Yesaya 11:1-16
11 Tavhi+ ḽi ḓo simuwa kha tshiguthe tsha Isai,+Lutavhi+ lwawe lu ḓo aṋwa mitshelo.
2 Muya wa Yehova u ḓo dzula khae,+Muya wa vhuṱali+ na wa u pfesesa,Muya wa nyeletshedzo na wa maanḓa,+Muya wa nḓivho na wa u ofha Yehova.
3 U ḓo takadzwa nga u ofha Yehova.+
Ha nga haṱuli nga u sedza mbonalo,Kana u kaidza u ya nga zwe a zwi pfa.+
4 U ḓo haṱula nga nḓila yo teaho* vhane vha ḓiṱukufhadza,U ḓo kaidza nga nḓila yo lugaho a tshi itela vho vuḓaho vha kha ḽifhasi.
U ḓo rwa ḽifhasi nga thonga ya mulomo wawe+A vhulaya vhavhi nga mufemo* wa mulomo wawe.+
5 Zwivhuya zwi ḓo vha bannda khunduni dzawe,Na u fhulufhedzea hu ḓo vha bannda khunduni dzawe.+
6 Ṱarelwa* ḽi ḓo dzula na ngwana,+Nngwe i ḓo lala fhethu huthihi na tshibudzana,Ṋamana na ndau* na tshifuwo tsho nonaho zwi ḓo dzula zwoṱhe,*+Zwi ḓo khadwa nga mutukana.
7 Kholomo na tshivhingwi zwi ḓo fula zwoṱhe,Vhana vhazwo vha ḓo lala fhethu huthihi.
Ndau i ḓo ḽa hatsi vhunga kholomo.+
8 Ṅwana ane a kha ḓi mama u ḓo tamba mulindini wa phakhuphakhu,Ṅwana o litshiswaho u mama* u ḓo dzhenisa tshanḓa tshawe mulindini wa ṋowa i re na vhuṱungu.
9 Zwi nga si huvhadze na luthihi+Kana zwa tshinya thavhani khethwa yanga,+Ngauri ḽifhasi ḽi ḓo vha ḽo ḓala nga nḓivho ya YehovaU fana na maḓi a tshi ḓadza lwanzhe.+
10 Nga ḽeneḽo ḓuvha mudzi wa Isai+ u ḓo ima sa tshiga kha vhathu.+
Tshaka dzi ḓo ḓa khae uri dzi wane nyeletshedzo,*+Hune a ḓo dzula hone hu ḓo vha na vhugala.
11 Nga ḽeneḽo ḓuvha Yehova u ḓo dovha a imisa tshanḓa tshawe lwa vhuvhili, a rengulula masalela a vhathu vhawe e a sala ngei Asuri,+ ngei Egipita,+ ngei Patarosi,+ ngei Kushi,+ ngei Elamu,+ ngei Shinari,* ngei Hamathi na ngei zwiṱangadzimeni zwa lwanzhe.+
12 U ḓo imisela nṱha tshiga a tshi itela dzitshaka, a kuvhanganya Vhaisiraele vho balanganaho,+ u ḓo kuvhanganya Vhayuda vho balanganaho u bva thungo nṋa dza ḽifhasi.+
13 Vivho ḽa Efuraimi ḽi ḓo fhela,+Vhane vha vhenga Yuda vha ḓo fheliswa.
Efuraimi ha tsha ḓo vha na vivho kha Yuda,Na Yuda ha tsha ḓo vhenga Efuraimi.+
14 Vha ḓo tsa zwivhangani zwa Vhafilisita thungo ya vhukovhela;Vha ḓo ṱuwa vhoṱhe vha ya thungo ya vhathu vha Vhubvaḓuvha vha vha dzhiela thundu.
Vha ḓo imisa zwanḓa zwavho vha lwa na Edomo+ na Moaba,+Vhaamoni vha ḓo vha vhalanda vhavho.+
15 Yehova u ḓo dovha a fhandekanya* mugero wa lwanzhe+ lwa Egipita.
A angaladza tshanḓa tshawe nṱha ha Mulambo.*+
U ḓo dovha a rwa mikumbela yawo ya sumbe nga mufemo* wawe u fhisaho,U ḓo ita uri vhathu vha pfuke vho ambara thovho.*
16 Hu ḓo vha na nḓila khulwane+ i bvaho Asuri ine masalela a vhathu vhawe a ḓo vhuya ngayo,+U fana na ye Vhaisiraele vha vhuya ngayo ḓuvha ḽe vha bva Egipita.
Ṱhaluso dzi re magumoni a siaṱari
^ Kana “yo lugaho.”
^ Kana “muya.”
^ Kana khamusi, “Ṋamana na ndau zwi ḓo fula zwoṱhe.”
^ Kana “ndawana.”
^ Kana “Mmbwa ya ḓaka.”
^ Kana “o lumulwaho.”
^ Kana “Tshaka dzi ḓo mu ṱoḓa.”
^ Ndi Babilonia.
^ Kana khamusi, “xisa.”
^ Ndi Yufuratha.
^ Kana “muya.”
^ Kana “phashane, navhula.”
