Habakuku 1:1-17
1 Nṋe muporofita Habakuku* ndo pfa khaṱhulo kha bono:
2 Yehova, ndi ḓo lila ndi tshi ṱoḓa thuso u swika lini, u sa mpfi?+
Ndi tea u humbela u lamulelwa kha khakhathi u swika lini, u sa nthusi?*+
3 Ndi ngani u tshi ntendela ndi tshi vhona vhukhakhi?
Ndi ngani u tshi tendela vhaṅwe vha tshi tsikeledzwa?
Ndi ngani hu tshi tshinyadzwa na u itwa khakhathi phanḓa hanga?
Ndi ngani khani na nndwa zwi tshi khou engedzea?
4 Mulayo a u tevhedziwi,A hu haṱulwi nga nḓila yo teaho.
Vhavhi vha tsikeledza vhavhuya;Ndi ngazwo hu tshi haṱulwa nga nḓila i songo teaho.+
5 “Lavhelesani dzitshaka, ni ṱhogomele!
Ni sedze no mangala, ni kanuke;Ngauri hu ḓo itea zwiṅwe zwithu misini yaṋuZwine na sa ḓo zwi tenda naho no zwi vhudzwa.+
6 Ngauri ndi khou ḓisa Vhakaladea,+Lushaka lu re na tshiṱuhu na luvhilo.
Vha ya hoṱhe kha ḽifhasiUri vha dzhie miḓi ine ya si vhe yavho.+
7 Vha a ofhisa na u tshuwisa.
Vha haṱula nga nḓila yavho na u ita uri vha huliswe.+
8 Bere dzavho dzi gidima u fhira nngwe,Vha na vhuhali vhu fhiraho ha maṱarelwa* vhusiku.+
Bere dzavho dza nndwa dzi ḓa dzi tshi khou gidima;Bere dzavho dzi ḓa dzi tshi bva kule.
Vha swika nga u ṱavhanya sa goni ḽi tshi gidimela u ḽa.+
9 Vha ḓa vhoṱhe u ita khakhathi.+
Musi vha tshi ḓa vhoṱhe vha nga muya wa vhubvaḓuvha,+Vha kumba vhe vha vha thuba sa muṱavha.
10 Vha goḓa mahosiVha sea vhaḓinḓa vhahulwane.+
Vha kolela na fhethu hoṱhe ho tsireledzwaho;+Vha ita thulwi ya mavu ya u dzhena ngayo uri vha hu thube.
11 Vha ya phanḓa sa muya, vha pfukekanya,Fhedzi vha ḓo vha na mulandu,+Ngauri vha amba uri vho ṋewa maanḓa nga midzimu yavho.”+
12 Yehova, naa a u wa lini na lini?+
Mudzimu wanga, Mukhethwa wanga, a u fi.*+
Yehova, wo vha vhea uri vha ri haṱule;Tombo ḽanga,+ wo vha vhetshela uri vha ri pfise vhuṱungu.*+
13 Wo lugesa lune wa si kone u sedza vhuvhi,A u tendeli vhuvhi.+
Ndi ngani u tshi tendela vhufhura+Na u sa ita tshithu musi muvhi a tshi tshinyadza o lugaho?+
14 Ndi ngani u tshi ita vhathu uri vha nge khovhe,Na u ita uri vha nge zwikokovhi zwi si na muvhusi?
15 Vhoṱhe u* vha kokodza nga tshihuka tsha khovhe.
A vha fasha nga mambule awe,A vha kuvhanganya kha mambule awe.
Ndi ngazwo o takala zwihulu.+
16 Ndi ngazwo a tshi ṋekedza mambule awe zwiṱhavheloNa u itela mambule awe zwioro;Ngauri u wana ngao zwiḽiwa zwa mapfura,Na zwiḽiwa zwawe zwavhuḓi.
17 Naa u ḓo dzula a tshi bvisa zwi re kha mambule awe?
A bvela phanḓa a tshi vhulaya dzitshaka a sa pfeli vhuṱungu?+
Ṱhaluso dzi re magumoni a siaṱari
^ Khamusi ḽi amba “U Kuvhatedza.”
^ Kana “ntshidzi.”
^ Kana “mmbwa dza ḓaka.”
^ Kana khamusi, “a ri nga fi.”
^ Kana “kaidze.”
^ Ndi swina ḽine ḽa vha Mukaladea.
