Hesekiele 45:1-25
45 “‘Musi ni tshi kovhelana shango sa ifa,+ ni dzhie tshipiḓa tshikhethwa ni ṋee Yehova uri tshi vhe muṋeelo wawe.+ Vhulapfu hatsho vhu fanela u vha khubithi* dza 25 000, vhuphara hatsho vhu vhe khubithi dza 10 000.+ Henefho fhethu hoṱhe* hu ḓo vha tshipiḓa tshikhethwa.
2 Tshenetsho tshipiḓa tsha shango tshine tsha lingana thungo dzoṱhe tshi ḓo vha tsha fhethu hukhethwa, mielo yatsho ndi khubithi dza 500 thungo dzoṱhe,+ tshi na pfulo ya khubithi dza 50 thungo dzoṱhe.+
3 Ni kale vhulapfu ha 25 000 na vhuphara ha 10 000, kha tshenetsho tshipiḓa hu ḓo vha nnḓu khethwa, hune ha vha hukhethwa-khethwa.
4 Hu ḓo vha tshipiḓa tshikhethwa tsha vhotshifhe+ kha ḽeneḽo shango, vhane vha shuma nḓuni khethwa, vhane vha sendela tsini uri vha shumele Yehova.+ Hu ḓo vha fhethu ha nnḓu dzavho na fhethu ho khethelwaho nnḓu khethwa.
5 “‘Vhalevi vhane vha shuma thembeleni, vha ḓo vha na tshipiḓa tshine vhulapfu hatsho ha ḓo vha khubithi dza 25 000 na vhuphara ha khubithi dza 10 000,+ vha ḓo vha na kamara dza u ḽela+ dza 20 sa thundu yavho.
6 “‘Ni ite uri wonoyo muḓi u vhe na tshipiḓa tsha vhulapfu ha khubithi dza 25 000 (u lingana na fhethu hukhethwa) na vhuphara ha khubithi dza 5 000.+ Tshenetsho tshipiḓa tshi ḓo vha tsha vhoṱhe vha nnḓu ya Isiraele.
7 “‘Murangaphanḓa u ḓo vha na shango ḽo livhanaho thungo mbili na fhethu hukhethwa na fhethu ho itelwaho uri hu vhe ha muḓi. Ḽeneḽo shango ḽi ḓo vha tsini na fhethu hukhethwa tsini na tshipiḓa tsha muḓi. Ḽi ḓo vha thungo ya vhukovhela na thungo ya vhubvaḓuvha. Vhulapfu haḽo u bva mukanoni wa vhukovhela u ya kha wa vhubvaḓuvha ḽi ḓo lingana na wa mukovhe wa dzitshaka.+
8 Zwenezwi zwipiḓa zwa shango zwi ḓo vha zwawe kha ḽa Isiraele. Vharangaphanḓa vhanga a vha tsha ḓo tambudza vhathu vhanga,+ vha ḓo ṋea shango vha nnḓu ya Isiraele u ya nga tshaka dzavho.’+
9 “Yehova Murena Muvhusahoṱhe u ri: ‘No kaludza inwi vharangaphanḓa vha Isiraele!’
“‘Litshani u ita zwa khakhathi na zwa u tsikeledza, ni ite zwo teaho na zwo lugaho.+ Litshani u dzhia thundu dza vhathu vhanga,’+ u ralo Yehova Murena Muvhusahoṱhe.
10 ‘Ni fanela u shumisa zwikalo zwo teaho, muelo wa efa* wo teaho na muelo wa nkho* wo teaho.+
11 Hu fanela u vha na muelo u sa shanduki wa efa na wa nkho. Muelo wa nkho u fanela u fara homere* dza fumi, na muelo wa efa u fanela u fara homere dza fumi. Hu ḓo shumiswa homere u kala.
12 Shekele*+ i lingana na gera* dza 20. Shekele dza 20 na shekele dza 25 na shekele dza 15 dzi ḓo lingana na mane* nthihi.’
13 “‘Muṋeelo une na fanela u u bvisa ndi hoyu: efa nthihi kha dza rathi dzi bvaho kha homere iṅwe na iṅwe ya goroi na efa nthihi kha dza rathi dzi bvaho kha homere iṅwe na iṅwe ya baḽi.
