo.+
6 Iwe Yehova, tshanḓa tshau tsha u ḽa tshi na maanḓa mahulu,+Iwe Yehova, tshanḓa tshau tsha u ḽa tshi nga kwasha swina.
7 Nga vhugala hau vhuhulu u nga wisela fhasi vhane vha u vutshela;+U rumela mbiti dzau, dza vha fhisa vhunga hu tshi fhiswa maṱanga.
8 Mufemo wau wo ita uri maḓi a kuvhangane fhethu huthihi;Maḓi a ima a si tsha elela;Magabelo a lwanzhe a khaṱha.*
9 Swina ḽa ri: ‘Ndi ḓo vha tevhela! Ndi ḓo vha fara!
Ndi ḓo kovhekanya zwe nda thuba u swika ndi tshi fushea!
Ndi ḓo bvisa banga ḽanga! Tshanḓa tshanga tshi ḓo vha kunda!’+
10 Wo vhudzula mufemo wau, lwanzhe lwa vha tibedza;+Vha nwela khothe sa mutobvu maḓini mahulu.
11 Yehova, ndi nnyi ane a fana na iwe vhukati ha midzimu?+
Ndi nnyi ane a nga iwe ane a vha na vhugala vhukhethwa?+
Ane a tea u ofhiwa na u rendwa, ane a ita zwithu zwi mangadzaho.+
12 Wo imisa tshanḓa tshau tsha u ḽa, ḽifhasi ḽa vha mila.+
13 Nga lufuno lwau lu sa shanduki wo ranga phanḓa vhathu vhe wa vha rengulula;+Nga nungo dzau u ḓo vha isa fhethu hukhethwa hune wa dzula hone.
14 Vhathu vha ḓo zwi pfa;+ vha ḓo hanganea;Vhadzulapo vha Filisita vha ḓo pfa vhuṱungu.*
15 Nga tshenetsho tshifhinga khosana* dza Edomo dzi ḓo hanganea;Vhavhusi vha Moaba vha ḓo tetemela.+
Vhadzulapo vhoṱhe vha Kanana vha ḓo kulea nungo.+
16 Vha ḓo tshuwa.+
Nga nṱhani ha tshanḓa tshau tshihulu a vha nga tsukunyei sa tombo,U swika vhathu vhau vha tshi fhira, iwe Yehova,U swika vhathu vhau vhe wa vha nanga+ vha tshi fhira.+
17 U ḓo vha ḓisa wa vha ṱavha thavhani i re ifa ḽau,+Fhethu he wa ḓilugiselela uri u dzule hone, iwe Yehova,Nnḓu khethwa ye iwe Yehova wa i imisa nga zwanḓa zwau.
18 Yehova u ḓo vhusa sa khosi lini na lini.+
19 Musi bere dza Farao na gariki dzawe dza nndwa na vhaṋameli vhawe vha bere vha tshi dzhena lwanzheni,+Yehova o ita uri maḓi a lwanzhe a vha tibedze,+Fhedzi Vhaisiraele vho tshimbila mavuni o omaho vhukati ha lwanzhe.”+
20 Muporofita Miriamu, khaladzi a Aroni a dzhia murumba na vhaṅwe vhafumakadzi vhoṱhe vha mu tevhela vha tshi khou lidza mirumba vha tshi khou tshina.
21 Miriamu a bvumela vhanna a ri:
“Imbelani Yehova ngauri vhugala hawe ndi vhuhulu.+
O posa bere na muṋameli wayo lwanzheni.”+
22 Nga murahu Mushe a bvisa Vhaisiraele Lwanzheni Lutswuku, vha ya sogani ḽa Shuru, vha tshimbila maḓuvha mararu henefho sogani, fhedzi vha si wane maḓi.
23 Nga u ya ha tshifhinga vha swika Mara,*+ fhedzi vha si kone u nwa maḓi a henefho Mara ngauri o vha a tshi khou dunga. Ndi ngazwo henefho fhethu o hu vhidza Mara.
24 Vhathu vha thoma u gungulela Mushe,+ vha ri: “Ri ḓo nwa mini?”
25 Mushe a vhidzelela Yehova,+ Yehova a mu laedza kha muri. Musi a tshi u posa maḓini, maḓi a ḓifha.
Ndi henefho he a vha vhetshela hone mulayo na nḓila ine vha ḓo haṱulwa ngayo na u linga u thetshelesa havho.+
26 A ri: “Arali wa thetshelesa nga vhuronwane ipfi ḽa Yehova Mudzimu wau, wa ita zwo lugaho phanḓa hawe, wa tevhedza ndaela dzawe na maitele awe oṱhe,+ a thi nga u ḓiseli malwadze e nda a ḓisela Vhaegipita,+ ngauri ndi nṋe Yehova a u fhodzaho.”+
27 Nga murahu ha zwenezwo, vha swika Elima, henefho ho vha hu na zwisima zwa maḓi zwa 12 na miri ya mitshevho ya 70. Vha atha madennde henefho tsini na maḓi.
Ṱhaluso dzi re magumoni a siaṱari
^ Kana “kheṱha, gega.”
^ Thevhedz., “vhuṱungu ha u beba.”
^ Khosana yo vha i vhamusanda.
^ Zwine zwa amba uri “Dunga.”
