Yesaya 65:1-25
65 “Ndo tenda u ṱoḓiwa nga vhane vha si vhudzise nga ha nṋe;Nda tenda u waniwa nga vha songo nṱoḓaho.+
Nda ri, ‘Ndi fhano, ndi fhano!’ kha lushaka lu sa vhidzeleli dzina ḽanga.+
2 Ndo fhedza ḓuvha ḽoṱhe ndi tshi khou humbela vhathu vha re na tshikhuna uri vha vhuyelele kha nṋe,+Vhane vha tshimbila nḓilani i si yavhuḓi,+Vhane vha tevhela mihumbulo yavho;+
3 Vhathu vhane vha dzula vha tshi nkhakhela,+Vha tshi ita zwiṱhavhelo masimuni+ na u dubisa zwiṱhavhelo kha zwidina.
4 Vha dzula mavhiḓani,+Vha dzedza fhethu ho dzumbamaho,Vha tshi khou ḽa ṋama ya nguluvhe,+Na muthotho wa zwithu zwi re na tshika u re kha midzio yavho.+
5 Vha ri, ‘Dzulani henefho; ni songo sendela tsini hanga,Ngauri ndi mukhethwa u ni fhira.’*
Vhenevho ndi vhutsi vhu re ningoni dzanga, mulilo une wa duga ḓuvha ḽoṱhe.
6 Zwo ṅwaliwa phanḓa hanga;A thi nga fhumuli,Fhedzi ndi ḓo vha lifhedza,+Ndi ḓo vha lifhedza zwihulu
7 Nga nṱhani ha vhukhakhi havho na ha vhomakhulukuku wavho,”+ u ralo Yehova.
“Ngauri vho dubisa zwiṱhavhelo nṱha ha dzithavhaNa u nnyadza nṱha ha zwikwara,+Ndi ḓo ela malamba avho nga vhuḓalo.”
8 Yehova u ri:
“Vhunga musi waini ntswa i tshi wanala kha tshiṱokola tsha nḓirivhe,Muṅwe muthu a ri, ‘Ni songo tshi tshinyadza, ngauri hu na zwithu zwavhuḓi* khatsho,’Ndi zwine nda ḓo zwi itela vhashumeli vhanga;A thi nga vha fhelisi vhoṱhe.+
9 Ndi ḓo bveledza vhana* kha YakoboNa kha Yuda ndi ḓo bveledza ane a ḓo vha muṋe wa thavha dzanga;+Vhanangiwa vhanga vha ḓo dzula khaḽo,Na vhashumeli vhanga vha ḓo dzula henefho.+
10 Sharona+ hu ḓo vha pfulo ya nnguNa Govha ḽa Axoro+ ḽi ḓo vha vhuawelo ha kholomo,Ndi zwine nda ḓo zwi itela vhathu vhanga vhane vha nṱoḓa.
11 Fhedzi ni vhukati ha vhane vha ṱutshela Yehova,+Vhane vha hangwa thavha khethwa yanga,+Vhane vha lugiselela mudzimu wa Mashudu Mavhuya ṱafula,Na vhane vha shelela mudzimu wa u Bvumba Vhumatshelo waini yo vanganywaho.
12 Ndi ḓo ita uri ni vhulawe nga banga,+Noṱhe ni ḓo gwadama uri ni vhulawe,+Ngauri ndo ni vhidza ni si aravhe,Ndo amba, fhedzi ni si thetshelese;+No bvela phanḓa ni tshi ita zwi sa ntakadzi,Na nanga zwine zwa ntsinyusa.”+
13 Nga zwenezwo, zwe Yehova Murena Muvhusahoṱhe a zwi amba ndi hezwi:
“Vhashumeli vhanga vha ḓo ḽa, fhedzi inwi ni ḓo fa nga nḓala.+
Vhashumeli vhanga vha ḓo nwa,+ fhedzi inwi ni ḓo fa nga ḓora.