14 Mapfura a fanela u kaliwa nga nkho. Koro* i lingana na nkho dza fumi, nkho dza fumi dzi lingana na homere nthihi.
15 Hu ṋeelwe nngu nthihi kha dza 200 u bva kha sambi ḽa zwifuwo ḽa Isiraele. Dzi ḓo vha dzi dza tshifhiwa tsha thoro,+ tshifhiwa tsha u fhiswa,+ na zwiṱhavhelo zwa u pfumedzana,+ u itela u pfumelela vhathu,’+ u ralo Yehova Murena Muvhusahoṱhe.
16 “‘Vhathu vhoṱhe vha ḓo ṋeela+ zwenezwo kha murangaphanḓa wa Isiraele.
17 Murangaphanḓa ene u ḓo bvisa zwifhiwa zwa u fhiswa,+ tshifhiwa tsha thoro,+ tshifhiwa tsha u nwiwa nga vhuṱambo,+ nga ṅwedzi muswa, nga Dzisavhatha,+ na nga vhuṱambo hoṱhe ha vha nnḓu ya Isiraele.+ Ndi ene ane a ḓo bvisa tshifhiwa tsha u pfumelela tshivhi, tshifhiwa tsha thoro, tshifhiwa tsha u fhiswa na zwiṱhavhelo zwa u pfumedzana, u itela u pfumelela vha nnḓu ya Isiraele.’
18 “Yehova Murena Muvhusahoṱhe u ri: ‘Nga ṅwedzi wa u thoma, nga ḓuvha ḽa u thoma ḽa wonoyo ṅwedzi, u fanela u dzhia mbohwana i sa lwaliho, u kunakise nnḓu khethwa kha tshivhi.+
19 Tshifhe u ḓo dzhia maṅwe malofha a tshifhiwa tsha u pfumelela tshivhi a a ḓodza kha fureme dza thembele,+ na thungo dzoṱhe dza lumeme lwa aḽeṱare, na kha fureme dza muṱa wa nga ngomu.
20 Ndi zwine na ḓo zwi ita nga ḓuvha ḽa vhusumbe ḽa wonoyo ṅwedzi ni tshi itela we a ita tshivhi hu si nga khole kana we a ita nga khole;+ ni fanela u itela thembele tshipfumelelo.+
21 “‘Nga ṅwedzi wa u thoma, nga ḓuvha ḽa vhu 14 ḽa wonoyo ṅwedzi ni pembelele vhuṱambo ha Paseka.+ Ni ḽe vhurotho vhu si na mbiliso lwa maḓuvha a sumbe.+
22 Nga ḽeneḽo ḓuvha murangaphanḓa u ḓo ḓisa mbohwana sa tshifhiwa tsha u pfumelela tshivhi a tshi itela ene muṋe na vhathu vhoṱhe vha shango.+
23 Ḓuvha ḽiṅwe na ḽiṅwe lwa maḓuvha a sumbe u ḓo ḓisela Yehova tshifhiwa tsha u fhiswa tsha mbohwana dza sumbe dzi sa lwaliho na thutha dza sumbe dzi sa lwaliho,+ khathihi na tshibokoṱo uri tshi vhe tshifhiwa tsha u pfumelela tshivhi.
24 A dovhe a ḓise na tshifhiwa tsha thoro tsha muelo wa efa kha mbohwana iṅwe na iṅwe na tsha muelo wa efa kha thutha iṅwe na iṅwe, khathihi na tshikalo tsha mapfura tsha hini* kha efa iṅwe na iṅwe.
25 “‘Nga ṅwedzi wa vhusumbe, nga ḓuvha ḽa vhu 15 ḽa wonoyo ṅwedzi, lwa maḓuvha a sumbe tshifhingani tsha vhuṱambo+ a ḓise tshenetsho tshifhiwa tsha u pfumelela tshivhi, tshifhiwa tsha u fhiswa, tshifhiwa tsha thoro na mapfura.’”
Ṱhaluso dzi re magumoni a siaṱari
^ Kana “Nga ngomu ha mikano yatsho yoṱhe.”
^ Zwi ambela kha khubithi ndapfu. Sedzani Ṱhume. B14.
^ Sedzani Ṱhume. B14.
^ Sedzani Ṱhume. B14.
^ Sedzani Ṱhume. B14.
^ Kana “mina.” Sedzani Ṱhume. B14.
^ Sedzani Ṱhume. B14.
^ Sedzani Ṱhume. B14.
^ Sedzani Ṱhume. B14.
^ Sedzani Ṱhume. B14.
