Yobo 11:1-20
11 Tsofari+ wa Munaama a fhindula a ri:
2 “Naa a hu na muthu ane a nga fhindula izwo zwe wa amba,Naa u ambesa zwi nga ita uri muthu a vhe o lugaho?*
3 Naa u fhafhaḓa hau hu nga ita uri vhathu vha fhumule?
Naa hu nga si ḓo vha na muthu ane a ḓo u kaidzela u goḓa hau?+
4 Ngauri iwe u ri: ‘Zwine nda amba ndi ngoho,+Ndo kuna phanḓa hau.’+
5 Arali ene Mudzimu a tshi nga ambaA vula mulomo wawe a amba na iwe!+
6 O vha a tshi ḓo u dzumbululela zwiphiri zwa vhuṱali,Ngauri vhuṱali vhu na masia manzhi.
Wo vha u tshi ḓo zwi ṱhogomela uri Mudzimu o no u hangwela vhuṅwe ha vhukhakhi hau.
7 Naa u nga ṱalukanya vhuṱali ho dzikaho ha MudzimuKana u ṱalukanya zwithu zwoṱhe nga ha Ramaanḓaoṱhe?
8 Ndi vhuhulu u fhira ḽiṱaḓulu. Iwe u nga khunyeledza mini?
Ho tsa u fhira Vhiḓa.* Iwe u ḓivha mini?
9 Ho lapfa u fhira ḽifhasiHa ṱanḓavhuwa u fhira lwanzhe.
10 Arali a takuwa a fara muthu a mu isa tsengoni,Ndi nnyi ane a nga mu hanedza?
11 Ngauri ene u a ḓivha vha re na vhufhura.
Musi a tshi vhona zwi re zwivhi, naa ha nga zwi ṱhogomeli?
12 Fhedzi muthu a si na ṱhalukanyo u ḓo zwi pfesesaMusi donngi i tshi vho dzwala muthu.
13 Arali wa lugisa mbilu yauWa ṱharamudzela zwanḓa zwau khae.
14 Arali u tshi khou ita zwo khakheaho, zwi litshe,U songo tenda hu tshi itiwa zwithu zwi songo lugaho madenndeni au.
15 Ndi hone u tshi ḓo imisa tshifhaṱuwo tshau u si na mulandu;U ḓo ima wo khwaṱha u sa ofhi.
16 Ndi hone u tshi ḓo hangwa zwi u dinaho;U tshi zwi humbula zwi ḓo nga maḓi e a elela a u fhira.
17 Vhutshilo hau vhu ḓo penya u fhira tshedza tsha masiari;Swiswi ḽi ḓo nga tshedza tsha nga matsheloni.
18 Wa vha na tshivhindi ngauri hu na fhulufhelo,Wa ṱinga-ṱinga, wa eḓela wo tsireledzea.
19 Wa eḓela hu si na ane a u tshuwisa,Vhathu vhanzhi vha ḓo ṱoḓa u tshi vha takalela.
20 Fhedzi maṱo a vhavhi a ḓo swinga;A vha nga ḓo wana fhethu hune vha nga shavhela hone,Fhulufhelo ḽavho ndi lufu.”+
Ṱhaluso dzi re magumoni a siaṱari
^ Kana “Naa muthu ane a ḓihudza a nga vha o lugaho?”
^ Kana “Sheol.” Sedzani Mutevhe Wa Ṱhalutshedzo Ya Maipfi.
