Yobo 28:1-28
28 “Hu na fhethu hune ha bwiwa siḽivaNa fhethu hune musuku wa kunakiswa hone;+
2 Tsimbi i bviswa mavuni,Koporo i ṋokiswa* i tshi bva matomboni.+
3 Muthu u kunda swiswi;A ṱoḓa zwi re ngei fhasi-fhasi swiswini ḽihulu,
A tshi ṱoḓa tsimbi.*
4 U bwa mugodi kule na hune vhathu vha dzula hone,Fhethu ho hangwiwaho, kule na hune vhathu vha tshimbila hone;Vhaṅwe vhathu vha a tsa, vha nembelela henengei.
5 Zwiḽiwa zwi mela kha ḽifhasi;Fhedzi nga fhasi haḽo ḽo shanduka ḽa nga ndi mulilo.*
6 Henefho matomboni hu na tombo ḽa safire,Buseni hu na thombwana dza musuku.
7 Na tshiṋoni tshine tsha ḽa ṋama a tshi ḓivhi iyo nḓila;Na ḽiṱo ḽa lurwanzhivha a ḽi athu u i vhona.
8 Na zwivhanda zwihulu a zwi athu u tshimbila kha yeneyo nḓila;Na ndawana a i athu u kanda henefho.
9 Muthu u rwa tombo nga tshanḓa tshawe;U wisa dzithavha kha mitheo yadzo.
10 U kora migero+ kha tombo;Maṱo awe a vhona tshithu tshiṅwe na tshiṅwe tsha ndeme.
11 U thivha zwisima zwa milamboU bvisela khagala zwo dzumbiwaho.
12 Fhedzi vhuṱali hone vhu wanala ngafhi,+Fhethu hune ṱhalukanyo ya wanala hone ndi ngafhi?+
13 A hu na muthu ane a dzhiela nṱha ndeme yaho,+A vhu wanali fhano shangoni.
14 Mativha a ri: ‘Ngeno a vhuho!’
Na lwanzhe lu ri: ‘A vhu na nṋe fhano!’+
15 Vhu nga si rengwe nga musuku vhukuma;Vhu nga si rengwe na nga siḽiva.+
16 Vhu nga si rengwe nga musuku wa Ofiri+Na nga tombo ḽa onikisi na ḽa safire.
17 Vhu nga si vhambedzwe na musuku na ngilasi;Vhu nga si rengwe nga mudzio wa musuku vhukuma.*+
18 Khoraḽa na khristaḽa zwi nga si vhambedzwe naho,+Vhuṱali vhu fhira mukhwama wo ḓalaho nga vhulungu.
19 Tombo ḽa thophasi+ ḽa Kushi ḽi nga si vhambedzwe naho;Vhu nga si rengwe nga musuku vhukuma.
20 Fhedzi vhuṱali hone vhu wanala ngafhi,Fhethu hune ṱhalukanyo ya wanala hone ndi ngafhi?+
21 Ho dzumbwa uri vhu si vhonwe nga tshiṅwe na tshiṅwe tshi tshilaho+Na zwiṋoni a zwi vhu vhoni.
22 Ndozwo na lufu zwi ri:
‘Ro tou vhu pfa vhu tshi ambiwa.’
23 Mudzimu ndi ene ane a ṱalukanya nḓila ya u vhu wana;Ndi ene e eṱhe ane a ḓivha uri vhu wanala ngafhi,+
24 Ngauri ndi ene a lavhelesaho u swika magumoni a ḽifhasi,U vhona tshiṅwe na tshiṅwe tshi re fhasi ha ḽiṱaḓulu.+
25 Musi a tshi ṋea muya maanḓa awo+A tshi kala maḓi,+
26 Musi a tshi vhetshela mvula milayo+Na u itela nḓila makole a mvula i naho na mibvumo,+
27 O vhona vhuṱali a vhu ṱalutshedza;O vhu vhumba a vhona uri vhu a shuma.
28 A amba na muthu a ri:
‘U ofha Yehova ndi hone vhuṱali,+U laṱa vhuvhi ndi yone ṱhalukanyo.’”+
Ṱhaluso dzi re magumoni a siaṱari
^ Thevhedz., “shululwa.”
^ Thevhedz., “tombo.”
^ Zwi vhonala uri zwenezwo zwi ambela kha mishumo ya mugodini.
^ Kana “wo kunakiswaho.”