Vhashumeli vhanga vha ḓo takala,+ fhedzi inwi ni ḓo shona.+
14 Vhashumeli vhanga vha ḓo pembela nga nṱhani ha vhuimo havho havhuḓi ha mbilu,Fhedzi inwi ni ḓo lila nga nṱhani ha mbilu dzaṋu dzine dza ḓo pfa vhuṱungu,Ni ḓo lila nga nṱhani ha muya wo kwashekanaho.
15 Ni ḓo sia dzina ḽine vhanangiwa vhanga vha ḓo ḽi shumisa sa samba,Yehova Murena Muvhusahoṱhe u ḓo ni vhulaya noṱhe,Fhedzi vhashumeli vhawe u ḓo vha vhidza nga ḽiṅwe dzina;+
16 Uri ane a ḓiṱoḓela phaṱhutshedzo kha ḽifhasiA fhaṱutshedzwe nga Mudzimu wa ngoho,*Na ane a ana kha ḽifhasiU ḓo ana nga Mudzimu wa ngoho.*+
Ngauri maṱungu* a kale a ḓo vha o hangwiwa;A ḓo dzumbiwa hune nda sa ḓo a vhona.+
17 Ndi khou sika ḽiṱaḓulu ḽiswa na ḽifhasi ḽiswa;+Zwithu zwa kale a zwi tsha ḓo humbulwa,Na mbiluni ya muthu a zwi tsha ḓo vha hone.+
18 Ni pembelele na u takalela lini na lini zwine nda khou zwi sika.
Ndi khou sika Yerusalema uri u vhe wa dakaloNa uri vhathu vhawo vha pembele.+
19 Ndi ḓo takalela Yerusalema na u pembelela vhathu vhanga;+A vha tsha ḓo dovha vha pfiwa vha tshi khou lila kana vha tshi khou lila vho tsikeledzea.”+
20 “A hu tsha ḓo vha na ṅwana ane a tshila maḓuvha maṱuku henefho fhethu,Kana mukalaha ane a si fhedze maḓuvha awe.
Ngauri ane a fa e na miṅwaha ya ḓana u ḓo dzhiiwa e mutukana,Muitazwivhi u ḓo semiwa, naho e na miṅwaha ya ḓana.*
21 Vha ḓo fhaṱa nnḓu vha dzula khadzo,+Vha ḓo ṱavha minḓirivhe vha ḽa mitshelo yayo.+
22 A vha nga fhaṱi ha dzula muṅwe,Kana vha ṱavha ha ḽa vhaṅwe.
Ngauri maḓuvha a vhathu vhanga a ḓo nga maḓuvha a muri,+Vhanangiwa vhanga vha ḓo takalela tshoṱhe mushumo wa zwanḓa zwavho.
23 A vha nga shumeli* mahala,*+Kana vha beba vhana vhane vha ḓo welwa nga khombo,Ngauri ndi vhana* vho fhaṱutshedzwaho nga Yehova,+Na vhaḓuhulu vhavho.+
24 Naho vha sa athu u vhidzelela, ndi ḓo aravha;Musi vha tshi kha ḓi amba ndi ḓo zwi pfa.
25 Ṱarelwa* na ngwana zwi ḓo fula fhethu huthihi,Ndau i ḓo ḽa hatsi vhunga mboho,+Ṋowa i ḓo ḽa buse.
Zwi nga si huvhadze kana zwa tshinyadza thavhani yanga yoṱhe khethwa,”+ u ralo Yehova.
Ṱhaluso dzi re magumoni a siaṱari
^ Kana khamusi, “Ngauri ndi ḓo ni sumbedza uri ndi mukhethwa.”
^ Thevhedz., “phaṱhutshedzo.”
^ Thevhedz., “mbeu.”
^ Kana “a fhulufhedzeaho.” Thevhedz., “Amen.”
^ Kana “a fhulufhedzeaho.” Thevhedz., “Amen.”
^ Kana “khakhathi.”
^ Kana khamusi, “Ane a si swikise miṅwaha ya ḓana u ḓo dzhiiwa sa o semiwaho.”
^ Kana “ḓinetiseli.”
^ Kana “ḽifhedzi.”
^ Thevhedz., “mbeu.”
^ Kana “Mmbwa ya ḓaka.”
