Evangeli Ya Mateo 11:1-30
11 Musi Yesu o no fhedza u laya vhafunziwa vhawe vha 12, a ṱuwa henefho a ya a funza na u huwelela kha miṅwe miḓi.+
2 Samusi Yohane o vha o pfa nga ha mishumo ya Kristo e ngei dzhele,+ a ruma vhafunziwa vhawe uri vha vhudzise Yesu+
3 uri: “Naa ndi iwe we ha pfi u ḓo ḓa, kana hu na muṅwe ane ra fanela u mu lindela?”+
4 Yesu a vha fhindula a ri: “Tshimbilani ni vhudze Yohane zwine na khou zwi pfa na u zwi vhona, ni ri:+
5 Vha sa vhoni vha vho vhona,+ vho holefhalaho vha vho tshimbila, vha mapele+ vha khou fhodzwa, vho dzingaho nḓevhe vha vho pfa, vhafu vha khou vuswa, vhashai vha khou funzwa mafhungo maḓifha.+
6 Hu takala ane a si khukhuliswe nga nṋe.”+
7 Musi vha tshi khou ṱuwa, Yesu a amba na gogo nga ha Yohane a ri: “No vha no ya u vhona mini sogani?+ Naa no vha no ya u vhona luṱanga lu vhudzulwaho nga muya?+
8 No vha no ya u vhona mini? Naa no vha no ya u vhona muthu o ambaraho zwiambaro zwi ḓuraho?* Vhane vha zwi ambara vha pfamoni dza mahosi.
9 Ndi ri no vha no ya u ita mini? Naa no vha no ya u vhona muporofita? Ngoho ndi a ni vhudza ndi ri, u fhira na vhaṅwe vhaporofita.+
10 Onoyu ndi ene we ha ṅwaliwa nga hae ha pfi: ‘Ndi khou ruma muḓinḓa wanga phanḓa hau ane a ḓo u lugiselela nḓila!’+
11 Ngoho ndi a ni vhudza ndi ri, kha vhathu vhoṱhe* a hu na ane a fhira Yohane Mulovhedzi, fhedzi u fhirwa nga a re muṱuku Muvhusoni wa ṱaḓulu.+
12 U bva misini ya Yohane Mulovhedzi u swika zwino, vhathu vha khou lwela u dzhena Muvhusoni wa ṱaḓulu, vhane vha ita vhuḓidini ndi vhone vhane vha dzhena.+
13 Ngauri Vhaporofita na Mulayo vho porofita u swika tshifhingani tsha Yohane;+
14 arali ni tshi ṱoḓa u zwi tenda, ndi ene ‘Elia we a pfi u ḓo ḓa.’+
15 A re na nḓevhe nga a pfe.
16 “Uyu murafho ndi nga u vhambedza na nnyi?+ U fana na vhana vho dzulaho makete vhane vha amba na vhane vha tamba navho,
17 vha ri: ‘Ro ni lidzela tshiṱiringo, fhedzi inwi na hana u tshina; ro lila, fhedzi inwi ni si lile.’
18 Yohane o ḓa a si ḽe na u nwa, fhedzi vhathu vha ri, ‘U na dimoni.’
19 Murwa muthu a ḓa a ḽa na u nwa,+ fhedzi vhathu vha ri, ‘Vhonani! Muthu wa u ḽesa na wa u nwesa waini, khonani ya vhathelisi na vhaitazwivhi.’+ Naho zwo ralo, vhuṱali vhu vhonala nga mishumo* yaho.”+
20 A thoma u kaidza miḓi ye a ita mishumo ya maanḓa khayo nge i si rembuluwe, a ri:
21 “Khombo kha iwe Xoratsima! Khombo kha iwe Betsaida! Ngauri arali mishumo ya maanḓa yo itwaho kha inwi i vhe yo itwa ngei Tiro na Sidoni, vho vha vha tshi ḓo vha vho rembuluwa kale vha ambara madzanganda vha dzula miḽorani.+
22 Ndi a ni vhudza uri, zwine zwa ḓo ni wela nga Ḓuvha ḽa Khaṱhulo zwi ḓo fhira zwe zwa wela Tiro na Sidoni.+
23 Na iwe Kapernaume,+ naa u ḓo hudzwa wa swika ṱaḓulu? U ḓo tsela fhasi Vhiḓani;*+ ngauri arali mishumo ya maanḓa yo itwaho ha iwe i vhe yo itwa Sodoma, ndi musi Sodoma u tshi kha ḓi vha hone na ṋamusi.
24 Fhedzi ndi ri, zwine zwa ḓo ni wela nga Ḓuvha ḽa Khaṱhulo zwi ḓo fhira zwe zwa wela muḓi wa Sodoma.”+
25 Nga tshenetsho tshifhinga Yesu a ri: “Ndi a u renda Khotsi phanḓa ha vhathu vhoṱhe, Iwe Murena wa ḽiṱaḓulu na ḽifhasi, ngauri hezwi zwithu wo zwi dzumbela vhaṱali na vha ṱhalukanyo, wa zwi dzumbululela vhana.+
26 Ngauri yeneyo ndi nḓila ine iwe Khotsi wa i takalela.
27 Khotsi anga o nṋea zwithu zwoṱhe,+ a hu na ane a ḓivha Murwa nga vhuḓalo nga nnḓa ha Khotsi;+ a hu na ane a ḓivha Khotsi nga vhuḓalo nga nnḓa ha Murwa, na onoyo ane Murwa a takalela u mu dzumbululela.+
28 Iḓani ha nṋe noṱhe no netaho ni lemelwaho, ndi ḓo ni homolosa.
29 Hwalani dzhogo yanga, ni gude kha nṋe, ngauri ndo vuḓa. Ndi a ḓiṱukufhadza mbiluni,+ ndi hone ni tshi ḓo homoloswa.
30 Ngauri dzhogo yanga a i gogoni* na muhwalo wanga a u lemeli.”
Ṱhaluso dzi re magumoni a siaṱari
^ Kana “zwavhuḓi?”
^ Thevhedz., “kha vho bebwaho nga vhafumakadzi.”
^ Kana “mitshelo.”
^ Kana “Hades.” Sedzani Mutevhe Wa Ṱhalutshedzo Ya Maipfi.
^ Kana “vhaisi.”
